JEREMIAH 3:18 - Edisana ñwed Abasi Ibom

¹⁸ Ke eyo oro ufɔk Judah eyekɔrɔ ke ufɔk Israel, esaŋa, ndien mmɔ eyeto ke isɔŋ edere esaŋa ikpat kiet edi isɔŋ emi ŋkɔnɔde mme ete mbufo enyene.

JEREMIAH 3:18 ပူးပေါင်းရင်းမြစ်များ

GENESIS 12:7

Ndien Jehovah ayarade idem esie ɔnɔ Abram ete, Nyemen isɔŋ emi nnɔ ubon fo; ndien enye anam itie uwa do ɔnɔ Jehovah emi akayararede idem esie ɔnɔ enye.

ISAIAH 43:5

Kufehe, koro ami ndude ye afo: nyeda ubon fo ke edem usiaha-utin ndi, nyetaŋ fi ke edem usop-utin mbon:

ISAIAH 43:6

nyedɔhɔ edem edere, nte, Yak nɔ: nyedɔhɔ usuk, nte, Kubaha: da nditɔ-iren mi ke anyan idut di, ye nditɔ-iban mi ke utit ererimbot;

JEREMIAH 16:15

Edi, “ma uwem Jehovah emi akadade nditɔ Israel ke edem edere, ye ke kpukpru mme idut eke enye ekebinde mmɔ, ɔdɔk”: ndien nyeda mmɔ mfiak ke isɔŋ mmɔ emi ŋkɔnɔde mme ete mmɔ.

JEREMIAH 23:8

edi eyedɔhɔ ete, Ma uwem Jehovah emi okosiode ubon ufɔk Israel efep ke isɔŋ edere, ye ke kpukpru mme idut eke ŋkebinde mmɔ nsin do, ada ɔdɔk; ndien mmɔ eyeduŋ ke isɔŋ mmɔ.

JEREMIAH 3:12

Ka kɔkwɔrɔ ikɔ emi se edem edere, nyuŋ dɔhɔ, ete, Jehovah ɔdɔhɔ, ete, O Israel ama-mfiak-edem, fiak edem; ndibɔpke iso mi nse mbufo: koro ami ndide ima, ŋkɔhɔkede ke nsinsi; uyo Jehovah edi emi.

JEREMIAH 30:3

Koro, sese, ini ke edi, Jehovah ɔdɔhɔ, ndien nyeda ikɔt mi Israel ye Judah emi eketaŋde efep mfiak ndi, Jehovah ɔdɔhɔ: nyenyuŋ nda mmɔ nnyɔŋ ndi ke isɔŋ emi ŋkɔnɔde mme ete mmɔ, ndien mmɔ eyeda enye enyene.

JEREMIAH 31:8

Sese, ami nyeda mmɔ ke edem edere ndi, nnyuŋ ntaŋ mmɔ ke ŋkaŋ ererimbot mbon, nnan, ye mbuŋɔ, ye oyomo idibi, ye aŋwan uman ɔtɔ kiet: akwa udim eyefiak edi ken.

JEREMIAH 50:20

Jehovah ɔdɔhɔ, ete, Ke mme usen oro, ye ke ini oro, eyeyom idiɔk ido Israel, edi ididuhe; eyenyuŋ eyom mme ukwaŋ-ŋkpɔ Judah, edi idikwe: koro nyedahado nnɔ mmɔ eke ndisuhɔde.

JEREMIAH 50:4

Jehovah ɔdɔhɔ, ete, Ke mme usen oro ye ke ini oro, nditɔ Israel eyedi, mmɔ ye nditɔ Judah ɔtɔ kiet, eyesaŋa edi etua eyet, eyenyuŋ eyom Jehovah Abasi mmɔ.

JEREMIAH 50:5

Mmɔ eyebup ebaŋa Zion, ekabare iso esin ke usuŋ eke akade do, ete, Mbufo edi ndien nnyin iyedian idem ye Jehovah, ke nsinsi ediomi eke midifreke.

JEREMIAH 7:7

ndien nyeyak mbufo edu ke ebiet emi, ke nsinsi-nsinsi ke isɔŋ emi ŋkɔnɔde mme ete mbufo.

EZEKIEL 11:17

Dɔhɔ, ndien, ete, Ntem ke Ɔbɔŋ Jehovah ɔdɔhɔ, ete, Nditreke nditaŋ mbufo ke otu mme idut, nnyuŋ nsioŋo mbufo ke mme obio emi mbufo esuanade ke otu mmɔ, mbon; nnyuŋ nnɔ mbufo isɔŋ Israel.

HOSEA 1:11

Ndien nditɔ Judah ye nditɔ Israel eyesop idem ɔtɔ kiet, enyuŋ enim etubom kiet ke idem mmɔ, ndien eto ke isɔŋ edɔk: koro usen Jezreel eyekpon.

HOSEA 11:12

Ephraim ada nsu akan mi okuk, ufɔk Israel onyuŋ ada abiaŋa akan mi okuk: Judah onyuŋ osuk asaŋa otime-otime ye Abasi, ye edisana mbon akpanikɔ ŋko.

HOSEA 2:2

Mbufo etɔhɔ ye eka mbufo, etɔhɔ: koro enye midige ŋwan mi, ami nnyuŋ ndige ebe esie: yak enye osio ndien use esiemɔ ke iso esie efep, onyuŋ osio efibe esiemɔ ke ufɔt eba esie efep; mbak ndifuhɔre enye iferi,

AMOS 9:15

Ndien nyetɔ mmɔ ke isɔŋ mmɔ, ndien ididibekede aba mmɔ ifep ke isɔŋ mmɔ emi ŋkɔnɔde mmɔ. Jehovah Abasi fo ɔdɔhɔ.

ZECHARIAH 10:6

Nyenyuŋ nnam ufɔk Judah ɔsɔŋ, nnyuŋ nyaŋa ufɔk Joseph, nnyuŋ nyak mmɔ eduŋ: koro mmatua mmɔ mbɔm: ndien mmɔ eyetie kpa nte ŋkpɔ eke mmeŋkemenke mmɔ nduɔk: koro ami ndide Jehovah Abasi mmɔ, ami nyenyuŋ nyere mmɔ.

ZECHARIAH 2:6

Ho, ho, mbufo eto ke isɔŋ edem edere efeŋe, ke edi uyo Jehovah: koro ŋkasuande mbufo nte mme ofum heaven mbinaŋ; ke edi uyo Jehovah.