JEREMIAH 3:12 - Edisana ñwed Abasi Ibom

¹² Ka kɔkwɔrɔ ikɔ emi se edem edere, nyuŋ dɔhɔ, ete, Jehovah ɔdɔhɔ, ete, O Israel ama-mfiak-edem, fiak edem; ndibɔpke iso mi nse mbufo: koro ami ndide ima, ŋkɔhɔkede ke nsinsi; uyo Jehovah edi emi.

JEREMIAH 3:12 ပူးပေါင်းရင်းမြစ်များ

GENESIS 4:7

Afo akpanam eti ŋkpɔ, nte (iso) ikpeneŋekede fi? Edi munamke eti ŋkpɔ, idiɔk ŋkpɔ ke ana ke enyin usuŋ. Enye eyenyuŋ osuk idem ɔnɔ fi, ndien afo eyekan enye.

2 NDIDEM 15:29

Ke eyo Pekah edidem Israel, Tiglath-pileser edidem Assyria edi edida Ijon, ye Abel-beth-maacah, ye Janoah, ye Kedesh, ye Hazor, ye Gilead, ye Galilee, kpa ofuri isɔŋ Naphtali; onyuŋ ataŋ mmɔ ɔnyɔŋ ke Assyria.

2 NDIDEM 17:23

tutu Jehovah osio Israel ke iso esie efep, kpa nte enye ɔkɔdɔhɔde ke inua kpukpru ikɔt esie mme prophet. Ntem ke enye ataŋ Israel efep ke isɔŋ mmɔ ɔnyɔŋ ke Assyria, tutu osim mfin emi.

2 NDIDEM 17:6

Ke ɔyɔhɔ isua Hoshea usukkiet, edidem Assyria ada Samaria, onyuŋ ataŋ Israel ɔnyɔŋ ke Assyria, okonim mmɔ ke Halah, ye ke Habor, ke mben akpa Gozan, ye ke mme obio nditɔ Media.

2 NDIDEM 18:1

EDIKEM ke ɔyɔhɔ isua Hoshea eyen Elah edidem Israel ita, Hezekiah eyen Ahaz, edidem Judah, ada ubɔŋ.

2 CHRONICLES 29:10

Ndien odu mi ke esit ndidiomi ye Jehovah Abasi Israel, man ikaŋ iyaresit esie ɔwɔŋɔre ɔkpɔŋ nnyin.

2 CHRONICLES 30:9

Koro edieke mbufo efiakde edem etiene Jehovah, nditɔ-ete mbufo, ye nditɔ mbufo eyekut mbɔm ke iso mmɔ eke eketaŋde mmɔ efep, enyuŋ efiak ke edem emi: koro Jehovah Abasi mbufo enyenede esit mfɔn ye mbɔm, midinyuŋ ikabakere iso esie ikpɔŋ mbufo, ke mbufo efiakde etiene enye.

ŊWED MME PSALM 103:17

Edi ima Jehovah ebigi ke nsinsi-nsinsi ye mmɔ eke ebakde enye, edinen ido esie onyuŋ ebigi ye nditɔ nditɔ;

ŊWED MME PSALM 103:8

Jehovah emenyene esit mbɔm ye mfɔnido, isɔpke iyaresit, ndien awak ima.

ŊWED MME PSALM 103:9

Enye itɔhɔke ke nsinsi; inyuŋ ikɔhɔkede ke nsi-nsi.

ŊWED MME PSALM 145:8

Jehovah enyene esit ufɔn ye mbɔm: isɔpke iyaresit, edi okpon ima.

ŊWED MME PSALM 79:5

O Jehovah, adaŋa didie ke afo ediyaresit ke nsinsi?

ŊWED MME PSALM 86:15

Edi afo, O Ɔbɔŋ, edi Abasi esit mbɔm ye eke mfɔnido; usɔpke iyaresit, edi awak mfɔn ye akpanikɔ.

ŊWED MME PSALM 86:5

Koro afo, Ɔbɔŋ, ɔmɔfɔn, omonyuŋ ama ndidahado; omonyuŋ awak ima ye kpukpru mmɔ eke esemede enɔ fi.

