JEREMIAH 3:3 - Edisana ñwed Abasi Ibom

³ Mmɔdo ekekpande ukwɔ, ukperedem edim mikonyuŋ idige; ndien afo emenyene ɔkpɔ-iso akpara, unyimeke ndikut but.

JEREMIAH 3:3 ပူးပေါင်းရင်းမြစ်များ

GENESIS 19:34

anade, onyuŋ adahade. Edikem mkpɔŋ, ndien adiaha ɔdɔhɔ udu-ŋwan ete, Sese, ami ŋkadaŋ ke okoneyo ye ete mi; yak inɔ enye wine ɔŋwɔŋ, ka okoneyo emi nde; afo nyuŋ ke kadaŋ ye enye, kpaŋ nnyin iman nditɔ eke

NEHEMIAH 9:17

inyuŋ inyimeke ndikop, inyuŋ itihe utibe ŋkpɔ fo oro afo akanamde ke otu mmɔ, edi esɔŋ obot itɔŋ mmɔ, enyuŋ esɔŋ ibuot, enim etubom, ete ifiak ke itie ufin mmimɔ. Edi afo edi Abasi eridahado, ye mfɔn, ye mbɔm, ye anyan ime, ye akwa ima, ndien ukpɔŋke mmɔ.

MME ŊKE 21:29

Idiɔk owo ɔsɔŋ iso esie: edi edinen owo anam usuŋ esie ɔsɔŋɔ ada.

ISAIAH 5:6

ndien nyebiat enye mma: owo idisepke enye, idinyuŋ idiɔŋke; edi akpap ye ŋkukim eyetibe; nyenyuŋ ŋwuk obubit enyɔŋ, nte edim okudep ke esit:

JEREMIAH 14:1

UYO Jehovah emi okosim Jeremiah abaŋa anyan ndaeyo.

JEREMIAH 14:22

Nte ikpikpu abasi mme idut ekededi odu eke ekemede ndinam edim edep? Nte ikpa-enyɔŋ edinɔ edim mmɔŋ? Nte idige afo edi enye, O Jehovah Abasi nnyin? Nnyin iyebet fi, ndien: koro afo anamde kpukpru ŋkpɔ emi.

JEREMIAH 14:3

Ndien mbɔŋ mmɔ edɔŋ nditɔwɔŋ mmɔ mmɔŋ; mmɔ esim obube, ikwe mmɔŋ; efiak ye ukpɔk abaŋ mmɔ ke ubɔk; but ye esuene enam mmɔ, ndien mmɔ efuk ibuot mmɔ.

JEREMIAH 14:4

Koro isɔŋ asiahade, koro edim miduhe ke isɔŋ, but anam mbon iŋwaŋ, mmɔ efuk ibuot mmɔ.

JEREMIAH 36:2

Da ikpa ŋwed ke idem fo, nyuŋ men kpukpru ikɔ oro ŋkɔdɔhɔde fi, mbaŋa Israel ye Judah ye kpukpru mme idut, ɔtɔŋɔde ke usen oro ŋkɔdɔhɔde ye afo, ɔtɔŋɔde ke eyo Josiah, tutu osim mfin emi, wet ke esit.

JEREMIAH 5:24

Mmɔ inyuŋ idɔhɔke ke esit mmɔ, ite, Mbɔk, eyak nnyin ibak Jehovah Abasi nnyin emi ɔnɔde edim, kpa mbemiso ye ukperedem edim ke ekem ini mmɔ: enye onim mme urua ukpeŋe eke ekedoride, ɔnɔ nnyin.

JEREMIAH 5:25

Mme idiɔk ido mbufo emekabare ŋkpɔ emi efep, mme ukwaŋkpɔ mbufo inyuŋ iyakke mbufo ekut eti ŋkpɔ emi.

