JEREMIAH 25:21 - Edisana ñwed Abasi Ibom

²¹ ye Edom, ye Moab, ye nditɔ Ammon;

JEREMIAH 25:21 ပူးပေါင်းရင်းမြစ်များ

ŊWED MME PSALM 137:7

O Jehovah, ti usen Jerusalem nɔ nditɔ Edom, emi ekedɔhɔde, ete, “Mbufo enam iferi, enam iferi, tutu esim isɔŋ esie.”

ISAIAH 25:10

Koro ubɔk Jehovah eyesuk ana ke obot emi, eyenyuŋ edigi Moab ke itie esie, kpa nte edigide nnyanyaŋa ke mmɔŋ ebube ifum.

JEREMIAH 27:2

Ntem ke Jehovah ɔdɔhɔ mi, ete; Nam uruk ye ɔkpɔnɔ ke idem fo, ndien kɔŋɔ mmɔ ke itɔŋ fo;

JEREMIAH 27:3

ndien sin mmɔ ke ubɔk mme isuŋutom emi edide ke Jerusalem ke ɔtɔ Zedekiah edidem Judah, ete esɔk edidem Edom, ye edidem Moab, ye edidem nditɔ Ammon, ye edidem Tyre, ye edidem Zidon; nyuŋ tobo mmɔ,

JEREMIAH 40:14

Ndien mmɔ edɔhɔ enye, ete, Nte afo ufiɔkke ete ke Baalis, edidem nditɔ Ammon, ɔmɔdɔŋ Ishmael eyen Nethaniah utom, ete ediwot fi? Edi Gedaliah eyen Ahikam inimke uyo mmɔ ke akpanikɔ.

JEREMIAH 48:1

NTEM ke Jehovah mme udim Abasi Israel ɔdɔhɔ abaŋa Moab, ete, Ɔdɔdiɔk ɔnɔ Nebo! koro ebumede enye: enam Kiriathaim but, enyuŋ eda enye: enam edikoŋ ebiet but ye ndik.

JEREMIAH 49:1

EKE nditɔ Ammon. Ntem ke Jehovah ɔdɔhɔ, ete, Nte israel inyeneke nditɔ-iren? Nte enye inyeneke adia-akpa? Nsinam edidem mmɔ adade Gad adia? Nsinam ikɔt esie enyuŋ eduŋde ke mme obio esie?

JEREMIAH 49:7

Eke Edom. Ntem ke Jehovah mme udim ɔdɔhɔ, ete, Nte eti ibuot iduhe aba ke Teman? Nte item amatak ke otu mbon asian?

JEREMIAH 9:26

kpa Egypt, ye Judah, ye Edom, ye nditɔ Ammon, ye Moab, ye kpukpru mmɔ eke efatde ntaŋ-ebek, emi eduŋde ke wilderness: koro kpukpru mme idut edide edut, ofuri ufɔk Israel enyuŋ edi edut ke esit.

EZEKIEL 25:1

EDIKEM uyo Jehovah osim mi, ete, Eyen owo, wuk iso fo se nditɔ Ammon,

EZEKIEL 32:29

Edom mmɔdo ye ndidem esie ye kpukpru mbɔŋ esie, emi ekedade mmɔ ye uko mmɔ enim ye mmɔ emi ekewotde mmɔ ke ofut: mmɔ eyena ye mbon edut, ye mmɔ ŋko emi esuhɔrede ke obube.

AMOS 1:11

Ntem ke Jehovah ɔdɔhɔ, ete, Idiɔk ido Edom ita ye inaŋ iyakke mi ŋkabare enye (ufen) mfep; koro enye akadade ofut ebine eyen-ete esie, onyuŋ ɔduɔk mbɔm, iyaresit esie onyuŋ osuk awai ke nsinsi, enye onyuŋ ɔkɔhɔde ifuresit esie ke nsinsi.

AMOS 1:13

Ntem ke Jehovah ɔdɔhɔ, ete, Idiɔk ido nditɔ Ammon ita ye inan iyakke mi ŋkabare enye (ufen) mfep; koro mmɔ esiakde iban idibi ke Gilead, man esehere adaŋa mmɔ.

AMOS 2:1

NTEM ke Jehovah ɔdɔhɔ, ete, Idiɔk ido Moab ita ye inaŋ iyakke mi ŋkabare enye (ufen) mfep: koro mmɔ ekefɔpde mme ɔkpɔ ndidem Edom enam ndom.

OBADIAH 1:18

Ndien ufɔk Jacob eyedi ikaŋ, ufɔk Joseph eyenyuŋ edi edeme-ikaŋ, ufɔk Esau eyenyuŋ edi mbio, ndien mmɔ eyesak ke esit, enyuŋ eta mmɔ; ndien baba ŋkpɔ kiet idisuhɔke inɔ ufɔk Esau; koro Jehovah ɔdɔhɔ.