JEREMIAH 3:17 - Edisana ñwed Abasi Ibom

¹⁷ Ke ini oro mmɔ eyesio Jerusalem enyiŋ, ete, Ebekpo Jehovah; kpukpru mme idut eyenyuŋ ebono ke esit, ebaŋa enyiŋ Jehovah, ke Jerusalem: ndien mmɔ idisaŋake aba itiene idiɔk isɔŋesit mmɔ.

JEREMIAH 3:17 ပူးပေါင်းရင်းမြစ်များ

GENESIS 8:21

Ndien Jehovah okop edinem utebe oro, Jehovah onyun ɔdɔhɔ ke esit esiemɔ, ete, Ami nditɔŋɔke aba ntak nsuŋi isɔŋ mbaŋa owo; koro ekikere esit owo ɔdiɔkde toto ke uyen esie: ndinyuŋ ntɔŋɔke aba ntak nsobo kpukpru se idude uwem, nte ŋkanamde.

1 NDIDEM 8:41

Ndien ŋko, ama edi esen owo emi midige ikɔt fo Israel, emi editode ke anyan idut edi, abaŋa enyiŋ fo;

ŊWED MME PSALM 102:23

Enye eyemem enye odudu ke usuŋ: omonyuŋ ɔmuhɔ mme usen mi.

ŊWED MME PSALM 78:8

ndien ekutie nte mme ete mmɔ, emana nsɔŋ-ibuot ye emiom, emana eke mi-timke esit mmɔ; ndien spirit mmɔ isɔŋɔke ida ye Abasi.

ŊWED MME PSALM 87:3

Edɔhɔ ŋkpɔ ubɔŋ ebaŋa fi, Obio Abasi. [Selah.]

ISAIAH 26:8

Nnyin ŋko imebet fi, O Jehovah, ke usuŋ mme ikpe fo; enyiŋ fo, ye se edade eti fi, edɔŋ nnyin ke ukpɔŋ.

ISAIAH 56:6

Ndien ama edi nditɔ isen owo ŋko emi ediande idem ye Jehovah, enyuŋ enamde ŋkpɔ esie, enyuŋ emade enyiŋ Jehovah, enyuŋ edide ikɔt esie: kpukpru mmɔ eke enimde sabbath, mbak edibiat enye, enyuŋ emumde ediomi mi ekama:

ISAIAH 59:19

Ndien owo eyeto ke edem usop-utin edibak enyiŋ Jehovah, eto ke edem usiaha edibak ubɔŋ esie. Ke ini usua odukde nte akpa mmɔŋ, spirit Jehovah eyemenere banner ke enyɔŋ abaŋa enye.

ISAIAH 6:1

KE isua oro edidem Uzziah akpade, ami nnyuŋ ŋkut Ɔbɔŋ etiede ke edikoŋ ye edimenere ebekpo, ndien akwa ekura esie ɔyɔhɔ ke temple.

ISAIAH 66:1

NTEM ke Jehovah ɔdɔhɔ, ete, Enyɔŋ edi ebekpo mi, isɔŋ onyuŋ edi udorukot mi: nso ufɔk ke mbufo edibɔp enɔ mi? Nso ebiet ke mbufo edinim ke nduɔk-odudu mi ŋko?

ISAIAH 66:18

Ndien ami (ŋkpɔ emi mmɔ enamde enyuŋ ekerede!) Ini emedi ndibon kpukpru mme idut ye usem; ndien mmɔ eyedi edise ubɔŋ mi.

ISAIAH 66:20

Ndien mmɔ eyeda kpukpru nditɔ-ete mbufo ke kpukpru mme idut, edisɔk Jehovah ke enɔ, edoro ke horse, ye chariot, ye hammock, ye mule, ye dromedary, ke enyɔŋ edisana obot mi Jerusalem, (emi edi uyo Jehovah), kpa nte nditɔ Israel esinde enɔ ke edisana ŋkpɔ eda edi ke ufɔk Jehovah.

