JEREMIAH 27:7 - Edisana ñwed Abasi Ibom

⁷ Ndien kpukpru mme idut eyedi ikɔt esie, ye eke eyen esie, ye eke eyeyen esie, tutu ini idut esie ŋko edi: ndien mkpɔsɔŋ mme idut ye ikpɔ ndidem eyenim enye ke ufin.

JEREMIAH 27:7 ပူးပေါင်းရင်းမြစ်များ

ŊWED MME PSALM 37:13

Ɔbɔŋ asak enye, koro enye okutde ete ke usen esie ɔmɔŋ edi.

ISAIAH 13:1

UYO Abasi emi ke Isaiah eyen Amoz okokut abaŋa Babylon.

ISAIAH 21:9

Ndien enye ɔbɔrɔ ete, Babylon ɔmɔduɔ, ɔmɔduɔ; enye omonyuŋ anuak kpukpru edisɔi mbiet mme abasi esie adian ke isɔŋ.

JEREMIAH 27:22

Ke eyeda mmɔ eka Babylon, ndien mmɔ eyedu do tutu ekem ke usen eke ndisede mmɔ; ndien nyeda mmɔ ndɔk ndi, nnyuŋ ntɔŋɔ ntak nsin mmɔ ke ebiet emi; Jehovah ɔdɔhɔ.

JEREMIAH 34:1

UYO emi okoto Jehovah osim Jeremiah, ke ini Nebuchadnezzar edidem Babylon ye ofuri mbon-ekɔŋ esie, ye kpukpru mme idut ke edem emi ubɔk esie akarade, ye kpukpru mme obio, eŋwanade ekɔŋ ye Jerusalem, ye kpukpru mme obio mmɔ, ete,

JEREMIAH 44:30

ntem ke Jehovah ɔdɔhɔ ete, Sese ami nyeda Pharaoh Hophra edidem Egypt nsin ke ubɔk mme asua esie, ye ke ubɔk mmɔ eke eyomde uwem esie; kpa nte ŋkadade Zedekiah edidem Judah nsin ke ubɔk Nebuchadrezzar edidem Babylon, asua esie, ye andiyom uwem esie.

JEREMIAH 46:13

Uyo emi ke Jehovah ɔdɔhɔ ye Jeremiah prophet, ke ini Nebuchadrezzar edidem Babylon edide ndisuan isɔŋ Egypt.

JEREMIAH 52:31

Edikem ke ɔyɔhɔ isua edip ye efureba nte eketaŋ Jehoiachin edidem Judah efep, ke ɔyɔhɔ ɔfiɔŋ duopeba, ke ɔyɔhɔ usen ɔfiɔŋ edip ye ition, Evil-merodach edidem Babylon, ke isua oro enye adade ubɔŋ, emenere ibuot Jehoiachin edidem Judah ke enyɔŋ, onyuŋ osio enye ke ufɔk ukwak,

EZEKIEL 30:24

Nyenyuŋ nsɔŋ edidem Babylon ubɔk, nnyuŋ nda ofut mi nsin enye ke ubɔk: ndien nyebuŋ Pharaoh ubɔk, ndien enye eyemum mmum owo eke akpade afai ke iso esie.

DANIEL 2:37

Afo, O edidem, edi edidem ndidem: koro Abasi enyɔŋ ɔmɔnɔ fi ubɔŋ, ye odudu, ye nsɔŋidem, ye ukpono.

DANIEL 4:22

O edidem, edi enye emi oforode onyuŋ ɔsɔŋɔde, uforo fo onyuŋ ɔdɔdiɔŋ aka iso tutu osim ikpaenyɔŋ, ubɔŋ fo onyuŋ osim utit ererimbot.

HABAKKUK 2:7

Nte mmɔ eke ediade fi akwa udori ididahake ke enyɔŋ ini kiet? Nte mmɔ eke ekɔbɔde fi idinyuŋ idemekede? ndien afo akabare edi mbume mmɔ.

HABAKKUK 2:8

Koro afo owode ediwak mme idut, kpukpru mme idut eke esuhɔde eyenyuŋ ebume fi, ebaŋa iyip owo, ye afai isɔŋ, ye eke obio, ye eke kpukpru mme andiduŋ ke esit.

ERIYARARE 14:8

Ekem angel eŋwen, emi edide udiana-akpa, etiene ke edem, ɔdɔhɔ ete, Babylon, akwa obio oro, ɔmɔduɔ, ɔmɔduɔ, emi akanamde kpukpru mme idut eŋwɔŋ wine ifuresit use esie.

ERIYARARE 16:19

Unyek-isɔŋ oro okpon, onyuŋ ɔsɔŋ eti-eti. Akwa obio onyuŋ abahare ke mbak ita, mme obio eke mme idut enyuŋ ewure. Ndien Abasi eti akwa obio Babylon, ete inɔ enye cup wine ikaŋ-ikaŋ iyaresit Imɔ.