JEREMIAH 27:6 - Edisana ñwed Abasi Ibom

⁶ Ndien ke emi ami mmɔŋ nda kpukpru mme idut emi nsin ke ubɔk Nebuchadnezzar edidem Babylon, owo mi, mmonyuŋ nnɔ enye mme unam ikɔt ŋko, nte enam ŋkpɔ esie.

JEREMIAH 27:6 ပူးပေါင်းရင်းမြစ်များ

2 NDIDEM 25:28

onyuŋ etiŋ ikɔ ufan-ufan ye enye, onyuŋ emenere ebekpo esie onim ke eyɔŋ akan ebekpo ndidem oro edude ye enye ke Babylon;

2 CHRONICLES 36:23

Ntem ke Cyrus edidem Persia ɔdɔhɔ, ete, Jehovah Abasi enyɔŋ ɔmɔnɔ mi kpukpru mme idut ererimbot: enye omonyuŋ owuk mi, ete ndiɔŋ ufɔk nnɔ imɔ ke Jerusalem, emi odude ke Judah. Anie owo ikɔt esie kpukpru odu ke otu mbufo? Yak Jehovah Abasi esie odu ye enye, yak enye onyuŋ ɔdɔk.

ISAIAH 44:28

emi ɔdɔhɔde abaŋa Cyrus, ete, Ekpemerɔŋ mi, ndien enye eyenam kpukpru se mmade ama: eyenyuŋ ɔdɔhɔ Jerusalem, ete, Eyediɔŋ fi; ɔdɔhɔ temple, ete, Eyetɔŋɔ ndibɔp fi.

JEREMIAH 21:7

Jehovah onyuŋ ɔdɔhɔ ete, Ke ini ŋkpɔ oro ebede, nyeda Zedekiah, edidem Judah, ye ikɔt esie, ye mbio-obio, ye mmɔ eke udɔŋɔ ye ofut ye akaŋ esuhɔde ke obio emi, nsin Nebuchadrezzar edidem Babylon ke ubɔk, ye ke ubɔk mme asua mmɔ, ye ke ubɔk mmɔ eke eyomde uwem mmɔ: ndien enye eyekpeŋe mmɔ ke iso ofut; idituaha mmɔ, idinyuŋ iyakke mmɔ, idinyuŋ inyeneke mbɔm.

JEREMIAH 22:25

nyenyuŋ nda fi nsin ke ubɔk mmɔ emi eyomde uwem fo, ye ke ubɔk mmɔ emi afo edikhede iso mmɔ, kpa ke ubɔk Nebuchadrezzar edidem Babylon, ye ke ubɔk mme Chaldean.

JEREMIAH 24:1

JEHOVAH okowut mi ŋkpɔ, ndien, sese, akpasa fig iba ke ediɔhɔ ke iso temple Jehovah, ke adaŋemi Nebuchadrezzar, edidem Babylon, ama akataŋ Jeconiah eyen Jehoiakim edidem Judah, ye mbɔŋ Judah, ye mbon-usɔ, ye mme andidom utim, ke Jerusalem efep, onyuŋ ada mmɔ ɔnyɔŋ ke Babylon.

JEREMIAH 25:9

Sese, mmɔŋ ndɔŋ ekeda kpukpru mme oruk edem edere, nnyuŋ ndɔŋ utom ke ɔtɔ Nebuchadnezzar edidem Babylon owo mi, nnyuŋ nda mmɔ ndi ekɔŋ ye isɔŋ emi, ye mme andiduŋ enye, ye kpukpru mme idut emi ekande enye ekuk; nyenyuŋ nsobo mmɔ, fap, nnyuŋ nnim mmɔ ke ŋwure, ye ŋkpɔ nsi, ye ke nsinsi ndon.

JEREMIAH 28:14

Koro ntem ke Jehovah mme udim, Abasi Israel, ɔdɔhɔ, ete, Mmɔkɔŋɔ kpukpru mme idut emi ɔkpɔnɔ ukwak ke itɔŋ, man mmɔ ekabare edi ikɔt Nebuchadnezzar edidem Babylon; ndien mmɔ eyenam ŋkpɔ esie: mmonyuŋ nnɔ enye mme unam ikɔt.

JEREMIAH 43:10

Ntem ke Jehovah mme udim Abasi Israel ɔdɔhɔ, ete, Sese, ami nyedɔŋ ekeda Nebuchadrezzar edidem Babylon owo mi edi, nyenyuŋ ndori ebekpo esie ke enyɔŋ mme itiat emi ndipde; ndien enye eyetat ediye ɔfɔŋ ebekpo esie ke enyɔŋ mmɔ.

JEREMIAH 49:30

Jehovah ɔdɔhɔ, ete, Mbufo. O mme andiduŋ Hazor, eyefeŋe anyan itɔk eti-eti, mbufo etuŋ ebiet eke eduŋde ke esit; koro Nebuchadrezzar edidem Babylon aduakde uduak abaŋa mbufo, onyuŋ ekerede ekikere abaŋa mbufo.

EZEKIEL 29:12

Ndien nyenim isɔŋ Egypt ke nsobo ke ufɔt mme idut emi esobode, nnyuŋ nnim mme obio esie ke ŋwure ke ufɔt mme obio eke ewurede. Mmɔ eyesobo ke ofuri isua aba: nyenyuŋ nsuan Egypt ke otu mme idut, nnyuŋ ŋwari mmɔ ke otu mme obio.

EZEKIEL 30:24

Nyenyuŋ nsɔŋ edidem Babylon ubɔk, nnyuŋ nda ofut mi nsin enye ke ubɔk: ndien nyebuŋ Pharaoh ubɔk, ndien enye eyemum mmum owo eke akpade afai ke iso esie.

DANIEL 4:12

mfri esie onyuŋ awak: udia kpukpru onyuŋ odu ke esit: mme unam ikɔt eduk ke mfut esie, mme inuen enyɔŋ enyuŋ eduŋ ke ŋkɔk esie, kpukpru obukidem onyuŋ adia ŋkpɔ ke esit.

DANIEL 4:22

O edidem, edi enye emi oforode onyuŋ ɔsɔŋɔde, uforo fo onyuŋ ɔdɔdiɔŋ aka iso tutu osim ikpaenyɔŋ, ubɔŋ fo onyuŋ osim utit ererimbot.