JEREMIAH 11:8

Mbufo ekop uyo mi. Edi mmɔ ikopke, inyuŋ ikpaŋke utɔŋ mmɔ, edi kpukpru owo kiet kiet esaŋa ke itun idiɔk esit mmɔ. Ndien nyeda kpukpru ikɔ ediomi oro ŋkowukde nte enam, ndien mmɔ minamke, nda ntiene mmɔ.

JEREMIAH 12:15

Ndien ama ekem ke adaŋemi ndiberede mmɔ mma, nyetɔŋɔ ntak ntua mmɔ mbɔm, nnyuŋ nda mmɔ mfiak kiet kiet ke udeme mmɔ, ye kiet kiet ke obio mmɔ.

JEREMIAH 12:16

Ndien ama ekem edieke mmɔ editimde ekpep ido ikɔt mi, enyuŋ etomo enyiŋ mi, ete, Ma uwem Jehovah; kpa nte mmɔ ekekpepde ikɔt mi nditomo Baal; ndien eyewuk mmɔ enim ke otu ikɔt mi.

JEREMIAH 14:21

Kusin nnyin ke ndek, ubaŋa enyiŋ fo, kusuene ebekpo ubɔŋ fo: ti, kubiat ediomi fo ye nnyin.

JEREMIAH 16:12

ndien mbufo ediɔk ndinam ekan mme ete mbufo: ndien, sese, mbufo kiet kiet etiene itun idiɔk esit mbufo, inyuŋ ikopke uyo mi:

JEREMIAH 16:19

O Jehovah odudu mi, ye ɔkpɔsɔŋ ufɔk mi, ye ebiet ubɔhɔ mi ke ini ukut, mme idut eyeto ke mme utit isɔŋ etiene fi, enyuŋ edɔhɔ, ete, Ŋkɔm mme ete nnyin ekedia akpa nsu, ye ikpikpu ŋkpɔ, baba kiet eke odorode udori inyuŋ iduhe ke otu mmɔ.

JEREMIAH 17:12

Ebekpo ubɔŋ ke enyɔŋ toto ke ertitɔŋɔ edi ebiet edisana ufɔk nnyin.

JEREMIAH 18:12

Ndien mmɔ edɔhɔ ete, Kukpa ndidɔhɔ: koro nnyin imɔŋ ibine uduak nnyin: kpukpru nnyin iyenyuŋ inam itun esit nnyin.

JEREMIAH 3:19

Edi ami ndɔhɔ nte, Ndinam didie nsin fi ke otu nditɔ mi, nnyuŋ nnɔ fi isɔŋ inemesit, kpa ata ediye udeme udim mme idut? Ndien ndɔhɔ nte, Kot mi, ete, Ete mi: kunyuŋ ufiak edem ukpɔŋ mi.

JEREMIAH 31:23

Ntem ke Jehovah mme udim Abasi Israel ɔdɔhɔ, ete, Mmɔ eyesuk edɔhɔ ikɔ emi ke isɔŋ Judah, ye ke mme obio esie, ke ini ndidade mmɔ ke itie-mbuot-ekɔŋ mfiak ndi, ete, Jehovah osuk ɔdiɔŋ fi, O iduŋ eti ido, O edisana obot.

JEREMIAH 33:9

Ndien enye eyedi okimmɔ ke enyiŋ idara ye itoro ye ke mbana ke otu kpukpru mme idut ererimbot, eke edikopde ofuri ufɔn emi ami ndifɔnde ye mmɔ: ndien mmɔ eyefehe ndik enyuŋ enyek idem ebaŋa kpukpru ufɔn ye kpukpru unen emi ami ndinamde ye enye.

JEREMIAH 4:2

Afo onyuŋ ɔŋwɔŋɔ ete, Ma Jehovah, ke akpanikɔ ye ke ikpe ye ke edinen ido; ndien mme idut eyeda Enye ediɔŋ idem-mmɔ, enyuŋ ebure mbure ke Enye.

