JEREMIAH 26:2 - Edisana ñwed Abasi Ibom

² Ntem ke Jehovah ɔdɔhɔ ete, Ka kada ke okure ufɔk Jehovah, nyuŋ men kpukpru ikɔ eke ŋwukde fi, nte ɔdɔhɔ ye mmɔ, tiŋ baŋa kpukpru mme obio Judah eke edide ndituak ibuot ke ufɔk Jehovah; kusio baba ikɔ kiet ufep;

JEREMIAH 26:2 ပူးပေါင်းရင်းမြစ်များ

JEREMIAH 1:17

Afo, ndien, bɔbɔ mbɔbɔ ke isin fo, nyuŋ daha da, nyuŋ nam kpukpru se ami nditemede fi tiŋ nɔ mmɔ: kuyak esit ɔduɔ fi ubaŋa mmɔ, mbak ami ndinam esit ɔduɔ fi ke iso mmɔ.

JEREMIAH 1:7

Ndien Jehovah ɔdɔhɔ mi, ete, Kudɔhɔ ete, “Ami ndi eyen-ɔwɔŋ:” koro afo eyesaŋa kpukpru utom eke ndidɔŋde fi, eyenyuŋ etiŋ kpukpru se ndiwukde fi.

JEREMIAH 19:14

Ekem Jeremiah oto ke Topheth emi Jehovah ɔkɔdɔŋde enye utom, ete eketiŋ prophecy do, edi edida ke okure ufɔk Jehovah; onyuŋ ɔdɔhɔ kpukpru owo, ete,

JEREMIAH 23:28

Yak prophet eke ndap odude ye enye etiŋ ndap; ndien yak owo eke ikɔ mi odude ye enye, etiŋ ikɔ mi akpan-akpan. Ikpɔk ibokpot asaŋa nso ye idem ibokpot? Jehovah ɔdɔhɔ.

JEREMIAH 25:2

emi Jeremiah prophet ɔdɔhɔde ofuri mbio Judah, ye kpukpru mme andiduŋ Jerusalem, ete;

JEREMIAH 28:5

Ndien Jeremiah prophet ɔdɔhɔ Hananiah prophet ke iso mme oku, ye ke iso kpukpru owo emi edude ke ufɔk Jehovah;

JEREMIAH 36:10

Ndien Baruch emen ŋwed oro etiŋ kpukpru ikɔ Jeremiah ke ufɔk Jehovah, ke ubet Gemariah eyen Shaphan ɔfiɔk-ŋwed, ke enyɔŋ-enyɔŋ okure, ke obufa inua otop ufɔk Jehovah, esin ke utɔŋ kpukpru owo.

JEREMIAH 42:4

Ndien Jeremiah prophet ɔdɔhɔ mmɔ, ete, Mmokop; sese, ami nyekpe Jehovah Abasi mbufo ubɔk, nte ekemde ke uyo mbufo; ndien ama ekem nyesian mbufo kpukpru ikɔ emi Jehovah edibɔrɔde mbufo: ndidipke mbufo baba ikɔ kiet.

JEREMIAH 7:2

nyuŋ kwɔrɔ ikɔ emi do, nyuŋ dɔhɔ, ete, Ekop uyo Jehovah, mbufo ofuri ufɔk Judah, emi ebede inua-otop emi eduk edituak ibuot enɔ Jehovah.

JEREMIAH 7:27

Dɔhɔ mmɔ ndien kpukpru ikɔ emi; edi mmɔ idikokpe uyo fo: nyuŋ fiori kot mmɔ: edi mmɔ idiyereke fi.

EZEKIEL 3:10

Ndien enye ɔdɔhɔ mi, ete, Eyen owo, da kpukpru ikɔ mi emi nditiŋde nnɔ fi sin ke esit fo, nyuŋ kop mmɔ ke utɔŋ fo.

EZEKIEL 33:7

Ke ntre, eyen owo, mmonim fi ke owo eke ekpemede, nnɔ ufɔk Israel; kop ndien ikɔ eke otode mi ke inua, nyuŋ sian mmɔ nɔ mi.

