JEREMIAH 3:10 - Edisana ñwed Abasi Ibom

¹⁰ Ndien idem ofuri ŋkpɔ emi isinke Judah ama-nsu eyen eka esie aŋwan afiak etiene mi ke ofuri esit esie, edi ke abiaŋa. Emi edi uyo Jehovah.

JEREMIAH 3:10 ပူးပေါင်းရင်းမြစ်များ

2 CHRONICLES 34:33

Ekem Josiah osioŋo kpukpru mbubiam-ŋkpɔ efep ke kpukpru mme idut eke enyenede nditɔ Israel, onyuŋ esin kpukpru owo eke edude ke Israel enam ŋkpɔ Jehovah Abasi mmɔ. Mmɔ iŋwɔŋɔkede ikpɔŋ Jehovah Abasi mme ete mmɔ ke ofuri eyo esie.

ŊWED MME PSALM 18:44

Ke ini mmɔ ekopde ke utɔŋ, mmɔ eyenam uyo mi: nditɔ idut eyenem inua enɔ mi.

ŊWED MME PSALM 66:3

Edɔhɔ Abasi, ete, Se afo anamde enyene ndik adaŋa didie! Akwa odudu fo esin mme asua fo enem inua enɔ fi.

ISAIAH 10:6

Nyedɔŋ enye utom ke oburobut idut, nnyuŋ ntobo enye etop nnɔ mbio iyaresit mi, nte enye obume mbume, onyuŋ owo ŋwo, onyuŋ onim mmɔ ke se edigide nte mbat efak.

ISAIAH 29:13

Ndien Ɔbɔŋ ɔdɔhɔ ete, koro mbio-obio emi etienede mi ke inua mmɔ, enyuŋ ekponode mi ke mkpɔk-inua mmɔ, edi esit mmɔ ada nsan-nsan ye ami, uteŋe eke mmɔ eteŋede mi onyuŋ akabare edi item owo, ŋkpɔ eke etemede mmɔ: mmɔdo, sese,

ISAIAH 31:6

Mbufo nditɔ Israel, ekabare etiene Enye emi emiomde eti-eti.

JEREMIAH 11:10

Mmɔ efiak edem ke mme idiɔk ido akpa mme ete mmɔ oro mikenyimeke ndikop ikɔ mi; ndien mmɔ ebine abasi efen enyuŋ enam ŋkpɔ mmɔ: ufɔk Israel ye ufɔk Judah emebiat ediomi mi oro ŋkanamde ye mme ete mmɔ.

JEREMIAH 12:2

Afo ɔkɔtɔ mmɔ ke isɔŋ, mmɔ enyuŋ emum ŋkam ke isɔŋ: eka iso, enyuŋ eŋwum mfri: afo emekpere ke inua mmɔ, edi oyom usuŋ ye ŋkpɔ esit idem mmɔ.

JEREMIAH 9:1

IBUOT mi akpakam edi mmɔŋ! enyin mi ekpekam enyuŋ edi idim mmɔŋeyet! ndien ŋkpatua ke uwemeyo ye ke okoneyo mbaŋa nditɔ adiaha ikɔt mi emi ekewotde.

HOSEA 7:14

Ndien mmɔ isemeke inɔ mi ke esit mmɔ, edi ena ke bed mmɔ etuaŋa: esop idem ebaŋa ibokpot ye obufa wine, ekabare enam ikɔ ye ami.

AMOS 4:9

Ŋkada nda-eyo ye mfut mmia mbufo eti-eti; ŋkukuŋkpɔyɔriyɔ ata mbuŋwum iŋwaŋ-esa mbufo, ye iŋwaŋ-vine mbufo, ye fig mbufo, ye mme olive mbufo: edi mbufo ifiakke itiene mi; uyo Jehovah edi emi.

MALACHI 2:11

Judah anam abiaŋa, owo enyuŋ enam mbubiam ke Israel ye ke Jerusalem; koro Judah amabiat edisana ŋkpɔ Jehovah emi enye amade, onyuŋ ɔdɔ eyen esen abasi kiet.