JEREMIAH 30:12 - Edisana ñwed Abasi Ibom

¹² Koro ntem ke Jehovah ɔdɔhɔ, ete, Inyeneke nte ekɔkde unan fo, ufen fo ɔmɔdiɔk akan.

JEREMIAH 30:12 ပူးပေါင်းရင်းမြစ်များ

2 CHRONICLES 36:16

edi mmɔ esak mme isuŋ-utom Abasi, enyuŋ esin ikɔ esie ke ndek, enyuŋ esuŋi mme prophet esie, tutu Jehovah obumere iyaresit ye ikɔt esie, tutu inyeneke erikure.

JEREMIAH 14:17

Nyuŋ dɔhɔ ikɔ emi, ete, enyin mi eyeyak mmɔŋeyet ɔsuhɔre ke okoneyo ye uwemeyo, idinyuŋ idopke: koro emenuak adiaha ikɔt mi eyenɔwɔŋ eti-eti, unan ɔmɔdiɔk akan.

JEREMIAH 14:19

Nte afo ɔmɔduɔk Judah fap? Nte Zion etek fi esit? Nsinam afo amiade nnyin, ndien nnyin inyeneke owo eke ɔkɔkde nnyin?

JEREMIAH 15:18

Nsinam ubiak mi ebigide ke nsinsi? Nsinam unan ɔdiɔkde mi ntem, minyimeke ndikpa? Nte afo ɔmɔŋ etie ye ami nte osu-nsu, ye nte mmɔŋ eke asatde.

JEREMIAH 30:15

Nsinam afo atuade abaŋa unan fo? Ubiak fo ɔmɔdiɔk akan: koro mme idiɔk ido fo ewakde, mme ukwaŋ-ŋkpɔ fo enyuŋ ekɔride, ami nnam fi ŋkpɔ emi.

JEREMIAH 6:7

Kpa nte iso idim otopde mmɔŋ esiemɔ, kpa ntre ke enye otop idiɔk ido esie: mmɔ ekop enye ŋkanubɔk ye mbume ke esit; ubiak ye unan esuk edudu ke iso mi kpukpru ini.

JEREMIAH 8:22

Nte baba balsam iduhe ke Gilead? Nte baba abia-ibɔk iduhe do? Nsinam ndien mibɔpke unan adiaha ikɔt mi?

ŊWED ESEME 2:13

Ndidɔhɔ fi didie nte ntiense? Ndɔhɔ nte afo ebiet nso? Adiaha Jerusalem, ndida nso ndomo fi, man ndɔŋ fi esit, O adiaha Zion, eyenɔwɔŋ? koro ŋwure fo okponde nte inyaŋ; anie ekeme ndidiɔŋ fi?

EZEKIEL 37:11

Ndien enye ɔdɔhɔ mi, ete, Eyen owo, mme ɔkpɔ emi edi ofuri ufɔk Israel. Sese, mmɔ ke edɔhɔ ete, Mme ɔkpɔ nnyin emesat, idorienyin nnyin omonyuŋ atak: emesibe nnyin efep.

HOSEA 5:13

Ndien Ephraim okut udɔŋɔ esie, Judah onyuŋ okut unan esie, ndien Ephraim aka ke Assyria, onyuŋ ɔdɔŋ owo utom ke ɔtɔ edidem Jareh (usua); edi enye ikekwe nte anamde udɔŋɔ okure mbufo, inyuŋ ikɔkke mbufo unan.

MICAH 1:9

Koro unan esie odorode ufiɔn; koro enye osimde Judah: enye omoduk ke inua-otop ikɔt mi, kpa ke Jerusalem.

NAHUM 3:19

Nditaha fo inyeneke erikɔbɔ: unan fo omodoro ufiɔn: kpukpru mmɔ eke ekopde etop fo eyekwak ubɔk ebaŋa fi: koro anie owo odu eke idiɔk ido fo mikesimke enye kpukpru ini?