JEREMIAH 26:4 - Edisana ñwed Abasi Ibom

⁴ Nyuŋ dɔhɔ mmɔ, ete, Ntem ke Jehovah ɔdɔhɔ, ete, Mbufo minyimeke ndikop uyo mi nnyuŋ nsaŋa ke mme ewuhɔ mi emi ŋkonimde ke iso mbufo:

JEREMIAH 26:4 ပူးပေါင်းရင်းမြစ်များ

1 NDIDEM 9:6

Edi edieke mbufo ye nditɔ mbufo edifiakde edem, enyuŋ etre nditiene mi, minyuŋ inimke mbet mi, ye mme ewuhɔ mi, emi ŋkonimde ke iso mbufo, edi ema eka ekenam ŋkpɔ mme abasi efen, enyuŋ etuak ibuot enɔ mmɔ:

ISAIAH 1:20

edi ema esin, enyuŋ esɔŋ ibuot, ofut eyedia mbufo: koro edi inua Jehovah ɔdɔhɔ.

JEREMIAH 17:27

Edi mbufo minyimeke ndikop uyo mi, nnyuŋ nnim usen sabbath ke edisana, man ekunyuŋ ebiom mbiomo eduk ke inua-otop Jerusalem ke usen sabbath; ndien ami nyebara ikaŋ ke inua-otop esie, eke editade ikpɔ ufɔk Jerusalem, ndien idinimeke.

JEREMIAH 22:5

Ndien mbufo minyimeke ndikop ikɔ emi, Jehovah ɔdɔhɔ, ete, Mmotomo idem mi, nte, Ufɔk mi iditreke ndikabare ndi ndon.

JEREMIAH 32:23

ndien mmɔ eduk edida enye enyene; ndien mmɔ ikopke uyo fo, inyuŋ isaŋake ke ibet fo; mmɔ inamke kpukpru se afo okowukde mmɔ, ete enam: ndien afo anam ofuri idiɔk-ŋkpɔ emi osim mmɔ.

JEREMIAH 44:10

Mmɔ isuhɔkede idem-mmɔ inim tutu osim mfin emi, inyuŋ ifeheke ndik, inyuŋ isaŋake ke mme ewuhɔ mi, ye ke ido mi, emi ŋkonimde ke iso mbufo, ye ke iso mme ete mbufo.

JEREMIAH 44:23

Koro mbufo ekefɔpde ŋkpɔ, koro enyuŋ enamde idiɔk ye Jehovah, minyuŋ ikopke uyo Jehovah, minyuŋ isaŋake ke mbet esie, ye ke mme ewuhɔ esie, ye ke mme item esie; mmɔdo idiɔk-ŋkpɔ emi osimde mbufo, kpa nte edide mfin emi.

JEREMIAH 7:14

mmɔdo nyenam ye ufɔk emi ekerede enyiŋ mi, emi mbufo ebuɔtde idem ke esit, nyenyuŋ nnam ye ebiet emi ŋkɔnɔde mbufo ye mme ete mbufo, kpa nte ŋkanamde ye Shiloh.

DEUTERONOMY 11:32

Mbufo ekpeme ndien, ndinim kpukpru mme ewuhɔ, ye mme item emi ami nnimde ke iso mbufo mfin emi.

DEUTERONOMY 31:20

Koro adaŋemi ndidade mmɔ nduk ke isɔŋ emi ŋkɔŋwɔŋɔde nnɔ mme ete mmɔ, emi ɔfiɔrɔde mmɔŋ-eba ye aran-ɔkwɔk; ndien mmɔ eyedia eyuhɔ, enyuŋ ekpon, ndien mmɔ eyekabare etiene abasi efen, ekenam ido mmɔ, enyuŋ esin mi ke ndek, enyuŋ ebiat ediomi mi.

DEUTERONOMY 4:44

Mme mmɔ emi enyuŋ edi mbet emi Moses okonimde ke iso nditɔ Israel:

DEUTERONOMY 4:8

Ndien ewe akamba idut odu emi enyenede edinen ewuhɔ ye item, ebiet ofuri ŋwed mbet emi ami nnimde ke iso mbufo mfin emi?

MME HEBREW 6:18

man okpoto ke ŋkpɔ iba emi mikemeke ndikpuhɔre, emi Abasi mikemeke ndisu nsu ke esit, nnyin ikpenyene akwa nsɔŋ-esit, kpa nnyin emi ima ifehe iyom ubɔhɔ ke erimum idori-enyin emi enimde nnyin ke iso: