JEREMIAH 30:14 - Edisana ñwed Abasi Ibom

¹⁴ Kpukpru mme ufan fo emefre fi; mmɔ iyomke fi; koro ŋkamiade fi ufen usua, ye ata ɔkpɔsɔŋ ntunɔ: koro mme idiɔk ido fo ewakde; mme ukwaŋ ŋkpɔ fo enyuŋ ekɔride.

JEREMIAH 30:14 ပူးပေါင်းရင်းမြစ်များ

ŊWED JOB 16:9

Iyaresit esie awai mi onyuŋ ɔkɔbɔ mi, enye ata edet esie ese mi; usua mi ɔsɔp enyin esie ese mi.

ŊWED JOB 19:11

Enye onyuŋ anam iyaresit esie asak mi ke idem, onyuŋ abat mi nte owo usua esie kiet.

ŊWED JOB 30:21

Afo amakabare ɔsɔŋ ido ye ami: ada ɔkpɔsɔŋ ubɔk fo ɔkɔbɔ mi.

ŊWED MME PSALM 107:17

Ndisime owo ekut ukut ebaŋa usuŋ ukwaŋ-ŋkpɔ mmɔ ye mme idiɔk ido mmɔ.

ISAIAH 57:13

Ke ini afo esemede, yak kpukpru ntaŋ-mbon ŋkpɔ fo enyaŋa fi; ndien ofum eyekpɔri kpukpru mmɔ efep; ibifik eyeda mmɔ efep. Edi owo eke ɔbuɔtde idem esie ye ami eyedia isɔŋ, onyuŋ ada edisana obot mi enyene;

JEREMIAH 14:17

Nyuŋ dɔhɔ ikɔ emi, ete, enyin mi eyeyak mmɔŋeyet ɔsuhɔre ke okoneyo ye uwemeyo, idinyuŋ idopke: koro emenuak adiaha ikɔt mi eyenɔwɔŋ eti-eti, unan ɔmɔdiɔk akan.

JEREMIAH 2:36

Nsinam afo oyoŋde ntem eti-eti, onyuŋ ɔkpuhɔrede usuŋ fo? Afo eyeda but abaŋa Egypt, kpa nte akadade abaŋa Assyria.

JEREMIAH 22:20

Dɔk ke Lebanon, nyuŋ fiori; nyuŋ menere uyo fo ke Bashan, nyuŋ tie ke Abarim fiori: koro kpukpru mmɔ eke emade fi esuanade.

JEREMIAH 22:22

Ofum eyebɔk kpukpru mmɔ eke ebɔkde fi, mmɔ eke emade fi eyenyuŋ eka ke otu mbon ntaŋ-mfep: koro but ye esuene eyenam fi ke ini oro ebaŋa kpukpru mme idiɔk ido fo.

JEREMIAH 30:15

Nsinam afo atuade abaŋa unan fo? Ubiak fo ɔmɔdiɔk akan: koro mme idiɔk ido fo ewakde, mme ukwaŋ-ŋkpɔ fo enyuŋ ekɔride, ami nnam fi ŋkpɔ emi.

JEREMIAH 32:29

ndien mme Chaldean eke eŋwanade ekɔŋ ye obio emi, eyedi edikim ikaŋ ke obio emi, enyuŋ efɔp enye, ye ufɔk oro mmɔ ekefɔpde ŋkpɔ ke enyɔŋ ɔkɔm mmɔ enɔ Baal, enyuŋ ɔtɔhɔde ediŋwɔŋ uwa mmɔ enɔ abasi efen, man eyat mi esit.

JEREMIAH 32:30

Koro nditɔ Israel ye nditɔ Judah esuk enam idiɔk-idiɔk ke iso mi, toto ke ini uyen mmɔ: koro nditɔ Israel esuk eyeyat mi esit ke se ubɔk mmɔ enamde; Jehovah ɔdɔhɔ.

JEREMIAH 32:34

Ndien mmɔ esin ŋkpɔ mbubiam mmɔ ke ufɔk emi ekerede enyiŋ mi, enyuŋ esabare enye.

JEREMIAH 32:35

Mmɔ enyuŋ ebɔp edikoŋ ebiet Baal oro odude ke itihere eyen Hinnom, enyuŋ enam nditɔ-iren mmɔ ye nditɔ-iban mmɔ ebe eduk ke esit ikaŋ enɔ Molech, eke mme ŋkowukke mmɔ, enye mikonyuŋ idukke mi esit: mmɔ enam ido mbubiam emi, man esin Judah enam idiɔk.

JEREMIAH 38:22

“Ndien, sese, eyeda kpukpru iban emi esuhɔde ke ufɔk edidem Judah ewɔrɔ esɔk ikpɔ owo edidem Babylon: ndien iban oro eyedɔhɔ ete, ‘Mme ufan fo ekesin fi anam ntem, ekenyuŋ ekan fi: ukot fo emebuhɔ ke mbat, enyuŋ efiak edem.’

JEREMIAH 4:30

Ndien afo andibiara edinam didie? Koro afo eyesine ididuot: koro afo eyeda mbana-ŋkpɔ o-gold abana idem, koro afo adade stibium awai enyin fo: eyenam idem fo eye ikpikpu: mmɔ eke emade fi esin fi, eyeyom uwem fo.

