JEREMIAH 3:6 - Edisana ñwed Abasi Ibom

⁶ Ndien Jehovah ɔdɔhɔ mi ke eyo Josiah edidem, ete, Nte afo omokut se Israel ama-mfiakedem anamde? Enye asaŋa ke enyɔŋ kpukpru ŋkokoŋo obot, ye ke idak kpukpru awawa eto, onyuŋ anam use do.

JEREMIAH 3:6 ပူးပေါင်းရင်းမြစ်များ

1 NDIDEM 14:23

Ndien mmɔ enyuŋ enam edikoŋ ebiet ŋko-ŋko, ye mme adaha, ye eto mkpe, ke enyɔŋ kpukpru ŋkokoŋo obot, ye ke idak kpukpru awawa eto.

2 CHRONICLES 34:1

JOSIAH osim isua itiaita ke ini enye adade ubɔŋ, onyuŋ edi edidem ke Jerusalem ke isua edip ye duopekiet.

ŊWED MME PSALM 106:39

Ntre ke mmɔ esabare idem-mmɔ ke ŋkpɔ eke mmɔ ekenamde, enyuŋ enam use ke idiɔk ido mmɔ.

ISAIAH 57:3

Ama edi mbufo, nditɔ ŋwan idiɔŋ, ubon ŋwan efibe, ye eke akpara, esaŋa ekpere ken.

ISAIAH 57:7

Afo omonim mkpana fo ke enyɔŋ edikoŋ ye akamba obot: omonyuŋ ɔdɔk do aka ndiwa uwa.

JEREMIAH 1:2

emi uyo Jehovah osimde enye ke eyo Josiah eyen Amon edidem Judah, ke ɔyɔhɔ isua ubɔŋ esie duopeta:

JEREMIAH 11:10

Mmɔ efiak edem ke mme idiɔk ido akpa mme ete mmɔ oro mikenyimeke ndikop ikɔ mi; ndien mmɔ ebine abasi efen enyuŋ enam ŋkpɔ mmɔ: ufɔk Israel ye ufɔk Judah emebiat ediomi mi oro ŋkanamde ye mme ete mmɔ.

JEREMIAH 17:2

ke ini nditɔ mmɔ etide mme itie-uwa mmɔ, ye mme eto-mkpe mmɔ, ekpere awawa eto, ye ke enyɔŋ ikpɔ obot.

JEREMIAH 3:8

Ndien Judah eyen-eka esie ama-nsu okut. Ndien okposuk edi nte efibe oro Israel ama-mfiakedem ekesinde, edi ofuri ntak emi ŋkosiode enye, nnyuŋ nnɔde enye ŋwed usio-ndɔ, ŋkut nte ke Judah eyen-eka esie aŋwan ama-nsu ifeheke ndik, edi aka akanam use, kpa enye ŋko-ŋko.

JEREMIAH 31:22

Adaŋa didie ke afo ediyɔrɔ, O eyen-aŋwan mfiakedem? Koro Jehovah obotde obufa ŋkpɔ ke ererimbot, ŋwan eyekan eren.

JEREMIAH 5:11

Koro ufɔk Israel ye ufɔk Judah emenam abiaŋa ye ami eti-eti: uyo Jehovah edi emi.

JEREMIAH 7:24

Ndien mmɔ ikopke, inyuŋ ikpaŋke utɔŋ mmɔ, edi esaŋa ke uduak ye ke itun idiɔk esit mmɔ, enyuŋ efiak edem, ikaha iso.

EZEKIEL 16:31

emi afo ɔbɔpde ufɔk use ke ibuot kpukpru efak; onyuŋ anam edikoŋ ebiet fo ke kpukpru aŋwa: afo unyuŋ ubietke akpara, koro esede okuk akpara ke ndek;

EZEKIEL 16:35

Akpara, kop ndien uyo Jehovah: ntem ke Ɔbɔŋ Jehovah ɔdɔhɔ ete,

EZEKIEL 20:28

Ami nnyuŋ nda mmɔ nduk ke isɔŋ emi ŋkemenerede ubɔk mi, nte ke nyeda enye nnɔ mmɔ, ndien mmɔ ekut kpukpru edikoŋ obot, ye kpukpru mfuhɔ eto, ndien ewa mme uwa mmɔ do ndien do ke mmɔ enɔ enɔ mmɔ eke esinde iyaresit: enyuŋ enim do edinem utebe mmɔ, enyuŋ eŋwaŋa do ediŋwɔŋ uwa mmɔ.

EZEKIEL 23:11

Ekem adaŋemi Oholibah eyen-eka esie okutde, enye akabare ɔdɔk ke idiɔk itɔŋ esie akan enye eken, use esie onyuŋ akan use eyen-eka esie.

EZEKIEL 23:4

Ndien enyiŋ mmɔ ekere Oholah, adiaha, ye Oholibah eyen eka esie: ndien mmɔ enyene mi, enyuŋ eman nditɔ-iren ye nditɔ-iban. Enyiŋ mmɔ etie ntem; Oholah edi Samaria, ndien Jerusalem edi Oholibah.

HOSEA 11:7

Ndien ikɔt mi esuk ekɔbɔ ndifiak edem ŋkpɔŋ mi: ndien ekot mmɔ etiene Ata Edikoŋ, edi baba owo kiet itoroke enye.

HOSEA 4:13

Mmɔ ewa uwa ke enyɔŋ ikpɔ obot, enyuŋ efɔp incense ke enyɔŋ ŋkpri, ke idak ofriyo ye poplat ye terebinth, koro mfut mmɔ ɔfɔnde: mmɔdo nditɔ-iban mbufo eyenam use, iban nditɔ mbufo eyenyuŋ esin efibe.

JUDGES 2:17

Ndien mmɔ ikopke uyo idem mme ebierikpe mmɔ, edi eka eketiene abasi efen, enyuŋ etuak ibuot enɔ mmɔ: mmɔ ewara ekabare ekpɔŋ usuŋ emi mme ete mmɔ ekesaŋade ke esit, ke erinim mbet Jehovah; edi mmɔ inamke ntre.