JEREMIAH 25:22 - Edisana ñwed Abasi Ibom

²² ye kpukpru ndidem Tyre, ye kpukpru ndidem Zidon, ye ndidem isuo emi edude ke edem inyaŋ oko:

JEREMIAH 25:22 ပူးပေါင်းရင်းမြစ်များ

ISAIAH 23:1

UYO Abasi emi abaŋa Tyre. Mbufo ubom mbakara Tarshish etuaŋa: koro enye abiarade, ufɔk iduhe, eriduk iduhe: etie ke isɔŋ Kittim eyarare emi enɔ mmɔ.

ISAIAH 23:15

Ndien ama ekem ke usen oro, eyefre Tyre ke isua ata ye duop, ekem ke eyo edidem kiet: ndien ke utit isua ata ye duop, ŋkpɔ eyetibe ɔnɔ Tyre nte ikwɔ akpara;

ISAIAH 23:4

Yak but anam fi, O Zidon: koro inyaŋ, kpa ɔkpɔsɔŋ obio inyaŋ ɔdɔhɔde, ete, Uman itukke mi, nnyuŋ mmanke eyen, nnyuŋ mbɔkke mkparawa, nnyuŋ ŋkɔhɔ nditɔ-iban.

JEREMIAH 27:3

ndien sin mmɔ ke ubɔk mme isuŋutom emi edide ke Jerusalem ke ɔtɔ Zedekiah edidem Judah, ete esɔk edidem Edom, ye edidem Moab, ye edidem nditɔ Ammon, ye edidem Tyre, ye edidem Zidon; nyuŋ tobo mmɔ,

JEREMIAH 31:10

Mbufo mme idut ekop uyo Jehovah, ndien ekwɔrɔ enye ke mme-isuo eke eyomde usuŋ, enyuŋ edɔhɔ, ete, Enye emi akasuande Israel eyetaŋ mmɔ obon, onyuŋ ɔbɔk mmɔ nte ɔbɔk-erɔŋ ɔbɔkde ufene esie.

JEREMIAH 47:4

kabaŋa usen eke edide ndisobo kpukpru mme Philistine, nnyuŋ nsibe kpukpru mme andiŋwam eke esukhɔde ke Tyre ye Zidon mfep: koro Jehovah mmɔŋ osobo mme Philistine, kpa nditɔ isuo Caphtor emi esuhɔde.

EZEKIEL 27:27

Inyene fo, ye unyam-urua fo, ye ŋkpɔ-urua fo, mbio ubom fo, ye mmɔ eke ebɔide fi, mmɔ eke efakde fi ndudu, ye mmɔ eke esaŋade urua enɔ fi, ye kpukpru mbon-ekɔŋ fo emi edude ke esit, ye ke ofuri udim fo emi odude ke ufɔt fo, eduɔŋɔ ke esit inyaŋ ke usen iduɔ fo.

EZEKIEL 28:1

NDIEN uyo Jehovah osim mi, ete, Eyen owo, dɔhɔ ɔbɔŋ Tyre, ete,

EZEKIEL 28:20

Edikem uyo Jehovah osim mi, ete,

EZEKIEL 28:21

Eyen owo, wuk iso fo se Zidon, nyuŋ tiŋ prophecy baŋa enye; nyuŋ dɔhɔ ete,

EZEKIEL 29:18

Eyen owo, Nebuchadrezzar edidem Babylon ekesin mbon-ekɔŋ esie enam akwa utom ebaŋa Tyre: kpukpru ibuot ekabare edi ibɔ, kpukpru afara enyuŋ eyaŋade: ndien enye ye mbon-ekɔŋ esie ikwe ŋkpɔ-eyen-utom ke Tyre, nte ekemde ye utom oro enye akanamde abaŋa enye:

EZEKIEL 32:30

Mbon edem edere kpukpru mmɔ do, ye kpukpru mme Zidonian emi eketienede mmɔ oro ekekpaŋade afai, esuhɔre; ndik mmɔ emi okotode ke uko mmɔ esin mmɔ but; ndien mmɔ esuhɔre nte mbon edut ena ye mmɔ oro ekewotde ke ofut, mmɔ enyuŋ ebiom esuene mmɔ ye mmɔ emi esuhɔrede ke obube.

EZEKIEL 39:6

Nyenyuŋ ŋkim ikaŋ ke Magog ye ke kpukpru mmɔ emi eduŋde ke mfre-idem ke mme isuo: ndien mmɔ eyefiɔk ete ke ami ndi Jehovah.