JEREMIAH 25:3 - Edisana ñwed Abasi Ibom

³ Toto ke ɔyɔhɔ isua Josiah eyen Amon edidem Judah duopeta, tutu osim mfin emi, ke ofuri isua edip ye ita emi, uyo Jehovah ama osim mi, mma nnyuŋ ntiŋ nnɔ mbufo, mbabak ndɔhɔ; edi mbufo ikokopke.

JEREMIAH 25:3 ပူးပေါင်းရင်းမြစ်များ

GENESIS 22:3

Ndien Abraham abak ke usenubɔk adaha ke enyɔŋ, ɔdiɔŋ ass esie, onyuŋ ada mkparawa esie iba ŋko, ye Isaac eyen esie, onyuŋ asiak ifia uwa, ndien enye adaha ke enyɔŋ, aka ke ebiet oro Abasi ɔkɔdɔhɔde enye.

1 NDIDEM 22:3

Ndien edidem Israel ɔdɔhɔ ikɔt esiemɔ, ete, Nte mbuifo ifiɔkke ite ke Ramoth-gilead enyene nnyin, ndien nnyin idodop, ikaha ikada enye edidem Syria ke ubɔk?

2 NDIDEM 17:13

Edi Jehovah ada inua kpukpru prophet, ye eke kpukpru mbon ŋkukut, asua ɔnɔ Israel ye Judah, ete, Mbufo ekabare ekpɔŋ mme idiɔk usuŋ mbufo, enyuŋ enim ibet mi, ye item mi, ekem ke kpukpru mme ewuhɔ emi ŋkowukde mme ete mbufo, emi ŋkonyuŋ ntobode mbufo ke ubɔk ikɔt mi mme prophet.

2 CHRONICLES 24:19

Edi enye ɔdɔŋ prophet utom ke ɔtɔ mmɔ: ete eda mmɔ efiak etiene Jehovah; ndien mmɔ esua enɔ mmɔ: edi mmɔ ikpaŋke utɔŋ.

2 CHRONICLES 34:1

JOSIAH osim isua itiaita ke ini enye adade ubɔŋ, onyuŋ edi edidem ke Jerusalem ke isua edip ye duopekiet.

2 CHRONICLES 34:3

Ekem ke ɔyɔhɔ isua ubɔŋ esie itiaita, ke edide kaŋa eyenɔwɔŋ, enye ɔtɔŋɔ nditiene Abasi David ete esie: ndien osim ke ɔyɔhɔ isua duopeba, enye ɔtɔŋɔ ndisioŋo mme edikoŋ ebiet, ye mme eto-mkpe, ye mme edisɔi mbiet, ye mme editara mbiet infep, onyuŋ anam Judah ye Jerusalem esana.

2 CHRONICLES 34:8

Ekem ke ɔyɔhɔ isua ubɔŋ esie efureta, ke enye ama akanam isɔŋ ye ufɔk esana, enye ɔdɔŋ Shaphan eyen Azaliah, ye Maaseiah etubom obio, ye Joah eyen Joahaz andiwet ŋkpɔ obio, ekediɔŋ ufɔk Jehovah Abasi esie.

2 CHRONICLES 36:15

Ndien Jehovah Abasi mme ete mmɔ ɔdɔŋ mme isuŋ esie utom ke ɔtɔ mmɔ, abak ɔdɔŋ; koro enye enyenede mbɔm ye ikɔt esie ye ebiet iduŋ esie:

ŊWED MME PSALM 81:13

Ikɔt mi ekpekam ekop uyo mi, Israel ekpekam enyuŋ esaŋa ke usuŋ mi!

EXODUS 8:20

Ndien Jehovah ɔdɔhɔ Moses, ete, Babak ke usenubɔk daha ke enyɔŋ, kada ke iso Pharaoh; sese, enye ɔwɔrɔ aka mmɔŋ; nyuŋ dɔhɔ enye ete, Ntem ke Jehovah ɔdɔhɔ ete, Yak ikɔt mi eka ekenam ŋkpɔ enɔ mi:

ISAIAH 55:2

Nsinam mbufo edomode silver enɔ ke se midige uyo? ye utom mbufo ke se miyuhɔke? Etim ekop uyo mi, enyuŋ edia se ifɔnde, yak ukpɔŋ mbufo onyuŋ enem esit ke isek.

JEREMIAH 1:2

emi uyo Jehovah osimde enye ke eyo Josiah eyen Amon edidem Judah, ke ɔyɔhɔ isua ubɔŋ esie duopeta:

JEREMIAH 11:7

Koro mma ntim ŋwuk mme ete mbufo ke usen oro ŋkadade mmɔ ke isɔŋ Egypt ndɔk, tutu osim mfin emi, mbabak ŋwuk, nte,

JEREMIAH 19:15

Ntem ke Jehovah mme udim Abasi Israel ɔdɔhɔ ete, Sese, mmɔŋ nda ofuri idiɔk-ŋkpɔ oro ŋkɔdɔhɔde mbaŋa enye, ntiene obio emi, ye kpukpru obio-iŋwaŋ esie, koro mmɔ esɔŋɔde obot-itɔŋ mmɔ, ndien mikopke uyo mi.

