JEREMIAH 29:8 - Edisana ñwed Abasi Ibom

⁸ Koro ntem ke Jehovah mme udim Abasi Israel ɔdɔhɔ, ete, Mbufo ekuyak mme prophet mbufo emi edude ke otu mbufo, ye mbia-idiɔŋ mbufo, ebiaŋa mbufo, ekunyuŋ ekop ndap mbufo emi mbufo esinde mmɔ edaba.

JEREMIAH 29:8 ပူးပေါင်းရင်းမြစ်များ

JEREMIAH 14:14

Ndien Jehovah ɔdɔhɔ mi, ete, Mme prophet etiŋ nsunsu a-prophecy ke enyiŋ mi: ŋkɔdɔŋke mmɔ utom, nnyuŋ ntemeke mmɔ, nnyuŋ ndɔhɔke ye mmɔ; mmɔ emen ŋkukut nsu, ye idiɔŋ, ye ikpikpu ŋkpɔ, ye abiaŋa esit mmɔ etiŋ enɔ mbufo.

JEREMIAH 23:16

Ntem ke Jehovah mme udim ɔdɔhɔ, ete, Mbufo ekukop ikɔ mme prophet emi etiŋde prophecy enɔ mbufo: mmɔ esin mbufo edama idat: etiŋ ŋkukut eke otode mmɔ ke esit, itoho Jehovah ke inua.

JEREMIAH 23:21

Ami ŋkɔdɔŋke mme prophet oro utom, ndien mmɔ efeŋe, ŋkɔdɔhɔke ye mmɔ, ndien mmɔ etiŋ prophecy.

JEREMIAH 23:25

Mmokop uyo mme prophet emi etiŋde nsunsu o-prophecy ke enyiŋ mi, ete, “Mmadaba ndap, mmadaba ndap.”

JEREMIAH 23:27

Emi ekerede ete ke mmimɔ iyenam ikɔt mi efre enyiŋ mi ke ndap mmɔ eke mmɔ etiŋde kiet ye kiet, kpa nte Baal ekesinde mmɔ efre enyin mi.

JEREMIAH 27:9

Mbufo ekukop ndien mme prophet mbufo ye mbia-idiɔŋ mbufo, ye mme adaba ndap mbufo, ye mbia-inuen mbufo, ye mme nsaŋa ekpo mbufo, emi edɔhɔde mbufo, ete, Mbufo idikabakare idi ikɔt edidem Babylon:

JEREMIAH 28:15

Jeremiah prophet onyuŋ ɔdɔhɔ Hananiah prophet, ete, Hananiah, kop ndien: Jehovah ikɔdɔŋke fi; edi afo anam mbio-obio emi ebuɔt idem ke nsu.

JEREMIAH 29:1

NDIEN mme mmɔ emi edi ikɔ ŋwed oro Jeremiah prophet ɔkɔnɔde ke Jerusalem esɔk mbiowo mbon ntaŋ-mfep emi esuhɔde, ye mme oku, ye mme prophet, ye kpukpru owo oro Nebuchadnezzar akataŋde ke Jerusalem ɔnyɔŋ ke Babylon;

JEREMIAH 29:15

Emi mbufo edɔhɔde, ete, Jehovah omonim prophet ɔnɔ nnyin ke Babylon, (ekukop):

JEREMIAH 29:21

ntem ke Jehovah mme udim, Abasi Israel, ɔdɔhɔ Ahab eyen Kolaiah, ye Zedekiah eyen Maaseiah, emi eketiŋde nsunsu o-prophecy enɔ mbufo ke enyiŋ mi: sese, nyemen mmɔ nsin Nebuchadrezzar edidem Babylon ke ubɔk; ndien enye eyewot mmɔ ke iso mbufo.

JEREMIAH 29:23

Koro mmɔ ekenamde oburobut ido ke Israel, enyuŋ esinde efibe ye iban mbɔhiduŋ mmɔ, enyuŋ edɔhɔde ikɔ nsu esin ke enyiŋ mi, eke mme-ŋketemeke mmɔ; ami mmonyuŋ mfiɔk, nnyuŋ ndi ntiense: ke edi Jehovah ɔdɔhɔ.

JEREMIAH 37:9

Ntem ke Jehovah ɔdɔhɔ, ete, Mbufo ekubiaŋa idem mbufo, ete ke mme Chaldean iditreke ndidaŋa ŋkpɔŋ nnyin: koro mmɔ mididaŋake.

