JEREMIAH 3:25 - Edisana ñwed Abasi Ibom

²⁵ Nnyin isuhɔre ina ke but nnyin, esuene nnyin onyuŋ ofuk nnyin: koro nnyin inamde idiɔk ye Jehovah Abasi nnyin, kpa nnyin ye mme ete nnyin, toto ke ini uyen nnyin, tutu osim mfin emi, nnyin inyuŋ ikopke uyo Jehovah Abasi nnyin.”

JEREMIAH 3:25 ပူးပေါင်းရင်းမြစ်များ

ŊWED MME PSALM 106:6

Nnyin imetiene mme ete nnyin inam idiɔk; imanam ukwaŋŋkpɔ, imanam idiɔk.

ŊWED MME PSALM 106:7

Mme ete nnyin ke Egypt iketimke ikere mme utibe ŋkpɔ fo; mmɔ itihi uwak ŋkpɔ ima fo; edi esɔŋ ibuot ke inyaŋ, kpa Ididuot Inyaŋ.

ŊWED MME PSALM 109:29

Esuene eyesine mme asua mi ke idem, mmɔ eyenyuŋ eda but mmɔ nte ekura, efuk idem.

MME ŊKE 13:18

Ubuene ye but enam owo eke esinde item: edi eyekpono owo eke onimde ibuot ke esuade enɔ enye.

MME ŊKE 5:13

Mmeŋkonyuŋ ŋkopke uyo mmɔ eke etemede mi, ŋkonyuŋ ŋkpaŋke utɔŋ nnɔ mmɔ eke ekpepde mi?

ISAIAH 48:8

Afo ukokopke ŋko; unyuŋ ufiɔkke ŋko; utɔŋ fo ikonyuŋ itarake tutu ko: koro ŋkɔfiɔkde nte ke afo eyebiaŋa eti-eti; afo onyuŋ ekere anam-idiɔk toto nte akamamana.

ISAIAH 50:11

Sese, kpukpru mbufo eke ebarade ikaŋ, eke ebɔbɔde ndisak idaŋ ke idem: mbufo esaŋa eduk ke edemikaŋ mbufo, ye ke idaŋ ikaŋ eke mbufo ebuberede! Mbufo eyebɔ mi ŋkpɔ emi ke ubɔk; eyesuhɔre ena ke ndutuhɔ.

JEREMIAH 11:13

Koro mme abasi fo ekemde ke ibat mme obio fo, O Judah; mbufo emenyuŋ enim itie-uwa ekem ke ibat mme efak Jerusalem, enɔ oburobut ŋkpɔ oro, kpa itie-uwa eke efɔpde ŋkpɔ enɔ Baal.

JEREMIAH 12:13

Mmɔ eketɔ wheat ke isɔŋ, ndien ekpeŋe mbarekpe: ekpa mba, edi idikwe udori: mmɔ eyekut but ebaŋa mbuŋwum mbufo, oto ke ikaŋ iyaresit Jehovah.

JEREMIAH 14:20

nnyin idori enyin ke emem, ndien eti ŋkpɔ iduhe: idori enyin ke ini ukɔk, ndien, sese, akwa ndik! Nnyin imɔdiɔŋɔ mme idiɔk ido nnyin, O Jehovah, ye mme ukwaŋ-ŋkpɔ mme ete nnyin: koro nnyin imanam idiɔk ye afo.

JEREMIAH 14:7

Okposuk edi nte mme idiɔk ido nnyin ebɔrɔde ebaŋa nnyin, O Jehovah, nam baŋa enyiŋ fo: koro mfiakedem nnyin awakde; nnyin imanam idiɔk ye afo.

JEREMIAH 2:17

Nte afo unamke emi unɔ idem fo, koro afo ɔkɔkpɔŋde Jehovah Abasi fo, ke ini eke enye adade fi usuŋ?

JEREMIAH 2:19

Idiɔk ido fo eyetunɔ fi, mfiak-edem fo eyenyuŋ ɔnɔ fi ufen: fiɔk ndien, nyuŋ se ete ke ɔmɔdiɔk, ke onyuŋ odoro, koro afo ɔkɔkpɔŋde Jehovah Abasi fo, koro ndik mi minyuŋ iduhe fi ke idem. Emi edi uyo Ɔbɔŋ Jehovah mme udim.

JEREMIAH 2:2

ntem ke Jehovah ɔdɔhɔ ete, Mmeti fi, mfɔnido uyen fo ye ima fo ke ini oro afo ekedide ŋwan ndɔ, nte afo akasaŋade mi ke edem, ke wilderness, ke isɔŋ eke mitɔhɔ ŋkpɔ ke esit.

JEREMIAH 2:26

Kpa nte but anamde inɔ, koro emumde enye, kpa ntre ke but edinam ufɔk Israel, mmɔ, ye ndidem mmɔ, ye mbɔŋ mmɔ, ye mme oku mmɔ, ye mme prophet mmɔ.

JEREMIAH 20:18

Nsinam emi ŋkotode ke itie-eyen ndikut ukut ye ubaha, man mme usen mi ekpetak ke but?