JEREMIAH 22:21

Ŋkɔdɔhɔ fi ke ini ifure fo; afo ɔdɔhɔ, ete, “Ndikopke.” Emi edi ido fo, toto ke ini uyen fo: koro afo mukopke uyo mi.

JEREMIAH 25:4

Jehovah ama onyuŋ ɔdɔŋ kpukpru ikɔt esie mme prophet utom ke ɔtɔ mbufo, abak ɔdɔŋ; ndien mbufo ikokopke, inyuŋ ikpaŋke utɔŋ mbufo ikop: ete,

JEREMIAH 26:5

nnyuŋ ŋkop ikɔ ikɔt mi mme prophet, emi ami ŋkɔdɔŋde utom ke ɔtɔ mbufo, mbabak ndɔŋ, edi mbufo ikokopke;

JEREMIAH 29:19

koro mmɔ mikekopke uyo mi (Jehovah ɔdɔhɔ), ke ini oro ŋkɔdɔŋde ikɔt mi mme prophet utom ke ɔtɔ mmɔ, mbabak ndɔŋ: ndien mbufo ikopke, Jehovah ɔdɔhɔ.

JEREMIAH 32:33

Ndien mmɔ ekabare obot itɔŋ enɔ mi, ikabakede iso: okposuk edi nte ŋkpepde mmɔ, mbabak ŋkpep, edi mmɔ ikopke, inyuŋ ibɔhɔ item.

JEREMIAH 35:14

Ke enim uyo Jonadab eyen Rechab emi enye eketemede nditɔ esie, ete ekuŋwɔŋ wine; ndien mmɔ iŋwɔŋke tutu osim mfin emi; koro mmɔ ekopde ewuhɔ ete mmɔ. Edi ami ŋkɔdɔhɔ mbufo, mbabak ndɔhɔ; ndien mbufo ikopke uyo mi.

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 36:1

EDIDEM ke ɔyɔhɔ isua Jehoiakim eyen Josiah edidem Judah inaŋ, uyo emi oto Jehovah osim Jeremiah, ete,

JEREMIAH 36:2

Da ikpa ŋwed ke idem fo, nyuŋ men kpukpru ikɔ oro ŋkɔdɔhɔde fi, mbaŋa Israel ye Judah ye kpukpru mme idut, ɔtɔŋɔde ke usen oro ŋkɔdɔhɔde ye afo, ɔtɔŋɔde ke eyo Josiah, tutu osim mfin emi, wet ke esit.

JEREMIAH 44:4

Ndien ŋkɔdɔŋ kpukpru ikɔt mi mme prophet utom ke ɔtɔ mbufo, mbabak ndɔŋ mmɔ, nte, Mbɔk mbufo ekunam ŋkpɔ mbubiam emi ami nsuade.

JEREMIAH 7:13

Ndien ke emi ke Jehovah ɔdɔhɔ, ete, Koro mbufo enamde kpukpru ŋkpɔ emi, ndien ami ŋkɔdɔhɔ ye mbufo, mbabak ndɔhɔ, ndien mbufo ikopke; ŋkonyuŋ ŋkot mbufo, ndien mbufo iyereke;

JEREMIAH 7:25

Ɔtɔŋɔde ke usen oro mme ete mbufo eketode ke Egypt edi, tutu osim mfin emi, mma nnyuŋ ndɔŋ kpukpru ikɔt mi mme prophet utom ke ɔtɔ mbufo, kpukpru usen mbabak ndɔŋ:

EZEKIEL 33:4

ndien andikop uyo ukorowo oro ama okop, ndien mikereke item, ndien ofut ama edi edida enye efep, iyip esie eyedoro enye ke ibuot.

ZECHARIAH 1:4

Mbufo ekubiet mme ete mbufo emi akpa prophet ekekotde mmɔ, ete, Ntem ke Jehovah mme udim ɔdɔhɔ, ete, Mbɔk, mbufo ekabare ekpɔŋ mme idiɔk usuŋ mbufo, ye mme idiɔk ido mbufo: edi mmɔ ikopke, inyuŋ ikpaŋke utɔŋ inɔ mi: ke edi uyo Jehovah.

MARK 1:35

Ekem ke ŋkim-ŋwaŋa usen-ubɔk, Enye adaha ke enyɔŋ ɔwɔrɔ aka ke ebiet desert, onyuŋ ɔbɔŋ akam do.

JOHN 8:2

Edi ke ŋkim-ŋwaŋa usenubɔk Enye afiak edi ke temple, kpukpru mbio-obio enyuŋ etiene Enye; ndien Enye ɔsuhɔre etetie ekpep mmɔ ŋkpɔ.

JOHN 8:47

Enye eke edide owo Abasi okop ikɔ Abasi; sia mbufo midige ikɔt Abasi, emi esin mbufo ekukop.

2 ŊWED TIMOTHY 4:2

Sin ifik nam emi, ke edide ekem ini, ye ke minyuŋ idige ekem ini, wut mme owo ndudue mmɔ, sua nɔ mmɔ, kpe ye mmɔ; saŋa ye ofuri ime ye erikpep nam utom emi.