JEREMIAH 25:14 - Edisana ñwed Abasi Ibom

¹⁴ Koro ediwak mme idut ye ikpɔ ndidem eyenim kpa mmɔ ke ifin: ndien ami nyesio usiene ye mmɔ nte ekemde ye utom mmɔ ye se ubɔk mmɔ enamde.

JEREMIAH 25:14 ပူးပေါင်းရင်းမြစ်များ

ŊWED MME PSALM 137:8

O adiaha Babylon, emi edisobode; ɔfɔfɔn ɔnɔ enye emi edidade erinam emi afo akanamde nnyin, osio usiene ye afo.

ISAIAH 13:4

Uyom ediwak owo ke ikpɔ obot! ebiet akwa otu owo! uyom ndutime mme idut, ke ebono: Jehovah mme udim ke otim udim ekɔŋ.

ISAIAH 14:2

Ndien mbio-obio eyemen mmɔ eda edi ke ebiet mmɔ: ufɔk Israel eyenyuŋ ada mmɔ enyene ke isɔŋ Jehovah, onim ke ifin iren ye ifin iban: ntre ke mmɔ editaŋ mme mmɔ emi eketaŋde mmɔ efep; enyuŋ ekara mme mmɔ emi eketukde mmɔ.

ISAIAH 66:6

Uyom ndutime oto ke obio! uyo oto ke temple! uyo Jehovah emi osiode usiene ye mme asua esie.

JEREMIAH 27:7

Ndien kpukpru mme idut eyedi ikɔt esie, ye eke eyen esie, ye eke eyeyen esie, tutu ini idut esie ŋko edi: ndien mkpɔsɔŋ mme idut ye ikpɔ ndidem eyenim enye ke ufin.

JEREMIAH 32:19

omokpon ke item, onyuŋ ɔsɔŋ ke utom, emi enyin fo etarade ese kpukpru usuŋ nditɔ owo, ndinɔ kpukpru owo nte ekemde ke usuŋ mmɔ ye utip utom mmɔ:

JEREMIAH 50:41

Sese, idut kiet oto ke edem edere edi; ndien akamba idut ye ikpɔ ndidem eyedemere ke mme utit ererimbot.

JEREMIAH 50:9

Koro, sese, ami mmɔŋ ndemere esop ikpɔ mme idut ke idut edere, nyenyuŋ nda mmɔ ndɔk ntiene Babylon: ndien mmɔ eyetim udim ekɔŋ eŋwana ye enye; mmɔ eke etode ke esit eyeda enye: idaŋ mmɔ eyebiet eke owo uko eke enyenede ikike, enye idifiakke ukpɔk.

JEREMIAH 51:6

Mbufo eto ke ufɔk Babylon efeŋe, enyuŋ ebɔhɔ kiet kiet ke uwem mbufo: mbufo ekutak ke idiɔk ido esie; koro ini usiene Jehovah edi emi; Enye eyenɔ enye utip.

DANIEL 5:28

PERES: emebahare ubɔŋ fo, enyuŋ emen enye enɔ Media ye Persia.

HOSEA 9:7

Mme usen ufen emedi, mme usen usiene emedi; Israel eyefiɔk: prophet edi owo ndisime, owo spirit adama idat, kabaŋa akamba idiɔk ido fo ye akwa usua.