JEREMIAH 27:5 - Edisana ñwed Abasi Ibom

⁵ Ami ŋkada akwa odudu mi ye edimenere ubɔk mi nnam isɔŋ, ye owo ye unam emi edude ke iso isɔŋ, ndien mmen enye nnɔ owo nte enende mi ke enyin.

JEREMIAH 27:5 ပူးပေါင်းရင်းမြစ်များ

GENESIS 1:25

Ndien Abasi anam unam obot ke oruk mmɔ, ye ufene ke oruk mmɔ, ye kpukpru andinyɔni ke isɔŋ ke oruk mmɔ; ndien Abasi okut ete efɔn.

GENESIS 9:6

Ama edi owo eke ɔduɔkde iyip owo, owo eyeduɔk iyip esie: koro ke mbiet Abasi ke enye akanam owo.

1 NDIDEM 8:42

(koro mmɔ edikopde ebaŋa akwa enyiŋ fo, ye ɔkpɔsɔŋ ita fo, ye edimenere ubɔk fo;) ndien edi edibɔŋ akam ke ufɔk emi;

EZRA 1:2

Ntem ke Cyrus edidem Persia ɔdɔhɔ, ete, Jehovah Abasi enyɔŋ ɔmɔnɔ mi kpukpru mme idut ererimbot, omonyuŋ eteme mi, ete ndiɔŋ ufɔk Jerusalem emi odude ke Judah nnɔ imɔ.

NEHEMIAH 9:22

Onyuŋ ɔnɔ mmɔ obio ye idut ŋko, onyuŋ abahare mmɔ ke itie, ke itie: mmɔ enyuŋ eda isɔŋ Sihon, kpa isɔŋ edidem Heshbon, ye isɔŋ Og edidem Bashan.

ŊWED MME PSALM 102:25

Afo okodori isɔŋ ke itie esie ke eyo oko: ndien enyɔŋ edi se ubɔk fo enamde.

ŊWED MME PSALM 96:5

Koro kpukpru abasi mme idut edide ikpikpu ŋkpɔ: edi Jehovah akanam enyɔŋ.

EXODUS 20:11

koro Jehovah akadade usen itiokiet anam enyɔŋ, ye isɔŋ, ye inyaŋ, ye kpukpru se idude mmɔ ke esit, ndien odop ke ɔyɔhɔ usen itiaba: mmɔdo Jehovah ɔdiɔŋde usen sabbath, onyuŋ onim enye ke edisana.

EXODUS 6:6

Dɔhɔ ndien ye nditɔ Israel, ete, Ami ndi Jehovah, nyenyuŋ nnam mbufo ewɔŋɔ ke idak mbiomo Egypt, nnyuŋ nsio mbufo ke ufin mmɔ, nnyuŋ mfak mbufo ke edinyanare ubɔk, ye ke ikpɔ ufen:

ISAIAH 42:5

Emi edi uyo Abasi Jehovah, emi okobotde enyɔŋ onyuŋ anyanarede mmɔ; emi ebride isɔŋ, ye se itibede ke esit; emi adade ibifik ɔnɔ kpukpru owo emi edude ke esit, ada spirit ɔnɔ kpukpru mmɔ emi esaŋade ke esit:

ISAIAH 44:24

Emi edi uyo Jehovah emi afakde fi, emi okonyuŋ obotde fi osio ke idibi: Ami Jehovah nnam kpukpru ŋkpɔ: ami ikpɔŋ nneŋere ikpa-enyɔŋ; mbri isɔŋ ke idem mi.

ISAIAH 45:12

Edi ami ŋkanam isɔŋ, nnyuŋ mbot owo emi edude ke esit: ami, kpa ubɔk mi, nneŋere ikpa-enyɔŋ, mmonyuŋ ŋwuk ofuri udim mmɔ.

ISAIAH 48:13

Ubɔk mi ŋko okonim ererimbot ke itie esie, ubɔk nnasia mi onyuŋ eneŋere ikpa-enyɔŋ: ŋkot mmɔ edi, mmɔ edaha eda ini kiet.

ISAIAH 51:13

onyuŋ efre Jehovah emi akanamde fi, emi ekeneŋerede enyɔŋ, onyuŋ onimde isɔŋ ke itie esie; ndien osuk edikhe kpukpru ini ke ofuri usen abaŋa iyaresit owo utuk, ke ini enye otimde ŋkpɔ, ete ibiat?