EZEKIEL 40:4

Ndien owo oro ɔdɔhɔ mi, ete, Eyen owo, se ke enyin fo, nyuŋ kop ke utɔŋ fo, nyuŋ nim esit fo ke kpukpru se ami ndiyakde fi okut; koro emi esin eda fi edi ken man ŋwut fi; men kpukpru se afo okutde tiŋ nɔ Israel.

MATTHEW 28:20

enyuŋ ekpep mmɔ enam kpukpru ŋkpɔ eke ŋketemede mbufo: ndien sese, Ami ndodu ye mbufo kpukpru ini, tutu osim utit ererimbot. Amen.

LUKE 19:47

Ndien Enye ekekpep mmɔ ŋkpɔ ke usen ke usen ke temple. Edi ikpɔ oku ye mme scribe ye mme etubom-mbio-obio eyom usuŋ nte ekpowotde Enye;

JOHN 18:20

Jesus ɔbɔrɔ enye ete, Ami ŋketetiŋ ŋkpɔ nnɔ ererimbot aŋwa-aŋwa; ŋkɔnɔ ukpep-ŋkpɔ kpukpru ini ke synagogue ye ke temple, emi kpukpru mme Jew ekam edide edisobo do; ŋkonyuŋ ntiŋke baba ŋkpɔ kiet ke ndibe. Nsinam obupde Mi?

JOHN 8:2

Edi ke ŋkim-ŋwaŋa usenubɔk Enye afiak edi ke temple, kpukpru mbio-obio enyuŋ etiene Enye; ndien Enye ɔsuhɔre etetie ekpep mmɔ ŋkpɔ.

UTOM MME APOSTLE 20:20

Mbufo emefiɔk ete ŋkefeheke ndisian mbufo se ededi eke odorode mbufo ŋkpɔ, mma nnyuŋ ŋkpep mbufo ŋkpɔ aŋwa-aŋwa,

UTOM MME APOSTLE 20:27

Koro mmeŋkefeheke ndikwɔrɔ ofuri uduak Abasi nnɔ mbufo.

UTOM MME APOSTLE 5:25

Edi owo kiet edi edidɔhɔ mmɔ ete, Sese, mme owo emi mbufo ekesinde ke ufɔk-ŋkpɔkɔbi mmɔ ke temple, ke eda ekpep mbio-obio ŋkpɔ.

UTOM MME APOSTLE 5:42

Ndien kpukpru usen, ke temple ye ke ufɔk, mmɔ idopke uyo ndikpep nnyuŋ ŋkwɔrɔ, ete Jesus edi Christ.

DEUTERONOMY 12:32

Mbufo ekpeme ndinam kpukpru ikɔ emi ami ntemede mbufo: kudian ŋkpɔ ke esit, kunyuŋ usio ke esit ufep.

DEUTERONOMY 12:5

Edi mbufo eyom ebiet emi Jehovah Abasi mbufo edimekde ke otu kpukpru mme esien mbufo osio, ete inim enyiŋ esie, man enye oduŋ do, enyuŋ eka do:

DEUTERONOMY 4:2

Ekuda ikɔ efen edian ke ikɔ emi ami ntemede mbufo, ekunyuŋ esio ke esit efep, man mbufo enim mbet Jehovah Abasi mbufo emi ami ntemede mbufo.

JOSHUA 8:35

Ndien ikɔ ndomo kiet eke Joshua mikotke ke iso ofuri esop Israel, ye iban, ye nditɔwɔŋ, ye isen owo emi esaŋade ke otu mmɔ, iduhe ke otu kpukpru se Moses eketemede.

ERIYARARE 22:19

ndien edieke owo osiode ŋkpɔ ke ikɔ prophecy ŋwed emi, Abasi eyesio enye udeme ke eto uwem efep, ye ke edisana obio, kpa ŋkpɔ emi ewetde ke ŋwed emi.