JEREMIAH 26:8 - Edisana ñwed Abasi Ibom

⁸ Edikem adaŋoro Jeremiah ama eketiŋ kpukpru se Jehovah okowukde, ete enye etiŋ ɔnɔ kpukpru owo, ndien mme oku, ye mme prophet, ye kpukpru owo emum enye, ete, Afo emenyene ndikpa.

JEREMIAH 26:8 ပူးပေါင်းရင်းမြစ်များ

2 CHRONICLES 36:16

edi mmɔ esak mme isuŋ-utom Abasi, enyuŋ esin ikɔ esie ke ndek, enyuŋ esuŋi mme prophet esie, tutu Jehovah obumere iyaresit ye ikɔt esie, tutu inyeneke erikure.

JEREMIAH 1:19

Ndien mmɔ eyeŋwana ekɔŋ ye afo; edi idikemeke ubɔk ye afo; koro ami ndude ye afo, man nnyaŋa fi: uyo Jehovah edi emi.

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

JEREMIAH 18:23

Ndien afo, Jehovah, ɔmɔfiɔk ofuri uduak emi mmɔ eduakde ebaŋa mi, ete iwot mi; kusio isop ubaŋa idiɔk ido mmɔ, kunyuŋ usɔhi oburobut ido mmɔ ke iso fo ufep, edi yak mmɔ etuak eduɔŋɔ ke iso fo; nam ye mmɔ ke ini iyaresit fo.

JEREMIAH 2:30

Kpukpru mbufo emedue mi. Mmamia nditɔ mbufo ikpikpu; mmɔ ikopke item: ofut mbufo amadia mme prophet mbufo, nte lion eke osobode.

JEREMIAH 32:3

Koro Zedekiah edidem Judah ɔkɔkɔbide enye abaha, ete, Afo anam didie etiŋ prophecy, ete, Ntem ke Jehovah ɔdɔhɔ, ete, Sese, ami mmɔŋ nda obio emi nsin edidem Babylon ke ubɔk, ndien enye eyeda enye;

JEREMIAH 43:1

EDIKEM adaŋemi Jeremiah eketrede ndimen kpukpru ikɔ Jehovah Abasi mmɔ, eke Jehovah Abasi mmɔ ɔkɔdɔŋde enye utom ke ɔtɔ mmɔ abaŋa, ntiŋ nnɔ kpukpru owo, kpa kpukpru ikɔ emi,

AMOS 7:10

Ndien Amaziah oku ke Bethel ɔdɔŋ ekedɔhɔ Jeroboam edidem Israel, ete, Amos omoduk odu abaŋa fi ke ufɔt Israel; isɔŋ ikemeke ndiyɔ kpukpru ikɔ esie.

MATTHEW 22:6

ndien mmɔ emi esukde emum ikɔt esie, enam mmɔ ido esuene, enyuŋ ewot mmɔ.

MATTHEW 27:20

Edi ikpɔ oku ye mbiowo ewɔŋɔre mme otu owo esit, ete mmɔ ebeŋe eyak Barabbas enyuŋ ewot Jesus.

UTOM MME APOSTLE 5:33

Edi ke ini mmɔ ekopde ikɔ emi, esit ofut mmɔ eti-eti, mmɔ enyuŋ eyom ndiwot mmɔ oro.

UTOM MME APOSTLE 7:52

Ewe prophet ke mme ete mbufo mikɔkɔbɔke? Mmɔ ekenyuŋ ewot mmɔ eke ebemde iso ekwɔrɔ ete, Ata Edinen eyedi; ndien ke emi mbufo emenyuŋ ekabare edi mme andida Enye nnɔ ye mme andiwot Enye;

ERIYARARE 18:24

ndien ke obio emi ema ekut iyip mme prophet ye nti ikɔt Abasi, ye iyip kpukpru mmɔ emi owo ekewotde ke isɔŋ.