JEREMIAH 5:3

O Jehovah, nte enyin fo isehe akpanikɔ? Afo ɔkɔtɔ mmɔ, edi mmɔ ikopke ubiak; afo okosobo mmɔ, mmɔ inyimeke ndikop item: esɔŋɔ iso mmɔ ekan itiat; inyimeke ndifiak ndi.

JEREMIAH 6:15

But akpanam mmɔ, koro mmɔ enamde oburobut ido; edi but inamke mmɔ baba, mmɔ inyuŋ ifiɔkke ndikop but: mmɔdo mmɔ eyeduɔŋɔ ke otu mmɔ eke eduɔŋɔde: ke ini eke ndinɔde mmɔ ufen mmɔ eyeduɔŋɔ; Jehovah ɔdɔhɔ.

JEREMIAH 8:12

But akpanam mmɔ koro mmɔ enamde ŋkpɔ mbubiam: edi but inamke mmɔ baba ŋko, mmɔ inyuŋ ifiɔkke but iso: mmɔdo mmɔ eyeduɔŋɔ ke otu mmɔ eke ediduɔŋɔde; ke ini eke edade ufen mmɔ eyeduɔŋɔ.

JEREMIAH 9:12

Anie owo enyene ibuot, ndien enye eyetim okut ŋkpɔ emi? Ndien anie edi owo emi inua Jehovah ɔdɔhɔde ye enye, ndien enye eyebuk enye? Isɔŋ anam didie atak, abiara nte wilderness eke baba owo keit misaŋake ibe?

EZEKIEL 3:7

Edi ufɔk Israel inyimeke ndikop uyo fo: koro mmɔ minyimeke ndikop uyo mi; koro ofuri ufɔk Israel esɔŋɔde ɔkpɔ-iso enyuŋ etunde esit.

LEVITICUS 26:19

Nyenyuŋ mbuŋ iseri odudu fo; nnyuŋ nnam ikpa-enyɔŋ mbufo etie nte ukwak, ye isɔŋ mbufo nte okpoho.

AMOS 4:7

Ndien ŋko ami ŋkesin mbufo edim, ke ɔsuhɔde kaŋa ɔfiɔŋ ita nte ekpekemde ke ini ukpeŋe: ami nnyuŋ nnam edim edep ke obio kiet, edi nyakke edep ke obio eken: edim edep ke ubak kiet, ndien ubak eke midepke ke esit asat.

AMOS 4:8

Ndien obio iba mme obio ita eyɔrɔ ke obio kiet, man eŋwɔŋ mmɔŋ, edi iyuhɔke; edi mbufo ifiakke edem itiene mi. Uyo Jehovah edi emi.

ZEPHANIAH 2:1

MBUFO esop idem mbufo, enyuŋ ebono, O idut eke mikemeke ndikut but;

ZEPHANIAH 3:5

Edinen Jehovah odu enye ke esit: enye idinamke se ikwaŋade: eyeda ikpe esie kpukpru usenubɔk onim ke uŋwana: enye ikpuhe; edi owo ŋkwaŋa ifiɔkke but.

HAGGAI 1:11

Ami nnyuŋ ŋkot nda-eyo, nte anam isɔŋ, ye ikpɔ obot, ye ibokpot, ye obufa wine, ye aran, ye se isɔŋ odukde, ye owo, ye ufene, ye ofuri utom ubɔk owo.

DEUTERONOMY 28:23

Ndien ikpa-enyɔŋ fo emi odorode fi ke ibuot eyedi okpoho, isɔŋ ke idak eyenyuŋ edi ukwak.

MME HEBREW 12:25

Ekpeme ekusin ndikop Enye emi etiŋde ikɔ ɔnɔ mbufo. Koro edieke mmɔ emi ekesinde uyo anditiŋ ikɔ nnɔ mmɔ ke isɔŋ mikɔbɔhɔke; nnyin idibɔhɔkebɔhɔ ikan oro, edieke nnyin iwɔŋɔrede ikpɔŋ Enye emi etiede ke heaven etiŋ ikɔ.