JEREMIAH 28:1 - Edisana ñwed Abasi Ibom

¹ EDIKEM ke isua oro, ke eritɔŋɔ ubɔŋ Zedekiah edidem Judah, ke ɔyɔhɔ isua inaŋ, ke ɔyɔhɔ ɔfiɔŋ ition, Hananiah eyen Azzur prophet, emi otode ke Gibeon, ɔdɔhɔ mi ke ufɔk Jehovah, ke iso mme oku ye ofuri mbio-obio, ete,

JEREMIAH 28:1 ပူးပေါင်းရင်းမြစ်များ

1 NDIDEM 3:4

Ekem edidem aka ke Gibeon akawa uwa do: koro enye oro edide akamba edikoŋ ebiet: Solomon akawa tɔsin edifɔp uwa ke itie uwa oro.

2 NDIDEM 24:18

Zedekiah osim isua edip ye kiet ke ini enye adade ubɔŋ, ndien enye edi edidem ke Jerusalem ke isua duopekiet. Ndien enyiŋ eka esie ekere Hamutal eyen Jeremiah a Libnah.

2 CHRONICLES 36:11

Zedekiah osim isua edip ye kiet ke ini enye adade ubɔŋ, ndien enye edi edidem ke Jerusalem ke isua duopekiet.

ISAIAH 9:15

Ebiowo ye akamba owo edi ibuot; ndien edi prophet eke etemede owo nsu, edi isim.

JEREMIAH 23:28

Yak prophet eke ndap odude ye enye etiŋ ndap; ndien yak owo eke ikɔ mi odude ye enye, etiŋ ikɔ mi akpan-akpan. Ikpɔk ibokpot asaŋa nso ye idem ibokpot? Jehovah ɔdɔhɔ.

JEREMIAH 27:1

KE eritɔŋɔ ubɔŋ Jehoiakim eyen Josiah edidem Judah, ikɔ emi oto Jehovah osim Jeremiah, ete,

JEREMIAH 27:12

Ndien ndɔhɔ Zedekiah edidem Judah, nte kpukpru ikɔ emi esaŋade, nte, Mbufo eda itɔŋ mbufo esin ke ɔkpɔnɔ edidem Babylon enyuŋ edi ikɔt esie, ye ikɔt ikɔt esie, ndien edu uwem.

JEREMIAH 27:3

ndien sin mmɔ ke ubɔk mme isuŋutom emi edide ke Jerusalem ke ɔtɔ Zedekiah edidem Judah, ete esɔk edidem Edom, ye edidem Moab, ye edidem nditɔ Ammon, ye edidem Tyre, ye edidem Zidon; nyuŋ tobo mmɔ,

JEREMIAH 28:11

Hananiah onyuŋ ɔdɔhɔ ke iso kpukpru owo, ete, Ntem ke Jehovah ɔdɔhɔ ete, Ntem ke ndibuŋ kpukpru mme idut ɔkpɔnɔ Nebuchadnezzar edidem Babylon ke itɔŋ mfep, ke isua iba ete ikɔyɔhɔ. Ndien Jeremiah prophet ɔnyɔŋ esiemɔ.

JEREMIAH 28:17

Ndien Hananiah prophet akpa ke isua oro ke ɔyɔhɔ ɔfiɔŋ itiaba.

JEREMIAH 28:5

Ndien Jeremiah prophet ɔdɔhɔ Hananiah prophet ke iso mme oku, ye ke iso kpukpru owo emi edude ke ufɔk Jehovah;

JEREMIAH 29:15

Emi mbufo edɔhɔde, ete, Jehovah omonim prophet ɔnɔ nnyin ke Babylon, (ekukop):

JEREMIAH 36:12

ndien enye ɔsuhɔre aka ke ufɔk edidem, oduk ke ubet ewet ŋwed: ndien, sese, kpukpru ikpɔ owo etie do, Elishama ewet ŋwed, ye Delaiah eyen Shemaiah, ye Elnathan eyen Achbor, ye Gemariah eyen Shaphan, ye Zedekiah eyen Hananiah, ye kpukpru ikpɔ owo.

JEREMIAH 37:13

Ndien ke ini enye odude ke inua otop Benjamin, etubom mbon ukpeme odu do, ekere Irijah eyen Shelemiah, eyen Hananiah: ndien enye omum Jeremiah prophet, ete, Afo ke oyom ndidiana ye mme Chaldean.

JEREMIAH 37:19

Ndien mme prophet mbufo oro eketiŋde prophecy enɔ mbufo, ete, “Edidem Babylon ididige ekɔŋ ye mbufo ke isɔŋ emi”, edu mmɔŋ?

JEREMIAH 49:34

Uyo Jehovah emi okosim Jeremiah prophet abaŋa Elam, ke eritɔŋɔ ubɔŋ Zedekiah edidem Judah, ete,

JEREMIAH 51:59

Uyo emi ke Jeremiah prophet eketeme Seraiah eyen Neriah eyen Mahseiah ke ini enye akade ŋkpɔ ke Babylon ke uyo Zedekiah edidem Judah ke ɔyɔhɔ isua ubɔŋ esie inaŋ.

EZEKIEL 13:6

Mme mmɔ emi edɔhɔde ete, “Uyo Jehovah,” ndien Jehovah mikɔdɔŋke mmɔ utom, ekut abiaŋa ye nsunsu mfa: edi mmɔ esin owo edori enyin, ete ke mmɔ eyenam ikɔ ɔsɔŋɔ ada.

HOSEA 7:3

Mmɔ edat edidem esit ke idiɔk ido mmɔ, enyuŋ edat mbɔŋ esit ke nsu mmɔ.

JOSHUA 10:12

Ndien Joshua ɔdɔhɔ Jehovah ke usen emi Jehovah adade mme Amorite onim ke iso nditɔ Israel, enye onyuŋ ɔdɔhɔ ke iso Israel, ete, Utin, bet ke Gibeon; ɔfiɔŋ,

JOSHUA 9:3

Ekem ke ini mme andiduŋ Gibeon ekopde se Joshua akanamde Jericho ye Ai,