JEREMIAH 26:16 - Edisana ñwed Abasi Ibom

¹⁶ Ndien mbɔŋ oro ye kpukpru mbio-obio edɔhɔ mme oku ye mme prophet, ete, Owo emi iduehe isop mkpa: koro enye ɔdɔhɔde ye nnyin ke enyiŋ Abasi nnyin.

JEREMIAH 26:16 ပူးပေါင်းရင်းမြစ်များ

ESTHER 4:14

Koro edieke afo odopde ke ini emi, eribɔhɔ ye erinyaŋa eyeto ke ebiet efen enɔ mme Jew; edi afo ye ufɔk usɔ eyetak: ndien anie ɔfiɔk mme afo okosim itie ubɔŋ ɔnɔ oruk ini emi?

ŊWED MME PSALM 94:16

Anie editiene mi aŋwana ye mme idiɔk owo? Anie edida ye ami aŋwana ye mme anam oburobut?

MME ŊKE 16:7

Ke adaŋemi usuŋ owo enemde Jehovah esit, enye anam idem mme asua esie etie emem-emem ye enye.

JEREMIAH 26:11

Ndien mme oku ye mme prophet edɔhɔ ye mbɔŋ ye ofuri mbio-obio, ete, Owo emi emedue isop mkpa: koro enye ama etiŋ prophecy abaŋa obio emi, kpa nte mbufo ekopde ke utɔŋ mbufo.

JEREMIAH 34:10

Ndien kpukpru mbɔŋ ekop, ye kpukpru owo eke edukde ke ediomi, ete kiet kiet eyak ofin eren mmɔ, ye kiet kiet ofin aŋwan mmɔ ewɔrɔ ufin, ekunyuŋ enim aba mmɔ ke ifin, ndien mmɔ ekop, enyuŋ eyak mmɔ ewɔrɔ.

JEREMIAH 36:19

Ndien mbɔŋ oro edɔhɔ Baruch, ete, Ka kodibe, afo ye Jeremiah; mbufo ekunyuŋ eyak owo baba kiet ɔfiɔk ebiet eke mbufo edude.

JEREMIAH 36:25

Ndien ŋko Elnathan, ye Delaiah, ye Gemariah ekekpe edidem ubɔk, ete enye okufɔp ŋwed oro, edi enye ikopke uyo mmɔ.

JEREMIAH 37:15

Ndien mbɔŋ oro ekpahesit ye Jeremiah, enyuŋ emia enye, enyuŋ eda enye esin ke ŋkpɔkɔbi ufɔk Jonathan ewet ŋwed: koro mmɔ ekenimde enye ke ufɔk ukwak.

MATTHEW 27:54

Edi ke ini centurion, ye mmɔ emi edude ye enye ekpeme Jesus, ekutde unyek-isɔŋ, ye mme ŋkpɔ oro etibede, mmɔ efehe akwa ndik eti-eti, enyuŋ edɔhɔ ete, Ke akpanikɔ emi ekedi Eyen Abasi.

LUKE 23:41

Ndien ke akpanikɔ nnyin ikut ufen eke enende: koro nnyin ibɔ utip eke odotde ke erinam nnyin: edi owo emi iduehe baba ŋkpɔ kiet.

LUKE 23:47

Ndien ke ini centurion okutde se itibede, enye ɔnɔ Abasi itoro ete, ke akpanikɔ owo emi ekedi edinen owo.

UTOM MME APOSTLE 23:29

do ŋkut nte mmɔ edoride enye ikɔ ebaŋa ibet mmɔ, edi midorike enye baba ikɔ kiet eke odotde mkpa me ŋkpɔkɔbi.

UTOM MME APOSTLE 23:9

Ntem ke akwa ndutime otibe, ndusuk mme scribe emi etode ke otu mme Pharisee enyuŋ edaha ke enyɔŋ esɔŋɔ eneni, ete, Nnyin ikwe idiɔk ke idem owo emi: nso ikpan ite spirit mme angel okutiŋ ikɔ ye enye?

UTOM MME APOSTLE 25:25

Edi ŋkut nte enye inamke baba ŋkpɔ kiet eke odotde mkpa: sia enye ke idem esie onyuŋ otomode ubɔk Caesar, nduak ndinɔ enye esɔk Caesar.