JEREMIAH 28:14 - Edisana ñwed Abasi Ibom

¹⁴ Koro ntem ke Jehovah mme udim, Abasi Israel, ɔdɔhɔ, ete, Mmɔkɔŋɔ kpukpru mme idut emi ɔkpɔnɔ ukwak ke itɔŋ, man mmɔ ekabare edi ikɔt Nebuchadnezzar edidem Babylon; ndien mmɔ eyenam ŋkpɔ esie: mmonyuŋ nnɔ enye mme unam ikɔt.

JEREMIAH 28:14 ပူးပေါင်းရင်းမြစ်များ

JEREMIAH 15:12

Nte owo ekeme ndibuŋ ukwak, kpa ukwak ye okpoho eke etode ke edem edere?

JEREMIAH 27:4

ete edɔhɔ mme ete mmɔ, ete, Ntem ke Jehovah mme udim Abasi Israel ɔdɔhɔ, ete, Mbufo edɔhɔ ntem ye mme ete mbufo, ete,

JEREMIAH 27:8

Ndien ama edi idut ye obio eke midinyimeke ndinam ŋkpɔ nnɔ enye, kpa Nebuchadnezzar edidem Babylon, ye eke midinyimeke ndisin itɔŋ mmɔ ke ɔkpɔnɔ edidem Babylon, ami nyeda ofut, ye biɔŋ, ye idiɔk udɔŋɔ nnɔ idut oro ufen, tutu mma mmɔ ke ubɔk esie; emi edi uyo Jehovah.

JEREMIAH 40:4

Sese, ndien, mfin emi ŋkpɔhɔre fi ŋkpɔkɔbi emi edude fi ke ubɔk. Edieke afo amade nditiene mi ndi Babylon, di; ndien ami nyetiŋ fi enyin mi ke idem; edieke mumaŋa nditiene mi ndi Babylon, yak etie: sese, ofuri isɔŋ emi ana fi ke iso: ka ke ebiet ekededi eke ɔfɔnde onyuŋ enende fi ke enyin ndika do.

ŊWED ESEME 1:14

Ubɔk esie etebe ɔkpɔnɔ idiɔk ido mi: mmɔ ewaŋa, edɔk esim itɔŋ mi: enye anam odudu mi ɔduɔ; Ɔbɔŋ esin mi ke ubɔk mmɔ eke mmeŋkemeke ndito mmɔ ke ubɔk ndaha ke enyɔŋ.

DANIEL 2:38

Ndien ke kpukpru ebiet emi nditɔ owo eduŋde, ye mme unam ikɔt ye inuen enyɔŋ, enye amada mmɔ esin fi ke ubɔk, onyuŋ onim fi ke ɔbɔŋ mmɔ kpukpru. Afo edi ibuot o-gold oro.

HOSEA 10:11

Ndien Ephraim edi eyen enaŋ emi mmɔ ekpepde, emi amade ndidigi (ibokpot): edi ami mmɔŋ ndi ndidoro ke ediye itɔŋ esie: nyenam (ɔkpɔnɔ) odoro Ephraim: Judah eyefuŋ isɔŋ, Jacob eyenyuŋ anuak ebok ntan esie.

DEUTERONOMY 28:48

ndien afo eyenam ŋkpɔ mme asua fo eke Jehovah edidɔŋde etiene fi, ke biɔŋ, ye ke nsat-itɔŋ ye ke iferi, ye ke unana kpukpru ŋkpɔ: ndien enye eyekɔŋɔ fi ŋkpɔ ukwak ke itɔŋ, tutu enye osobo fi ama.

DEUTERONOMY 4:20

Ndien Jehovah akada mbufo oto ke ikaŋ utara-ukwak, ke Egypt, ɔwɔrɔ, man edi mbio udeme esie, nte edide mfin emi.