JEREMIAH 26:6 - Edisana ñwed Abasi Ibom

⁶ ndien nyenam ufɔk emi ebiet Shiloh, nyenyuŋ nnim obio emi ke ŋkpɔ isuŋi nnɔ kpukpru mme idut ererimbot.

JEREMIAH 26:6 ပူးပေါင်းရင်းမြစ်များ

2 NDIDEM 22:19

koro esit fo ememde, afo onyuŋ ɔsuhɔrede idemfo onim ke iso Jehovah, ke ini afo okopde se nkɔdɔhɔde mbaŋa ebiet emi, ye mme andiduŋ ke esit, nte ke mmɔ edidi ŋwure ye isuŋi, ndien afo ama onyuŋ awai edisine-ŋkpɔ fo, onyuŋ atua eyet ke iso mi; ami ŋko mmokop, Jehovah ɔdɔhɔ.

ISAIAH 43:28

Ndien nyesabare ndisana mbɔŋ, nnyuŋ nda Jacob nnɔ nsobo, nda Israel nnɔ nduari.

ISAIAH 65:15

Ndien mbufo eyekpɔŋ enyiŋ mbufo enim ke ŋkpɔ isuŋi enɔ edimek ikɔt mi: ndien Ɔbɔŋ Jehovah eyewot fi, onyuŋ osio ikɔt esiemɔ enyiŋ efen:

JEREMIAH 24:9

nyeda mmɔ nnɔ ndutuhɔ ye idiɔk-ŋkpɔ ke kpukpru mme idut ererimbot, ke kpukpru ebiet eke ndibinde mmɔ nsin do.

JEREMIAH 25:18

nnɔ Jerusalem, ye mme obio Judah, ye ndidem mmɔ, ye mbɔŋ mmɔ, man nnim mmɔ ke ŋkpɔ ŋwure, ye nsobo, ye nsi, ye isuŋi; kpa nte mfin emi;

JEREMIAH 29:18

Nyenyuŋ nda ofut, ye biɔŋ, ye idiɔk udɔŋɔ mbine mmɔ, nnyuŋ nnim mmɔ ke ŋkpɔ ndutime nnɔ kpukpru mme idut ke ererimbot, ye ke isuŋi, ye ke nsobo, ye ke nsi, ye ke esuene ke otu kpukpru mme idut eke mbinde mmɔ nsin do:

JEREMIAH 29:22

Ndien kpukpru nditɔ Judah oro eketaŋde efep emi edude ke Babylon, eyeda mmɔ ikɔ isuŋi ke idem, ete, “Yak Jehovah osuk onim fi nte Zedekiah, ye nte Ahab emi edidem Babylon ɔkɔfɔpde ke ikaŋ.”

JEREMIAH 42:18

Koro ntem ke Jehovah mme udim Abasi Israel ɔdɔhɔ, ete, Kpa nte ŋkaŋwaŋade iyaresit mi ye ifuresit mi ke idem mme andiduŋ Jerusalem, kpa ntre ŋko ke ndiŋwaŋa mbufo iyaresit mi ke idem, ke mbufo ekade Egypt; ndien mbufo eyekabare edi ŋkpɔ isuŋi, ye nsobo, ye itɔk, ye esuene; idinyuŋ ikwe aba ebiet emi.

JEREMIAH 44:22

Ndien Jehovah ikemeke aba ndiyɔ idiɔk ido mbufo, ye ŋkpɔ mbubiam emi mbufo enamde; ndien isɔŋ mbufo amakabare edi nsobo, ye ndobo, ye isuŋi, ndien owo eke oduŋde iduhe du, kpa nte edide mfin emi.

ŊWED ESEME 2:15

Kpukpru owo eke esaŋade ke usuŋ ebe ekwak ubɔk ebaŋa fi; mmɔ esi enyuŋ eyibi ibuot mmɔ ebaŋa adiaha Jerusalem, ete, Nte emi edi obio eke ekedɔhɔde ete ke enye eye ama, onyuŋ adat ofuri ererimbot esit?

ŊWED ESEME 2:16

Kpukpru mme asua fo eŋwaŋade inua mmɔ ese fi; esi, enyuŋ eta edet: edɔhɔ ete, Nnyin imemen enye isin ke idibi; ŋkɔm emi edi usuŋ eke nnyin ibetde; nnyin imesime, imekut enye.

DANIEL 9:11

Ofuri Israel ŋko ema ebiat mbet fo, enyuŋ ekabare ete ikukop uyo fo. Ndien afo aŋwaŋa nnyin isuŋi ke idem, ye uŋwɔŋɔ emi ewetde ke ŋwed mme ewuhɔ Moses owo Abasi, koro nnyin iduede ye enye.

ZECHARIAH 5:3

Ndien enye ɔdɔhɔ mi, ete, Emi edi isuŋi eke ɔwɔrɔde asaŋa ke iso ofuri isɔŋ: koro eyesɔhi kpukpru inɔ ke edem emi efep, nte enye asaŋade; enyuŋ esɔhi kpukpru owo eke etomode ke edem eken efep,

MALACHI 4:6

ndien enye eyekabare esit mme ete ɔnɔ nditɔ, eyekabare esit nditɔ ɔnɔ mme ete mmɔ, mbak ndida ata nsobo ndimia idut emi.

JOSHUA 18:1

EKEM ofuri esop nditɔ Israel esop idem ke Shiloh, enyuŋ ewuk efe esop do. Ndien isɔŋ ana suŋ ke iso mmɔ.