JEREMIAH 29:11 - Edisana ñwed Abasi Ibom

¹¹ Koro ami mmɔfiɔk ekikere emi ŋkerede mbaŋa mbufo, Jehovah ɔdɔhɔ, ekikere emem, idige eke idiɔk, man nnɔ mbufo utit ye idorienyin.

JEREMIAH 29:11 ပူးပေါင်းရင်းမြစ်များ

ŊWED MME PSALM 33:11

Uduak Jehovah eyeda ke nsinsi, mme ekikere esit esie ke ofuri emana.

MICAH 4:12

Ndien mmɔ ifiɔkke uduak Jeho-vah, ekikere esie inyuŋ iŋwaŋake mmɔ: koro Enye eyetaŋ mmɔ obon nte ebek ke ɔtɔ ubek-ibokpot.

ŊWED MME PSALM 40:5

Afo, O Jehovah Abasi mi, amanam utibe ido fo, ye ekikere fo eke ekerede nnyin, ewak: idige nte etiŋde mmɔ enɔ fi: mmoyom ndisiak nnyuŋ mbuk mmɔ, edi mmɔ ekan nte ebatde.

ŊWED JOB 23:13

Edi enye ekere ŋkpɔ kiet: ndien anie ekeme ndikabare enye mfep? ndien se ukpɔŋ esie oyomde, enye onyuŋ anam.

ŊWED ESEME 3:26

Ɔfɔn ndidori enyin, nnyuŋ ntie ndop mbet erinyaŋa Jehovah.

HOSEA 3:5

Ndien ke ini edibede, nditɔ Israel eyetɔŋɔ ntak eyom Jehovah Abasi mmɔ, ye David edidem mmɔ; enyuŋ ebak Jehovah ye mfɔn esie ke akpatre usen.

ZECHARIAH 1:6

Edi ama edi uyo mi ye mme ewuhɔ mi emi ŋkowukde ikɔt mi mme prophet, nte mmɔ ikesimke mme ete mbufo? Ndien mmɔ ekabare, enyuŋ edɔhɔ ete, Kpa nte Jehovah mme udim akaduakde ndinam nnyin, kpa nte ekemde ye usuŋ nnyin ye ido nnyin, kpa ntre ke enye akanam nnyin.

JEREMIAH 23:5

Jehovah ɔdɔhɔ, ete, Sese, usen ke edi eke ndinamde edinen nsehe otibe ɔnɔ David, ndien edidem kiet eyeda ubɔŋ, onyuŋ okut unen, onyuŋ anam edinen ikpe ke isɔŋ.

JEREMIAH 23:6

Ke eyo esie ke edinyaŋa Judah, Israel eyenyuŋ oduŋ ke ifure: ndien emi edi enyiŋ eke edisiode enye, JEHOVAH EDINEN IDO NNYIN.

JEREMIAH 30:9

Ndien mmɔ eyenam ŋkpɔ Jehovah Abasi mmɔ, ye eke David edidem mmɔ emi ndimenerede nnim nnɔ mmɔ.

JEREMIAH 30:10

Jehovah onyuŋ ɔdɔhɔ, ete, Afo owo mi Jacob, kufehe ndik; Israel, kunyuŋ ukpa idem: koro sese, ami nyenyaŋa fi nsio ke anyan idut, nnyuŋ nsio ubon fo ke isɔŋ oro etaŋde mmɔ eka; ndien Jacob eyefiak, onyuŋ etie suŋ ke ifure, baba owo kiet idinyuŋ inamke enye edikhe.

EZEKIEL 11:16

Dɔhɔ ntem ndien, ete, Ntem ke Ɔbɔŋ Jehovah ɔdɔhɔ, ete, Koro mma mbin mmɔ mfep nnim anyan ebiet ke otu mme idut, mma nnyuŋ nsuan mmɔ ke otu mme obio, ntre ke ndikabare ndi edisana ebiet mmɔ ke ini esisit ke mme obio emi mmɔ ekade do.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

ŊWED MME PSALM 85:9

Erinyaŋa esie emekpere mmɔ eke ebakde enye ikpɔŋ-ikpɔŋ, man ubɔŋ oduŋ ke edem nnyin.

ISAIAH 27:4

Ifuresit iduhe mi ke idem: akpap ye ŋkukim ekpekam eyi ke ekɔŋ ye ami, ŋkpobumere nduk ke esit, mfɔp mmɔ ini kiet.

JEREMIAH 24:5

Nte nti fig emi, kpa ntre ke ndidiɔŋɔ mbon ntaŋ-mfep Judah, emi mbinde ke ebiet emi mfep nsin ke isɔŋ Babylon, ke mfɔn.

JEREMIAH 33:6

Sese, ami nyeda ibɔk ukure unan ndian enye, nyenyuŋ ŋkɔk mmɔ, nnyuŋ nyarare uwak emem ye akpanikɔ nnɔ mmɔ.