JEREMIAH 44:22

Ndien Jehovah ikemeke aba ndiyɔ idiɔk ido mbufo, ye ŋkpɔ mbubiam emi mbufo enamde; ndien isɔŋ mbufo amakabare edi nsobo, ye ndobo, ye isuŋi, ndien owo eke oduŋde iduhe du, kpa nte edide mfin emi.

JEREMIAH 5:5

Yak mbine ikpɔ owo, nnyuŋ ndɔhɔ ye mmɔ; koro mmɔ efiɔkde usuŋ Jehovah, ikpe Abasi mmɔ. Edi mmɔ emebuŋ ɔkpɔnɔ ubɔk kiet, ekibi ubɔp-ŋkpɔ.

JEREMIAH 5:6

Mmɔdo lion eyeto ke akai owot mmɔ, wolf mbubreyo eyesobo mmɔ: ekpe eyekpeme obio mmɔ: eyeta kpukpru owo eke ewɔŋɔde ke esit: koro mme idiɔk ido mmɔ ewakde, mfiakedem mmɔ onyuŋ ɔdɔdiɔŋ ɔsɔŋ.

JEREMIAH 50:42

Mmɔ eyemum utiga ye eduat: mmɔ edehe ide, idinyuŋ ituaha owo mbɔm: uyo mmɔ eyeyomo nte inyaŋ ibom, mmɔ eyenyuŋ edoro ke horse, etim idem nte owo ekɔŋ eŋwana ye afo,

JEREMIAH 6:23

Mmɔ ekama utiga ye eduat; mmɔ ewai enyin, inyuŋ ituaha owo mbɔm: uyo mmɔ oyomo nte inyaŋ; mmɔ enyuŋ edoro horse, etim idem nte mbon-ekɔŋ ebaŋa fi O adiaha Zion.

ŊWED ESEME 1:19

Ŋkokot mmɔ eke emade mi; edi mmɔ ebiaŋa mi: mme oku mi ye ebiowo mi ekpaŋa ke obio, ke ini mmɔ eyomde udia ke idem mmɔ, man edemere ukpɔŋ mmɔ.

ŊWED ESEME 1:2

Enye atua eyet eti-eti ke okoneyo, mmɔŋeyet esie onyuŋ eyere enye ke mfuk: baba owo kiet eke ɔdɔŋde enye esit iduhe ke otu kpukpru mmɔ eke emade enye: kpukpru mme ufan esie ebiaŋa enye emekabare edi mme asua esie.

ŊWED ESEME 2:1

ƆBƆŊ anam didie ada ekim ofuk adiaha Zion ke iyaresit esie, osio uyai Israel ke enyɔŋ ɔduɔk ke isɔŋ, inyuŋ itihi udori-ukot esie ke usen iyaresit esie!

EZEKIEL 23:22

Mmɔdo ntem ke Ɔbɔŋ Jehovah ɔdɔhɔ, ete, O Oholibah, sese, ami mmɔŋ ndemere mme andima fi, emi esit fo odororede mmɔ, nnɔ fi, nnyuŋ nda mmɔ ke ŋkan-ŋkutk ntiene fi;

EZEKIEL 23:9

Mmɔdo ndade enye nsin mme andima enye ke ubɔk, kpasuk ke ubɔk nditɔ Assyria, emi itɔŋ mmɔ ɔkɔdɔŋde enye.

DANIEL 9:11

Ofuri Israel ŋko ema ebiat mbet fo, enyuŋ ekabare ete ikukop uyo fo. Ndien afo aŋwaŋa nnyin isuŋi ke idem, ye uŋwɔŋɔ emi ewetde ke ŋwed mme ewuhɔ Moses owo Abasi, koro nnyin iduede ye enye.

DANIEL 9:13

kpa nte emi ekewetde ke ŋwed mbet Moses, ofuri idiɔk-ŋkpɔ emi omosim nnyin. Edi nnyin ikekpehe Jehovah Abasi nnyin ubɔk, inyuŋ ikpɔŋke mme idiɔk ido nnyin ifiak edem, inyuŋ itimke ifiɔk akpanikɔ fo.

DANIEL 9:5

Nnyin imedue, imonyuŋ inam ukwaŋ-ŋkpɔ, imonyuŋ idiɔk, inyuŋ isɔŋ ibuot, inyuŋ ikabare ikpɔŋ ido fo ye mme item fo:

HOSEA 2:5

Koro eka mmɔ ekenamde use, andiman mmɔ amanam oburobut: koro enye ɔdɔhɔde ete, Nyetiene mmɔ eke emade mi, emi enɔde mi uyo mi ye mmɔŋ mi, ye idet erɔŋ mi ye flax mi, ye aran mi ye se ŋŋwɔŋde.

HOSEA 5:14

Koro ami ntiede nte lion ye Ephraim, ntie nte akparawa lion ye ufɔk Judah: ami kpa ami nyewai ndien nnyɔŋ; nyemen mfep, ndien baba owo kiet eke anyaŋade ididuhe.

OBADIAH 1:7

Kpukpru mmɔ emi ediomide ediomi ye afo esin fi ke adaŋa: mmɔ emi etiede ufan-ufan ye afo ebiaŋa fi enyuŋ ekan fi: mmɔ emi etade uyo fo ekɔk afia esin ke idak ukot fo: eti ibuot iduhe enye ke idem.