JEREMIAH 3:7 - Edisana ñwed Abasi Ibom

⁷ Ndien adaŋemi enye ama akanam kpukpru ŋkpɔ emi, ndɔhɔ, nte, Fiak tiene mi; edi enye ifiakke.

JEREMIAH 3:7 ပူးပေါင်းရင်းမြစ်များ

2 CHRONICLES 17:4

edi enye ebine Abasi ete esie, onyuŋ asaŋa ke mbet esie, isaŋake nte Israel enamde.

JEREMIAH 12:1

O JEHOVAH, afo enenen: koro nyekpe ikpe ye afo: yak ndɔhɔ ye afo mbaŋa ikpe: mme idiɔk owo enam didie ekut unen ke usuŋ mmɔ? Kpukpru mbon nsu enam didie etie ke ifure?

JEREMIAH 33:24

Nte afo ukwe se mbio emi edɔhɔde, ete ke Jehovah emen ufɔk mbiba emi enye ekemekde mmɔ ɔduɔk? Ntre ke mmɔ esin ikɔt mi ke ndek, inyuŋ ibatke aba mmɔ ke obio.

JEREMIAH 5:11

Koro ufɔk Israel ye ufɔk Judah emenam abiaŋa ye ami eti-eti: uyo Jehovah edi emi.

EZEKIEL 16:46

Ndien akamba eyen-uka edi Samaria, ye nditɔ-iban esie emi eduŋde fi ke ubɔk ufien: ndien eyen-uka emi ekpride akan fi, onyuŋ oduŋde fi ke ubɔk nnasia, edi Sodom ye nditɔ-iban esie.

EZEKIEL 16:47

Ndien afo unyuŋ usaŋake ke usuŋ mmɔ, unyuŋ unamke nte mbubiam mmɔ asaŋade: oro ekpedi ata ekpri ŋkpɔ: edi afo asabare idem fo akan mmɔ ke kpukpru usuŋ fo.

HOSEA 11:7

Ndien ikɔt mi esuk ekɔbɔ ndifiak edem ŋkpɔŋ mi: ndien ekot mmɔ etiene Ata Edikoŋ, edi baba owo kiet itoroke enye.

HOSEA 14:1

O ISRAEL, fiak tiene Jehovah Abasi fo: koro afo ɔmɔduɔ ke idiɔk ido fo.

AMOS 4:8

Ndien obio iba mme obio ita eyɔrɔ ke obio kiet, man eŋwɔŋ mmɔŋ, edi iyuhɔke; edi mbufo ifiakke edem itiene mi. Uyo Jehovah edi emi.

MALACHI 2:11

Judah anam abiaŋa, owo enyuŋ enam mbubiam ke Israel ye ke Jerusalem; koro Judah amabiat edisana ŋkpɔ Jehovah emi enye amade, onyuŋ ɔdɔ eyen esen abasi kiet.