JEREMIAH 30:10 - Edisana ñwed Abasi Ibom

¹⁰ Jehovah onyuŋ ɔdɔhɔ, ete, Afo owo mi Jacob, kufehe ndik; Israel, kunyuŋ ukpa idem: koro sese, ami nyenyaŋa fi nsio ke anyan idut, nnyuŋ nsio ubon fo ke isɔŋ oro etaŋde mmɔ eka; ndien Jacob eyefiak, onyuŋ etie suŋ ke ifure, baba owo kiet idinyuŋ inamke enye edikhe.

JEREMIAH 30:10 ပူးပေါင်းရင်းမြစ်များ

GENESIS 15:1

KE ŋkpɔ emi ema ekebe, ikɔ Jehovah osim Abram ke ŋkukut, ete, Kufehe ndik, Abram: Ami ndi otu ekɔŋ fo, utip fo awak eti-eti.

ISAIAH 14:3

Ndien ama ekem ke usen emi Jehovah edisiode fi ke ndutuhɔ fo, ye ke nyomo-nsia fo, ye ke ɔkpɔsɔŋ ufin emi enimde fi, efep, ɔnɔ fi nduɔk-odudu,

ISAIAH 35:9

Lion ididuhe do, idiɔk unam idinyuŋ idɔkke ke esit, idikwe enye do; edi mmɔ eke efakde mmɔ eyesaŋa do:

ISAIAH 43:5

Kufehe, koro ami ndude ye afo: nyeda ubon fo ke edem usiaha-utin ndi, nyetaŋ fi ke edem usop-utin mbon:

ISAIAH 44:1

EDI kop ndien, O Jacob, owo mi, ye Israel emi mmekde:

ISAIAH 44:2

Jehovah emi akanamde fi, okonyuŋ obotde fi ke idibi, emi ediŋwamde fi, ɔdɔhɔ ntem, ete, Owo mi Jacob, kufehe ndik, Jerusalem emi mmekde kunyuŋ ufehe.

ISAIAH 46:11

Ŋkot ntrukpom, nte oto ke edem usiaha-utin edi; ŋkot owo uduak esie, nte oto ke anyan idut edi: ŋkɔm mma ndɔhɔ, nyenyuŋ nnam enye edi ŋko; mma mbot, nyenyuŋ nnam enye.

ISAIAH 46:13

mmada eti ido nsaŋa ŋkpere; enye idiyomke usuŋ, erinyaŋa mi idinyuŋ ibigike nyenyuŋ nnim erinyaŋa mi ke Zion, nnɔ Israel ubɔŋ mi.

ISAIAH 49:12

Sese, mme mmɔ emi eyeto ke anyan idut edi: sese, mmɔ emi ŋko eto ke edem edere, ye ke edem inyaŋ; mme mmɔ emi ŋko enyuŋ eto ke idut Sinim.

ISAIAH 49:25

koro ntem ke Jehovah ɔdɔhɔ, ete, Eyebɔ idem ɔkpɔsɔŋ owo mbuot ekɔŋ esie, mbume owo ndik eyenyuŋ ɔbɔhɔ: ndien edi ami nditɔhɔ ye mmɔ eke etɔhɔde ye afo, edi ami ndinyuŋ nnyaŋa nditɔ fo.

ISAIAH 54:4

Kufehe: koro but midinamke fi; kunyuŋ uyak nsia oyomo fi: koro afo mudukwe esuene: koro afo eyefre but uyen fo; udunyuŋ utihi aba itie-ebe-akpa fo.

JEREMIAH 23:3

Ndien ami nyetaŋ ufene mi emi esuhɔde ke kpukpru mme idut eke mbinde mmɔ nsin do, mbon, nyenyuŋ nda mmɔ mfiak ke ebiet nna mmɔ; ndien mmɔ eyetɔt enyuŋ ewak.

JEREMIAH 23:4

Ndien nyedori mme ɔbɔk eke edibɔkde mmɔ, ndien mmɔ idifeheke aba ndik, idem idinyuŋ ikpaha aba mmɔ, mmɔ idinyuŋ isopke: ke edi Jehovah ɔdɔhɔ.

JEREMIAH 23:6

Ke eyo esie ke edinyaŋa Judah, Israel eyenyuŋ oduŋ ke ifure: ndien emi edi enyiŋ eke edisiode enye, JEHOVAH EDINEN IDO NNYIN.

JEREMIAH 23:8

edi eyedɔhɔ ete, Ma uwem Jehovah emi okosiode ubon ufɔk Israel efep ke isɔŋ edere, ye ke kpukpru mme idut eke ŋkebinde mmɔ nsin do, ada ɔdɔk; ndien mmɔ eyeduŋ ke isɔŋ mmɔ.