JEREMIAH 22:21

Ŋkɔdɔhɔ fi ke ini ifure fo; afo ɔdɔhɔ, ete, “Ndikopke.” Emi edi ido fo, toto ke ini uyen fo: koro afo mukopke uyo mi.

JEREMIAH 3:13

Diɔŋɔ idiɔk ido fo ikpɔŋ-ikpɔŋ: koro afo emedue Jehovah Abasi fo, onyuŋ asuan usuŋ fo ɔnɔ isen owo ke idak kpukpru awawa eto, mbufo inyuŋ ikopke uyo mi, Jehovah ɔdɔhɔ.

JEREMIAH 31:19

Ŋkɔm, ke adaŋemi ŋkabarede, ntua mkpɔfiɔk: ndien ke adaŋemi esiande mi, nyibi ifuhi mi: but ye ndutime enam mi: koro mbiomde esuene uyen mi.

JEREMIAH 6:26

O adiaha ikɔt mi, bɔbɔ ɔfɔŋ-ikpo ke idem, nyuŋ duɔŋɔ ke ntɔŋ: nam ntua-eyet ikpɔŋ eyen; seme ata ndot-ndot eseme: koro owo eke osobode eyebuat nnyin ke isɔrɔ kiet.

JEREMIAH 7:19

Nte idige idem-mmɔ? ndien oto do mmɔ eda but ke iso.

JEREMIAH 8:14

“Nsinam nnyin itiede? Mbufo esop idem, ndien nnyin iyeduk ke obio ibibene, inyuŋ itie do suŋ: koro Jehovah Abasi nnyin esinde nnyin ke ndobo, onyuŋ ɔnɔde nnyin mmɔŋ etidot iŋwɔŋ: koro nnyin inamde idiɔk ye Jehovah.

JEREMIAH 9:18

Ndien yak mmɔ ewara emen ntuaŋa ebaŋa nnyin, man mmɔŋeyet oto nnyin ke enyin ɔsuhɔre, man mmɔŋ onyuŋ oto nnyin ke mkpɔk-enyin ewet.

ŊWED ESEME 5:16

Anyanya omoto nnyin ke ibuot ɔduɔ ke isɔŋ: ɔdiɔk ɔnɔ nnyin, koro nnyin imanam idiɔk!

ŊWED ESEME 5:7

Mme ete nnyin ekenam idiɔk, ndien iduhe; ndien nnyin ibiom idiɔk ido mmɔ.

EZEKIEL 2:3

Ndien enye ɔdɔhɔ mi, ete, Eyen owo, ami mmɔŋ ndɔŋ fi utom ke ɔtɔ nditɔ Israel, ke ɔtɔ mbon idut enyene nsɔŋ-ibuot emi esɔŋɔde ibuot ye ami: mmɔ ye mme ete mmɔ emenam idiɔk ye ami, tutu osim idem mfin emi.

EZEKIEL 36:32

Ɔbɔŋ Jehovah ɔdɔhɔ, ete, Mbufo efiɔk ete ke ami nnamke ntem mbaŋa mbufo: mbufo eda but ye esuene ebaŋa usuŋ mbufo, O ufɔk Israel.

EZEKIEL 44:13

Mmɔ ekunyuŋ esaŋa ekpere mi ndinam utom oku nnɔ mi, ekunyuŋ etuk baba edisana ŋkpɔ mi kiet ke ata edisana ebiet: edi mmɔ eyebiom esuene mmɔ, ye mbubiam mmɔ emi mmɔ ekenamde.

EZEKIEL 7:18

Mmɔ eyebɔbɔ ɔfɔŋ idet ke idem; ndik eyenyuŋ ofuk mmɔ ke idem; but eyenyuŋ ofuk mmɔ kpukpru iso: ibɔ eyenyuŋ odu mmɔ kpukpru ke ibuot.

DANIEL 12:2

Ndien ediwak mmɔ emi edede idap ke ntan isɔŋ eyedemere: usuk eyedemere eduk ke nsinsi uwem, usuk ke but ye nsinsi esuene.

HOSEA 9:10

Ŋkokut Israel nte mfri vine ke ikɔt; ŋkese mme ete mbufo nte akpa mfri, eto fig ke eritɔŋɔ esie: edi mmɔ eka ke ɔtɔ Baal-poer, enyuŋ edianare idem mmɔ enɔ ŋkpɔ but oro: enyuŋ ekabare edi mbubiam ŋkpɔ nte se mmɔ emade.

ZEPHANIAH 1:17

Ndien nyeda ukut ntiene owo, ndien mmɔ eyesaŋa nte nnan, koro mmɔ eduede Jehovah: ndien eyeduɔk iyip mmɔ nte ntan, ye obukidem mmɔ nte ifuɔ.

ŊWED MBON ROME 6:21

Nso mfri ke mbufo ekokut adaŋoro ke ŋkpɔ eke enamde mbufo but idahemi? koro utit mme ŋkpɔ oro edide mkpa.

JUDGES 2:2

mbufo ekunyuŋ ediomi ediomi ye mme andiduŋ isɔŋ emi; mbufo ewuri mme itie-uwa mmɔ. Edi mbufo ikokopke uyo mi: nsinam mbufo enamde emi?