MME ŊKE 28:13

Owo eke odipde idiɔk ido esie idikwe unen: edi owo eke ayararede, onyuŋ ɔkpɔŋde mmɔ, eyekut mbɔm.

ISAIAH 31:6

Mbufo nditɔ Israel, ekabare etiene Enye emi emiomde eti-eti.

ISAIAH 44:22

Mma nsɔhi mme ukwaŋ-ŋkpɔ fo nte idiɔk enyɔŋ mfep, nsɔhi mme idiɔk ido fo nte obubit enyɔŋ: fiak tiene mi: koro mfakde fi.

JEREMIAH 11:6

Ndien Jehovah ɔdɔhɔ mi, ete, Taŋa kpukpru ikɔ emi ke mme obio Judah, ye ke mme efak Jerusalem, ete, Mbufo ekop ikɔ ediomi emi, enyuŋ enam mmɔ.

JEREMIAH 12:15

Ndien ama ekem ke adaŋemi ndiberede mmɔ mma, nyetɔŋɔ ntak ntua mmɔ mbɔm, nnyuŋ nda mmɔ mfiak kiet kiet ke udeme mmɔ, ye kiet kiet ke obio mmɔ.

JEREMIAH 23:8

edi eyedɔhɔ ete, Ma uwem Jehovah emi okosiode ubon ufɔk Israel efep ke isɔŋ edere, ye ke kpukpru mme idut eke ŋkebinde mmɔ nsin do, ada ɔdɔk; ndien mmɔ eyeduŋ ke isɔŋ mmɔ.

JEREMIAH 3:1

KPA nte edɔhɔde ete, Edieke owo osiode ŋwan esiemɔ, ndien ŋwan ɔkpɔŋ enye, onyuŋ akabare edi ŋwan owo efen, nte ebe ekeme ndifiak ntiene enye ŋko? Nte ikpasabakede isɔŋ oro eti-eti? Ndien afo amanam ido akpara ye ediwak mme ufan; edifiak tiene mi; Jehovah ɔdɔhɔ.

JEREMIAH 3:14

Jehovah ɔdɔhɔ, ete, Mbufo nditɔ mfiakedem efiak edem; koro ami ŋkɔdɔde mbufo: ndien nyeda mbufo kiet ke obio, ye iba ke oruk, nnyuŋ nda mbufo ndi ke Zion:

JEREMIAH 3:18

Ke eyo oro ufɔk Judah eyekɔrɔ ke ufɔk Israel, esaŋa, ndien mmɔ eyeto ke isɔŋ edere esaŋa ikpat kiet edi isɔŋ emi ŋkɔnɔde mme ete mbufo enyene.

JEREMIAH 3:22

Mbufo nditɔ mfiakedem efiak edi, ndien ami nyekɔk mfiakedem mbufo. “Sese, nnyin itiene fi, koro afo edide Jehovah Abasi nnyin.

JEREMIAH 3:5

Nte enye edikɔkɔhɔre ke nsinsi? Nte enye edinim iyaresit tutu amama? Sese, afo ɔmɔdɔhɔ, omonyuŋ anam mme idiɔk ŋkpɔ adaŋa nte ekemede.

JEREMIAH 3:7

Ndien adaŋemi enye ama akanam kpukpru ŋkpɔ emi, ndɔhɔ, nte, Fiak tiene mi; edi enye ifiakke.

JEREMIAH 30:11

Koro ami ndude ye afo, nte nnyaŋa fi. Jehovah ɔdɔhɔ: koro nyenam kpukpru mme idut eke ŋkasuande fi do etak, edi ndinamke fi atak: edi nyetunɔ fi nte enende, ndien ndiyakke fi ɔbɔhɔ ikpikpu.

JEREMIAH 31:20

Nte Ephraim edi edima eyen mi? Nte enye edi eyenɔwɔŋ eke enemde owo esit? Koro adaŋa ini nte ndɔhɔde mbaŋa enye, ntreke nditi enye kaŋa: oro esin nsia oyomo mi abaŋa enye; nditreke nditua enye mbɔm: Jehovah ɔdɔhɔ.