JEREMIAH 29:11

Koro ami mmɔfiɔk ekikere emi ŋkerede mbaŋa mbufo, Jehovah ɔdɔhɔ, ekikere emem, idige eke idiɔk, man nnɔ mbufo utit ye idorienyin.

JEREMIAH 29:14

Jehovah ɔdɔhɔ, ete, Mbufo eyenyuŋ ekut mi; ndien ami nyeyak mbufo eto ke itie mbuot-ekɔŋ enyɔŋ edi, nnyuŋ ntaŋ mbufo ke kpukpru mme idut, ye ke kpukpru ebiet eke mbinde mbufo nsin do, ndibon, Jehovah ɔdɔhɔ; nyenyuŋ nda mbufo mfiak ndi ke ebiet eke ŋkayakde mmɔ etaŋ mbufo ke esit efep.

JEREMIAH 3:18

Ke eyo oro ufɔk Judah eyekɔrɔ ke ufɔk Israel, esaŋa, ndien mmɔ eyeto ke isɔŋ edere esaŋa ikpat kiet edi isɔŋ emi ŋkɔnɔde mme ete mbufo enyene.

JEREMIAH 30:3

Koro, sese, ini ke edi, Jehovah ɔdɔhɔ, ndien nyeda ikɔt mi Israel ye Judah emi eketaŋde efep mfiak ndi, Jehovah ɔdɔhɔ: nyenyuŋ nda mmɔ nnyɔŋ ndi ke isɔŋ emi ŋkɔnɔde mme ete mmɔ, ndien mmɔ eyeda enye enyene.

JEREMIAH 30:7

Mbɔm, mbɔm, koro usen oro okponde! ndien baba kiet eke ebietde enye inyuŋ iduhe: enye onyuŋ edi ini ukut Jacob; edi eyenyaŋa enye esio ke esit.

JEREMIAH 33:16

Ke mme usen oro ke edinyaŋa Judah, Jerusalem eyenyuŋ oduŋ ke ifure; ndien emi edi se edikotde enye, JEHOVAH ETI IDO NNYIN.

EZEKIEL 16:52

Afo ŋko emi ekekpede ikpe ɔnɔ nditɔ-uka iban, ke mme idiɔk ido fo emi afo akanamde mbubiam akan mmɔ, biom but fo: mmɔ emenen ekan fi: kop esuene ŋko, nyuŋ biom but fo: koro afo akakaŋde nditɔ-uka iban.

EZEKIEL 38:11

Nyedɔk ke isɔŋ obio iŋwaŋ; nyesim mmɔ eke etiede ke ifure, emi eduŋde ke ndueidem, kpukpru mmɔ eduŋ enana ibibene, eto usuŋ ye itim inyuŋ iduhe,

DANIEL 12:1

NDIEN ke ini oro Michael akwa ɔbɔŋ emi adade abaŋa nditɔ oruk fo, eyedaha ada: ndien ini oro eyedi ini ukut emi oruk esie akanam miduhe toto nte idut okodu, tutu osim ini oro: ndien ke ini oro oruk fo eyebɔhɔ, kpukpru mmɔ emi ewetde esin ke ŋwed oro.

HOSEA 2:18

Ndien ke usen oro ke ndidiomi ediomi ye unam-ikɔt, ye inuen enyɔŋ, ye ɔnyɔni isɔŋ, nnɔ mmɔ; nyenyuŋ mbuŋ utiga ye ofut ye ekɔŋ ke isɔŋ mfep, nnyuŋ nyak mmɔ ena ke isɔŋ ke ifure.

HOSEA 2:20

Nyenyuŋ mbem fi nnim nnɔ idem mi ke akpanikɔ: ndien afo eyefiɔk Jehovah.

HOSEA 6:11

Ndien ŋko, O Judah, enye enim ini ukpeŋe ɔnɔ fi.

JOEL 2:21

O isɔŋ, kufehe, mbufo edara enyuŋ ebre: koro Jehovah anamde ikpɔ ŋkpɔ.

MICAH 4:9

Ke emi nsinsm afo ofioride mfiori? Nte edidem iduhe ke otu mbufo? nte owo item fo amatak? koro ubiak omomum fi kpa nte ŋwan uman.

ZECHARIAH 3:10

Jehovah mme udim ɔdɔhɔ, ete, Ke usen oro mbufo kpukpru eyekot mbɔhiduŋ mbufo ke idak vine ye ke idak eto fig.

JOHN 12:15

Kufehe, Adiaha Zion: Sese, Edidem fo ke odoro Ke abak ass edi.