JEREMIAH 27:15 - Edisana ñwed Abasi Ibom

¹⁵ Koro midige ami ŋkɔdɔŋ mmɔ utom, Jehovah ɔdɔhɔ, ndien mmɔ etiŋ nsu-nsu o-prophecy esin ke enyiŋ mi; man mbin mbufo mfep, man mbufo enyuŋ etak ye mme prophet emi etiŋde prophecy enɔ mbufo.

JEREMIAH 27:15 ပူးပေါင်းရင်းမြစ်များ

2 CHRONICLES 25:16

Edikem ke ini enye osuk ɔdɔhɔde ye enye, edidem obup enye, ete, Nte nnyin imenim fi ke andinɔ edidem item? Tre; edinam didie ewot fi? Ndien prophet oro etre, onyuŋ ɔdɔhɔ ete, Mmɔfiɔk nte ke Abasi amaduak ndisobo fi, koro afo anamde emi, ndien mukopke item mi.

JEREMIAH 14:14

Ndien Jehovah ɔdɔhɔ mi, ete, Mme prophet etiŋ nsunsu a-prophecy ke enyiŋ mi: ŋkɔdɔŋke mmɔ utom, nnyuŋ ntemeke mmɔ, nnyuŋ ndɔhɔke ye mmɔ; mmɔ emen ŋkukut nsu, ye idiɔŋ, ye ikpikpu ŋkpɔ, ye abiaŋa esit mmɔ etiŋ enɔ mbufo.

JEREMIAH 20:6

Ndien ama edi afo, Pashhur, ye kpukpru mme andiduŋ ufɔk fo, mbufo eyeka ke otu mbon ntaŋ-mfep; ndien afo eyesim Babylon, onyuŋ akpa do, onyuŋ ɔbuhɔ do, afo, ye kpukpru mme ufan fo emi afo etiŋde nsunsu o-prophecy ɔnɔ mmɔ.

JEREMIAH 23:15

Mmɔdo ntem ke Jehovah mme udim ɔdɔhɔ abaŋa mme prophet, ete, Sese, mmɔŋ nnɔ mmɔ wormwood edia, nnyuŋ nnɔ mmɔ mmɔŋ etidot eŋwɔŋ: koro oburobut ido otode mme prophet Jerusalem osim ofuri isɔŋ.

JEREMIAH 23:21

Ami ŋkɔdɔŋke mme prophet oro utom, ndien mmɔ efeŋe, ŋkɔdɔhɔke ye mmɔ, ndien mmɔ etiŋ prophecy.

JEREMIAH 23:25

Mmokop uyo mme prophet emi etiŋde nsunsu o-prophecy ke enyiŋ mi, ete, “Mmadaba ndap, mmadaba ndap.”

JEREMIAH 27:10

koro mmɔ etiŋde nsu-nsu o-prophecy enɔ mbufo, man esin mbufo edaŋa ekpɔŋ mme obio mbufo anyan ebiet, man ami nnyuŋ mbin mbufo mfep, mbufo enyuŋ etak.

JEREMIAH 29:8

Koro ntem ke Jehovah mme udim Abasi Israel ɔdɔhɔ, ete, Mbufo ekuyak mme prophet mbufo emi edude ke otu mbufo, ye mbia-idiɔŋ mbufo, ebiaŋa mbufo, ekunyuŋ ekop ndap mbufo emi mbufo esinde mmɔ edaba.

JEREMIAH 29:9

Koro mmɔ etiŋde nsu-nsu o-prophecy enɔ mbufo ke enyiŋ mi: ndɔŋke mmɔ; Jehovah ɔdɔhɔ.

JEREMIAH 38:22

“Ndien, sese, eyeda kpukpru iban emi esuhɔde ke ufɔk edidem Judah ewɔrɔ esɔk ikpɔ owo edidem Babylon: ndien iban oro eyedɔhɔ ete, ‘Mme ufan fo ekesin fi anam ntem, ekenyuŋ ekan fi: ukot fo emebuhɔ ke mbat, enyuŋ efiak edem.’

MATTHEW 15:14

Ndien nnan ama ada nnan usuŋ, mmɔ mbiba eyeduɔŋɔ ke ukpe.

MATTHEW 24:24

Koro mme christ nsu ye mme prophet nsu eyedaha eda, enyuŋ ewut ikpɔ mme idiɔŋɔ ye mme utibe-ŋkpɔ man, edieke mmɔ ekpekemede, eda ndimek ikɔt Abasi ewaha ekpɔŋ usuŋ.

ERIYARARE 19:20

Ndien emum unam oro, enyuŋ emum prophet nsu emi adade ke iso esie anam mme idiɔŋɔ, eke enye adade abiaŋa mmɔ emi ekebɔde idiɔŋɔ unam oro, ye mmɔ emi etuakde ibuot enɔ mbiet esie. Etop mmɔ mbiba ye uwem esin ke inyaŋ ikaŋ emi asakde ye mbrimstone.