JEREMIAH 27:4

ete edɔhɔ mme ete mmɔ, ete, Ntem ke Jehovah mme udim Abasi Israel ɔdɔhɔ, ete, Mbufo edɔhɔ ntem ye mme ete mbufo, ete,

JEREMIAH 32:17

Ah, Ɔbɔŋ Jehovah, sese, afo akanam enyɔŋ ye isɔŋ ke akwa odudu fo, ye ke edimenere ubɔk fo, baba ŋkpɔ kiet inyuŋ isɔŋke ikan fi:

JEREMIAH 51:15

Enye akanam ererimbot ke odudu esie, owuk ekondo ke ifiɔk esie, onyuŋ eneŋere ikpa-enyɔŋ ke ɔniɔŋ esie.

DANIEL 2:38

Ndien ke kpukpru ebiet emi nditɔ owo eduŋde, ye mme unam ikɔt ye inuen enyɔŋ, enye amada mmɔ esin fi ke ubɔk, onyuŋ onim fi ke ɔbɔŋ mmɔ kpukpru. Afo edi ibuot o-gold oro.

DANIEL 4:14

enye ofiori ɔkpɔsɔŋ, onyuŋ ɔdɔhɔ ntem, ete, Mbufo ekpi eto emi, enyuŋ ekpok ŋkɔk esie, ekeŋ ikɔŋ esie, enyuŋ eduɔŋɔ mfri esie: yak mme unam edaŋa ekpɔŋ mfut esie, yak mme inuen enyuŋ ekpɔŋ ŋkɔk esie:

DANIEL 4:17

Ŋkpɔ emi oto ke ewuhɔ mme andikpeme, ikɔ emi onyuŋ oto ke uyo me edisana (angel); man mmɔ eke edude uwem efiɔk ete ke Ata Edikoŋ edi etubom ke ubɔŋ ererimbot, onyuŋ ada enye ɔnɔ owo eke enye amade, onyuŋ emen ata ŋkpri owo odori, ete edi etubom ke esit.

DANIEL 4:22

O edidem, edi enye emi oforode onyuŋ ɔsɔŋɔde, uforo fo onyuŋ ɔdɔdiɔŋ aka iso tutu osim ikpaenyɔŋ, ubɔŋ fo onyuŋ osim utit ererimbot.

DANIEL 4:25

ndien mmɔ eyebin fi ke otu owo efep, iduŋ fo eyenyuŋ odu ye mme unam ikɔt, eyenyuŋ ebɔk fi ke mbiet nte enaŋ; enyuŋ eda mbara enyɔŋ ebit fi; isua itiaba eyenyuŋ ebe fi, tutu afo ɔfiɔk ete ke Ata Edikoŋ akara ke ubɔŋ ererimbot, onyuŋ ada enye ɔnɔ owo ekededi eke enye amade.

DANIEL 5:18

Afo, O edidem, Abasi Ibom ama ɔnɔ Nebuchadnezzar usɔ ubɔŋ ye ubom ye ukpono ye uyai:

UTOM MME APOSTLE 14:15

Mbɔŋ owo, nso ke mbufo enam? Nnyin nde idi owo, ibiet mbufo ke uduot nnyin, inyuŋ ida eti etop isɔk mbufo, ite mbufo ekabare ekpɔŋ mme ikpikpu ŋkpɔ emi etiene Abasi uwem, emi akanamde enyɔŋ ye isɔŋ ye inyaŋ ye kpukpru se idude mmɔ ke esit.

UTOM MME APOSTLE 17:24

Abasi, emi okobotde ererimbot ye kpukpru se idude ke esit, sia Enye edide Ɔbɔŋ enyɔŋ ye isɔŋ, iduŋke ke mme temple eke ubɔk owo enamde;

UTOM MME APOSTLE 17:26

Enye anam kpukpru mme idut eto ke ekpuk kiet ewɔrɔ ediduŋ ke ofuri iso isɔŋ: onyuŋ edi Enye onim iduɔk ini uwem mmɔ ye adaŋa ebiet iduŋ mmɔ;

DEUTERONOMY 2:19

ndien ke adaŋemi afo edisimde nditɔ Ammon, ekem ye mmɔ, kudutuhɔ mmɔ, kunyuŋ uŋwana ekɔŋ ye mmɔ: koro mmendaha baba ubak isɔŋ nditɔ Ammon nnɔ fi ada: koro mma ŋkada enye nnɔ nditɔ Lot eda.

