JEREMIAH 3:24 - Edisana ñwed Abasi Ibom

²⁴ Koro ŋkpɔ but oro amadia utom mme ete nnyin toto ke ini uyen nnyin; amadia ŋkpri ufene mmɔ ye enaŋ mmɔ, ye nditɔ-iren mmɔ, ye nditɔ-iban mmɔ.

JEREMIAH 3:24 ပူးပေါင်းရင်းမြစ်များ

JEREMIAH 11:13

Koro mme abasi fo ekemde ke ibat mme obio fo, O Judah; mbufo emenyuŋ enim itie-uwa ekem ke ibat mme efak Jerusalem, enɔ oburobut ŋkpɔ oro, kpa itie-uwa eke efɔpde ŋkpɔ enɔ Baal.

JEREMIAH 22:21

Ŋkɔdɔhɔ fi ke ini ifure fo; afo ɔdɔhɔ, ete, “Ndikopke.” Emi edi ido fo, toto ke ini uyen fo: koro afo mukopke uyo mi.

JEREMIAH 44:7

Ndien kemi ntem ke Jehovah Abasi mme udim Abasi Israel ɔdɔhɔ, ete, Mbufo enam didie enam akamba idiɔk-ŋkpɔ etuk idem mbufo, ke esibe mbufo eren ye ŋwan, eyenɔwɔŋ ye eyen nsek efep ke Judah, ekusuhɔ baba nsuhɔ enɔ idem mbufo?

JEREMIAH 8:16

Ekop nte mme horse esie efiaride ke Dan: uyo emi mkpɔsɔŋ horse esie esiorode esin ofuri isɔŋ enyek; ndien mmɔ eyedi edidia isɔŋ ye kpukpru se iyɔhɔde ke esit, edia obio ye mmɔ eke eduŋde ke esit.

JEREMIAH 9:18

Ndien yak mmɔ ewara emen ntuaŋa ebaŋa nnyin, man mmɔŋeyet oto nnyin ke enyin ɔsuhɔre, man mmɔŋ onyuŋ oto nnyin ke mkpɔk-enyin ewet.

EZEKIEL 16:19

Afo onyuŋ ada udia mi emi ŋkɔnɔde fi, eti ndom-uyo, ye aran, ye aran-ɔkwɔk emi ŋkɔnɔde fi adia, onim ke iso mmɔ ke edinem utebe: ntem ke ekedi: Ɔbɔŋ Jehovah ɔdɔhɔ.

EZEKIEL 16:20

Afo onyuŋ ada nditɔ-iren fo ye nditɔ-iban fo emi afo akamande ɔnɔ mi, awa ɔnɔ mmɔ, ete edia. Nte use fo ama ekpri akan?

EZEKIEL 16:61

Ndien afo eyeti usuŋ fo, onyuŋ okop but, ke ini afo ɔbɔde nditɔ-uka iban emi ekponde ekan fi, ɔkɔrɔ ye mmɔ emi ekpride ekan fi: ndien nyeda mmɔ nnɔ fi ke nditɔ-iban, edi idisaŋake ke ediomi fo.

EZEKIEL 16:63

man afo eti onyuŋ okut but, okunyuŋ ekeme ndikubɔre inua abaŋa esuene fo, ke ini ami ndidahadedo nnɔ fi ke kpukpru se afo anamde. Emi edi uyo Ɔbɔŋ Jehovah.

HOSEA 10:6

Mmɔ eyenyuŋ eda enye eka Assyria, esɔk edidem Jareb ke enɔ: Ephraim eyeda esuene, but eyenyuŋ anam Israel abaŋa item esiemɔ.

HOSEA 2:8

Ndien enye ikɔfiɔkke, ite ke edi ami ŋkɔnɔ enye ibokpot oro, ye obufa wine, ye aran, ndien mmɔ eda silver oro ŋkanamde awak ɔnɔ enye, ye gold, enam ŋkpɔ enɔ Baal.

HOSEA 9:10

Ŋkokut Israel nte mfri vine ke ikɔt; ŋkese mme ete mbufo nte akpa mfri, eto fig ke eritɔŋɔ esie: edi mmɔ eka ke ɔtɔ Baal-poer, enyuŋ edianare idem mmɔ enɔ ŋkpɔ but oro: enyuŋ ekabare edi mbubiam ŋkpɔ nte se mmɔ emade.