JEREMIAH 5:31

mme prophet etiŋ prophecy nsunsu, mme oku enyuŋ eda ubɔk mmɔ ekan obio; ikɔt mi enyuŋ ema ntre: ndien mbufo edinam didie ke ukperedem esie?

ŊWED ESEME 2:14

Mme prophet fo ekut ikpikpu ye ndisime ŋkpɔ enɔ fi: inyuŋ iyarekede idiɔk ido fo, man eda fi ke itie ntaŋ mfep efiak edi; mmɔ ekut mbiomo nsu ye ŋkpɔ etabi enɔ fi.

EZEKIEL 13:6

Mme mmɔ emi edɔhɔde ete, “Uyo Jehovah,” ndien Jehovah mikɔdɔŋke mmɔ utom, ekut abiaŋa ye nsunsu mfa: edi mmɔ esin owo edori enyin, ete ke mmɔ eyenam ikɔ ɔsɔŋɔ ada.

MICAH 2:11

Edieke owo asaŋade ke spirit ye ke abiaŋa, edisu nsu, ete, Ami nyetiŋ nnɔ fi mbaŋa wine ye mmin; edi enye edidi etiŋ-ikɔ ɔnɔ mbio-obio emi.

ZECHARIAH 13:4

Ndien ama ekem ke usen oro, but eyenam kpukpru mme prophet abaŋa ŋkukut mmɔ, ke ini mmɔ etiŋde prophecy; ndien mmɔ idisineke ɔfɔŋ-idem idet man ebiaŋa owo.

MATTHEW 24:24

Koro mme christ nsu ye mme prophet nsu eyedaha eda, enyuŋ ewut ikpɔ mme idiɔŋɔ ye mme utibe-ŋkpɔ man, edieke mmɔ ekpekemede, eda ndimek ikɔt Abasi ewaha ekpɔŋ usuŋ.

LUKE 21:8

Edi Enye ɔdɔhɔ ete, Ekpeme mbak edinam mbufo ewaha ekpɔŋ usuŋ: koro ediwak owo eyedi ke enyiŋ Mi, ete, Ami ndi Enye: ŋko, Ini ke ekpere. Ekutiene mmɔ.

LUKE 6:26

Eyedɔdiɔk ɔnɔ mbufo, ke ini kpukpru owo editiŋde se ifɔnde ebaŋa mbufo! koro mme ete mmɔ ekanam ntre ye prophet abiaŋa.

ŊWED MBON ROME 16:18

Edianare ekpɔŋ mmɔ. Koro mmɔ emi etiede ntre inamke utom inɔ Ɔbɔŋ nnyin Christ, edi enam enɔ mme idiɔk udɔŋ mmɔ: ndien mmɔ eda nnem-inua ye inem-inem ndutiŋ eyut mme ɔkɔi esit ekabare.

ŊWED MBON EPHESUS 4:14

man nnyin ikudi aba nditɔwɔŋ, emi ukpep-ŋkpɔ etode ke nsio-nsio edem ebara nte ofim emen etop eduɔk, eda nnyin ediyo ke ŋkari owo eke efiɔkde nditibi usuŋ abiaŋa;

ŊWED MBON EPHESUS 5:6

Ekuyak owo ada ikpikpu ikɔ abiaŋa mbufo; koro ke ntak ido emi iyaresit Abasi etiene nditɔ ntut-utɔŋ.

2 ŊWED THESSALONICA 2:3

Ekuyak owo abiaŋa mbufo ke baba usuŋ kiet; koro usen oro ididige, tutu mfiak-edem ebem iso odu, owo eke edide ata abiat-ibet onyuŋ ayarare idem,

2 ŊWED TIMOTHY 3:13

Edi ndiɔi owo ye mbon abiaŋa eyedɔdiɔŋ ediɔk eka iso, ebiaŋa owo, owo eyenyuŋ ebiaŋa mmɔ.

1 JOHN 4:1

NDIMA, ekunim kpukpru spirit ke akpanikɔ, edi edomo mme spirit ese mme mmɔ edi eke Abasi: koro ediwak prophet nsu ema ewɔŋɔ eduk edi ke ererimbot.

ERIYARARE 13:14

Enye onyuŋ ada idiɔŋɔ, emi enɔde enye ndinam ke iso unam oro, abiaŋa mme andiduŋ ke isɔŋ; onyuŋ ɔnɔ mme andiduŋ ke isɔŋ uyo, ete, mmɔ enam mbiet unam oro enyenede nde ofut ke idem, edi osuk odude uwem.

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.