JEREMIAH 7:24

Ndien mmɔ ikopke, inyuŋ ikpaŋke utɔŋ mmɔ, edi esaŋa ke uduak ye ke itun idiɔk esit mmɔ, enyuŋ efiak edem, ikaha iso.

JEREMIAH 9:14

edi mmɔ etiene itun esit mmɔ, ye Baalim eke mme ete mmɔ ekekpepde mmɔ;

EZEKIEL 1:26

Ndien ŋkpɔ eke ebietde itiat a-sapphire, mbiet ebekpo, odoro ke ikpa-enyɔŋ eke odude ibuot mmɔ ke enyɔŋ: mbiet eke etiede nte idem owo onyuŋ odoro ke mbiet ebekpo oro ke enyɔŋ esie.

EZEKIEL 43:7

Ndien enye ɔdɔhɔ mi, ete, Eyen owo, emi edi ebiet ebekpo mi, ye ebiet ikpat-ukot mi, emi ndiduŋde ke esit ke otu nditɔ Israel ke nsinsi. Ndien ufɔk Israel ye ndidem mmɔ idisabakede aba edisana enyiŋ mi, ke use mmɔ, ye ke mme okpo ndidem mmɔ ke ŋkokoŋo ebiet mmɔ.

EZEKIEL 48:35

Enye edi tɔsin eto idomo-okuk efureta akan okuk. Ndien toto ke usen oro enyiŋ obio eyekere, ete, JEHOVAH-SHAMMAH (JEHOVAH ODU DO).

ZECHARIAH 2:11

Ndien ediwak mme idut eyedian idem mmɔ ye Jehovah ke usen oro, eyenyuŋ edi ikɔt mi; ndien ami nyeduŋ ke ufɔt fo, ndien afo eyefiɔk ete ke Jehovah ɔmɔdɔŋ mi utom ke ɔtɔ fo.

ZECHARIAH 8:8

ndien mmɔ eyeduŋ ke ufɔt Jerusalem: ndien mmɔ eyedi ikɔt mi, ami nyenyuŋ ndi Abasi mmɔ ke akpanikɔ ye ke edinen ido.

NUMBERS 15:39

Ndien enye eyedi nyeriye mbufo, man mbufo ese enye, ndien eti kpukpru mbet Jehovah, enyuŋ enam mmɔ; mbufo ekunyuŋ ewaha etiene esit mbufo ye enyin mbufo, emi mbufo ekam etienede enam oburobut:

ŊWED MBON ROME 1:21

koro okposuk edi nte mmɔ efiɔkde Abasi, mmɔ inɔŋɔ Enye ubɔŋ nte Abasi, inyuŋ inɔŋɔ Enye ekɔm; edi ekabare ekere ikpikpu ekikere, ndisime esit mmɔ onyuŋ akabare okim.

ŊWED MBON ROME 6:14

Koro idiɔk-ŋkpɔ idikarake mbufo; koro mbufo iduhe ke idak ibet, edi edu ke idak mfɔn.

ŊWED MBON GALATIA 4:26

Edi Jerusalem emi odude ke enyɔŋ edi amana-isɔŋ, onyuŋ edi enye edi eka nnyin;

DEUTERONOMY 29:29

Ndibe-ndibe ŋkpɔ enyene Jehovah Abasi nnyin: edi ɔkpɔ emi ayarade enyene nnyin ye nditɔ nnyin ke nsinsi, man nnyin inam kpukpru ikɔ mbet emi.

JUDGES 2:19

Ndien edikem ke adaŋemi ebierikpe oro akpade, mmɔ etɔŋɔ ntak enam idiɔk ekan mme ete mmɔ, etiene abasi efen enam ŋkpɔ mmɔ, enyuŋ etuak ibuot enɔ mmɔ; mmɔ itreke ido mmɔ ye itun usuŋ mmɔ.