JEREMIAH 3:4 - Edisana ñwed Abasi Ibom

⁴ Nte afo udutɔŋɔke ke emi ukot mi, ete, Ete mi, afo edi ufan uyen mi?

JEREMIAH 3:4 ပူးပေါင်းရင်းမြစ်များ

ŊWED MME PSALM 119:9

Eyenɔwɔŋ ada nso anam usuŋ esiemɔ asana, onyuŋ ekpeme enye nte ikɔ fo asaŋade?

ŊWED MME PSALM 48:14

Koro Abasi emi edide Abasi nnyin ke nsinsi: enye eyeda nnyin usuŋ tutu osim ke mkpa.

ŊWED MME PSALM 71:17

O Abasi, afo ama eteme mi toto ŋkedi eyenɔwɔŋ: ndien nsiak mme utibe ŋkpɔ fo tutu osim ini emi.

ŊWED MME PSALM 71:5

Koro afo, O Ɔbɔŋ Jehovah, edide idori-enyin mi; ye iberedem mi, ɔtɔŋɔde ke ini uyen mi.

MME ŊKE 1:4

Man enɔ ɔkɔi ɔniɔŋ, esin eyenɔwɔŋ ifiɔk ye nti ekikere.

MME ŊKE 2:17

Eke ɔkpɔŋde nsaŋa uyen esie, onyuŋ efrede ediomi Abasi esie.

JEREMIAH 2:2

ntem ke Jehovah ɔdɔhɔ ete, Mmeti fi, mfɔnido uyen fo ye ima fo ke ini oro afo ekedide ŋwan ndɔ, nte afo akasaŋade mi ke edem, ke wilderness, ke isɔŋ eke mitɔhɔ ŋkpɔ ke esit.

JEREMIAH 2:27

Ke edɔhɔ eto, ete, Afo edi ete mi; enyuŋ edɔhɔ itiat, ete, Afo ekaman mi: koro mmɔ emekabare ekɔt enɔ mi, ikabakede iso: ndien ke ini ukut mmɔ, mmɔ eyedɔhɔ, ete, Daha ke enyɔŋ di nyaŋa nnyin.

JEREMIAH 3:19

Edi ami ndɔhɔ nte, Ndinam didie nsin fi ke otu nditɔ mi, nnyuŋ nnɔ fi isɔŋ inemesit, kpa ata ediye udeme udim mme idut? Ndien ndɔhɔ nte, Kot mi, ete, Ete mi: kunyuŋ ufiak edem ukpɔŋ mi.

JEREMIAH 31:22

Adaŋa didie ke afo ediyɔrɔ, O eyen-aŋwan mfiakedem? Koro Jehovah obotde obufa ŋkpɔ ke ererimbot, ŋwan eyekan eren.

JEREMIAH 31:9

Mmɔ eyetua eyet edi: nyenyuŋ nda mmɔ usuŋ ke mkpe-ubɔk: nyeda mmɔ ŋka idim mmɔŋ, nsaŋa ke edinen usuŋ, mmɔ ididuɔŋɔke ke esit: koro ami ndide ete Israel, Ephraim onyuŋ edi akpan mi.

HOSEA 2:15

Ndien nyeda iŋwaŋ-vine esie do nnɔ enye, nnyuŋ nnɔ enye itihere Achor ke inua-otop idori-enyin: ndien enye eyekwɔ do, kpa nte ke mme usen uyen esie, ye ke usen oro enye okotode ke isɔŋ Egypt ɔdɔk.

MALACHI 1:6

Eyen okpono ete, ofin onyuŋ okpono andinyene enye: edi edieke ami ndide ete, ukpono mi odu mmɔŋ? Edieke ami nnyuŋ ndide andinyene, uteŋe mi odu mmɔŋ? Ntem ke Jehovah mme udim ɔdɔhɔ mbufo mme oku emi esede enyiŋ mi ke ndek. Ndien mbufo ebup ete, Ke didie ke nnyin ise enyiŋ fo ke ndek?

MALACHI 2:14

Koro Jehovah edide ntiense ke ufɔt fo ye ŋwan uyen fo, emi afo abiaŋade enye, okposuk edi nte enye edi nsaŋa fo ye ŋwan ediomi fo.