JEREMIAH 31:21

Wuk adaha nɔ idem fo, sin ɔtɔnɔ nɔ idem fo: nim esit fo ke ɔkpɔ-usuŋ, usuŋ oro afo akasaŋade: fiak edem, O adiaha Israel, fiak edem ke mme obio fo emi.

JEREMIAH 31:8

Sese, ami nyeda mmɔ ke edem edere ndi, nnyuŋ ntaŋ mmɔ ke ŋkaŋ ererimbot mbon, nnan, ye mbuŋɔ, ye oyomo idibi, ye aŋwan uman ɔtɔ kiet: akwa udim eyefiak edi ken.

JEREMIAH 33:26

ndien nyemen ubon Jacob ye ubon David owo mi ŋko nduɔk, ndinyuŋ nsioho aba owo eke edikarade ubon Abraham, ye Isaac, ye Jacob, ke ubon esie: koro nyeda nditɔ mmɔ emi eketaŋde efep mfiak ndi, nnyuŋ ntua mmɔ mbɔm.

JEREMIAH 4:1

JEHOVAH ɔdɔhɔ ete, O Israel, afo ama afiak edi, fiak tiene mi: ama onyuŋ emen ŋkpɔ mbubiam fo ke iso mi efep, afo udusehekede.

ŊWED ESEME 3:22

Ima Jehovah esin nnyin ikutak, koro mbom esie mikureke.

EZEKIEL 11:17

Dɔhɔ, ndien, ete, Ntem ke Ɔbɔŋ Jehovah ɔdɔhɔ, ete, Nditreke nditaŋ mbufo ke otu mme idut, nnyuŋ nsioŋo mbufo ke mme obio emi mbufo esuanade ke otu mmɔ, mbon; nnyuŋ nnɔ mbufo isɔŋ Israel.

EZEKIEL 33:11

Dɔhɔ mmɔ, ete, Ɔbɔŋ Jehovah ɔdɔhɔ, ete, Ma uwem mi, mkpa idiɔk owo inemke mi esit, edi idiɔk owo akam akabare ɔkpɔŋ usuŋ esie, ndien odu uwem: mbufo, O ufɔk Israel, ekabare, ekabare; koro nsinam mbufo ekpekpaŋa?

EZEKIEL 39:25

Mmɔdo ntem ke Ɔbɔŋ Jehovah ɔdɔhɔ ete, Ke emi ke ndida nditɔ Jacob emi eketaŋde efep, mfiak ndi, nnyuŋ ntua ofuri ufɔk Israel mbɔm, nnyuŋ mfibe ufup mbaŋa edisana enyiŋ mi;

HOSEA 6:1

MBUFO edi, nnyin inyɔŋ itiene Jehovah: koro edi enye akawai, ndien enye eyekɔk nnyin: edi enye okoyibi, ndien enye eyebɔp nnyin.

LEVITICUS 26:40

Edieke mmɔ esemede mme idiɔk ido idem mmɔ, ye mme idiɔk ido mme ete mmɔ, ye mme oburobut ido emi mmɔ ekenamde ye ami, ye nte mmɔ esaŋade ŋko ke ndusuara ye ami;

ZECHARIAH 1:4

Mbufo ekubiet mme ete mbufo emi akpa prophet ekekotde mmɔ, ete, Ntem ke Jehovah mme udim ɔdɔhɔ, ete, Mbɔk, mbufo ekabare ekpɔŋ mme idiɔk usuŋ mbufo, ye mme idiɔk ido mbufo: edi mmɔ ikopke, inyuŋ ikpaŋke utɔŋ inɔ mi: ke edi uyo Jehovah.

DEUTERONOMY 30:2

onyuŋ afiakde etiene Jehovah Abasi fo, onyuŋ okopde uyo esie, nte kpukpru se ami ŋwukde fi mfin emi edide, afo, ye nditɔ fo, ke ofuri esit fo, ye ke ofuri ukpɔŋ fo;