JEREMIAH 3:8 - Edisana ñwed Abasi Ibom

⁸ Ndien Judah eyen-eka esie ama-nsu okut. Ndien okposuk edi nte efibe oro Israel ama-mfiakedem ekesinde, edi ofuri ntak emi ŋkosiode enye, nnyuŋ nnɔde enye ŋwed usio-ndɔ, ŋkut nte ke Judah eyen-eka esie aŋwan ama-nsu ifeheke ndik, edi aka akanam use, kpa enye ŋko-ŋko.

JEREMIAH 3:8 ပူးပေါင်းရင်းမြစ်များ

2 CHRONICLES 21:11

Enye ŋko onyuŋ anam edikoŋ ebiet ke ikpɔ obot Judah, onyuŋ esin mme andiduŋ Jerusalem enam use, onyuŋ enyik Judah enam ntre.

ISAIAH 50:1

NTEM ke Jehovah ɔdɔhɔ, ete, enye ŋwed usio-ndɔ eka mbufo emi ŋkebinde mfep? Mme anie ke otu mmɔ emi ŋkamade mmɔ isɔn ke ŋkanyam mbufo nnɔ? Sese, ekenyam mbufo ebaŋa mme idiɔk ido mbufo, ekenyuŋ ebin eka mbufo efep ebaŋa mme oburobut ido mbufo.

JEREMIAH 2:19

Idiɔk ido fo eyetunɔ fi, mfiak-edem fo eyenyuŋ ɔnɔ fi ufen: fiɔk ndien, nyuŋ se ete ke ɔmɔdiɔk, ke onyuŋ odoro, koro afo ɔkɔkpɔŋde Jehovah Abasi fo, koro ndik mi minyuŋ iduhe fi ke idem. Emi edi uyo Ɔbɔŋ Jehovah mme udim.

JEREMIAH 3:1

KPA nte edɔhɔde ete, Edieke owo osiode ŋwan esiemɔ, ndien ŋwan ɔkpɔŋ enye, onyuŋ akabare edi ŋwan owo efen, nte ebe ekeme ndifiak ntiene enye ŋko? Nte ikpasabakede isɔŋ oro eti-eti? Ndien afo amanam ido akpara ye ediwak mme ufan; edifiak tiene mi; Jehovah ɔdɔhɔ.

JEREMIAH 33:24

Nte afo ukwe se mbio emi edɔhɔde, ete ke Jehovah emen ufɔk mbiba emi enye ekemekde mmɔ ɔduɔk? Ntre ke mmɔ esin ikɔt mi ke ndek, inyuŋ ibatke aba mmɔ ke obio.

JEREMIAH 5:7

Ndinam didie ndahado ke ŋkpɔ emi nnɔ fi? Nditɔ fo emekpɔŋ mi, enyuŋ etomo se midige Abasi: ndien ami nyak mmɔ etomo: ndien mmɔ esin efibe, enyuŋ eyire udim ekesop idem ke ufɔk mme akpara.

EZEKIEL 16:46

Ndien akamba eyen-uka edi Samaria, ye nditɔ-iban esie emi eduŋde fi ke ubɔk ufien: ndien eyen-uka emi ekpride akan fi, onyuŋ oduŋde fi ke ubɔk nnasia, edi Sodom ye nditɔ-iban esie.

EZEKIEL 16:47

Ndien afo unyuŋ usaŋake ke usuŋ mmɔ, unyuŋ unamke nte mbubiam mmɔ asaŋade: oro ekpedi ata ekpri ŋkpɔ: edi afo asabare idem fo akan mmɔ ke kpukpru usuŋ fo.

EZEKIEL 16:51

Samaria ŋko ikanamke baba ubak idiɔk ido fo; edi afo amanam mbubiam fo awak akan mmɔ, omonyuŋ akan nditɔ-uka iban ke kpukpru mbubiam fo emi afo akanamde.

EZEKIEL 23:44

Ndien mmɔ eduk etiene enye, nte edukde etiene ŋwan use: ntem ke mmɔ etiene Oholah ye Oholibah, mme oburobut iban oro.

EZEKIEL 23:9

Mmɔdo ndade enye nsin mme andima enye ke ubɔk, kpasuk ke ubɔk nditɔ Assyria, emi itɔŋ mmɔ ɔkɔdɔŋde enye.

HOSEA 3:4

Koro nditɔ Israel eyebigi ediwak usen, ndien idinyeneke edidem, idinyuŋ inyeneke ɔbɔŋ, ye uwa, ye owo eto, ye ephod, ye terephim.

DEUTERONOMY 24:1

KE adaŋemi owo adade ŋwan ɔdɔ, ama ekem edieke ŋwan minemke enye esit, koro okutde enye ŋkpɔ but ke idem: ndien yak enye ewet ŋwed usio-ndɔ ɔnɔ ŋwan, esin enye ke ubɔk, ndien anam enye ɔwɔrɔ ke ufɔk esie.

DEUTERONOMY 24:3

utɔŋɔ ntak ebe oro onyuŋ asua enye, onyuŋ ewet ŋwed usio-ndɔ ɔnɔ enye, esin enye ke ubɔk, onyuŋ anam enye ɔwɔrɔ ke ufɔk esie; mme onyuŋ edieke utɔŋɔ ntak ebe oro ɔkɔdɔde enye, akpa;