DEUTERONOMY 2:21

mbon oro ekponi, enyuŋ ewak, enyuŋ ekoŋ idaha, nte nditɔ Anakim; ndien Jehovah osobo mmɔ efep ke iso mmɔ; ndien mmɔ ebɔ mmɔ isɔŋ, enyuŋ eduŋ ke itie mmɔ:

DEUTERONOMY 2:7

Koro Jehovah Abasi fo ama ɔdiɔŋ fi ke kpukpru utom ubɔk fo: enye ɔmɔfiɔk nte afo akasaŋade ke akwa wilderness emi: Jehovah Abasi fo ama odu ye afo ke isua mbaba emi; ukananake ŋkpɔ ndomo kiet.

DEUTERONOMY 2:9

Ndien Jehovah ɔdɔhɔ mi, ete, Kudutuhɔ nditɔ Moab, kunyuŋ uŋwana ekɔŋ ye mmɔ: koro mmendidaha isɔŋ mmɔ nnɔ fi ada: koro mmaŋkada Ar nnɔ nditɔ Lot enyene.

DEUTERONOMY 32:8

Ke ini ata Andikoŋ ɔnɔde mme idut udeme mmɔ, ke ini enye abaharede nditɔ owo, enye onim adaŋa mme idut, nte ibat nditɔ Israel asaŋade.

DEUTERONOMY 4:17

mbiet unam ekededi eke odude ke isɔŋ, ye mbiet inuen mba ekededi eke efede ke ikpa-enyɔŋ,

DEUTERONOMY 4:25

Ke adaŋemi afo edibonde nditɔ ye nditɔ nditɔ, mbufo enyuŋ ebigide ke isɔŋ oro, enyuŋ ekabarede ediɔk, enyuŋ esɔi ŋkpɔ esin ke mbiet ŋkpɔ ekededi, enyuŋ enam idiɔk ido ke iso Jehovah Abasi fo, enyuŋ eyat enye esit:

DEUTERONOMY 4:32

Mbɔk, kam bup ini eset, emi ekebemde fi iso, tɔtɔŋɔ ke usen oro Abasi okobotde owo ke ererimbot, nyuŋ tɔŋɔ ke utit enyɔŋ kiet, tutu osim ke utit eken, mme oruk akamba ŋkpɔ emi ama osu, mme ekam esikokop ebaŋa oruk ŋkpɔ emi?

DEUTERONOMY 4:35

Ema ewut fi, man afo ɔfiɔk ete ke Jehovah edi Abasi; efen iduhe idian ye enye.

DEUTERONOMY 5:16

Kpono usɔ ye uka, kpa nte Abasi fo okowukde fi; man usen fo ebigi, man onyuŋ ɔfɔn fi, ke isɔŋ emi Jehovah Abasi fo ɔnɔde fi.

DEUTERONOMY 9:29

Edi mmɔ edi ikɔt fo, ye udeme fo, emi afo akadade akwa odudu fo ye edimenere ubɔk fo osio mmɔ efep.

ŊWED MBON COLOSSAE 1:16

Koro ke Enye ke ekebot kpukpru ŋkpɔ ke enyɔŋ ye ke isɔŋ, se enyin owo okutde ye se enyin owo mikwe, mme mmɔ edide ndidem, mme edide mbɔŋ, mme edide mme andikara, mme edide mme ada-idaha; ekebot kpukpru ŋkpɔ oto ke Enye, enyuŋ ebot kpukpru ŋkpɔ enɔ Enye.

MME HEBREW 1:2

ke ukperedem ini emi ama etiŋ ɔnɔ nnyin ke Eyen; emi Enye ekemekde onim, ete edidi andinyene kpukpru ŋkpɔ, okonyuŋ adade ubɔk Esie obot ekondo:

ERIYARARE 4:11

Ɔbɔŋ ye Abasi nnyin, Afo omodot ndibɔ ubɔŋ ye ukpono ye odudu, koro Afo okobotde kpukpru ŋkpɔ; ndien oto uduak Fo ke mmɔ edu, ekenyuŋ eboro.