JEREMIAH 25:11 - Edisana ñwed Abasi Ibom

¹¹ Ofuri obio emi eyenyuŋ ekabare edi se esobode enyuŋ ebiatde; ndien mme idut emi eyenam ŋkpɔ edidem Babylon ke ofuri isua ata ye duop.

JEREMIAH 25:11 ပူးပေါင်းရင်းမြစ်များ

2 CHRONICLES 36:20

Ndien enye ataŋ mmɔ eke ofut ɔsuhɔde, ɔnyɔŋ ke Babylon; ndien mmɔ edi ikɔt esie, ye eke nditɔ esie, tutu edidem Persia ada ubɔŋ:

ISAIAH 5:6

ndien nyebiat enye mma: owo idisepke enye, idinyuŋ idiɔŋke; edi akpap ye ŋkukim eyetibe; nyenyuŋ ŋwuk obubit enyɔŋ, nte edim okudep ke esit:

JEREMIAH 25:12

Ndien Jehovah ɔdɔhɔ ete, Ama ekem ke ini isua ata ye duop emi ekurede, nyeda ufen ntiene edidem Babylon, ye idut oro, kpa idut mme Chaldean, mbaŋa idiɔk ido mmɔ, nyenyuŋ nsin enye ke nsinsi ndon.

JEREMIAH 25:38

Enye ɔmɔkpɔŋ mfuhɔ ikɔt esie nte lion: koro isɔŋ mmɔ amakabare edi se mmɔ ebiatde, kabaŋa iyaresit owo ŋkanubɔk, ye ikaŋ iyaresit esie.

JEREMIAH 27:22

Ke eyeda mmɔ eka Babylon, ndien mmɔ eyedu do tutu ekem ke usen eke ndisede mmɔ; ndien nyeda mmɔ ndɔk ndi, nnyuŋ ntɔŋɔ ntak nsin mmɔ ke ebiet emi; Jehovah ɔdɔhɔ.

JEREMIAH 27:7

Ndien kpukpru mme idut eyedi ikɔt esie, ye eke eyen esie, ye eke eyeyen esie, tutu ini idut esie ŋko edi: ndien mkpɔsɔŋ mme idut ye ikpɔ ndidem eyenim enye ke ufin.

JEREMIAH 28:14

Koro ntem ke Jehovah mme udim, Abasi Israel, ɔdɔhɔ, ete, Mmɔkɔŋɔ kpukpru mme idut emi ɔkpɔnɔ ukwak ke itɔŋ, man mmɔ ekabare edi ikɔt Nebuchadnezzar edidem Babylon; ndien mmɔ eyenam ŋkpɔ esie: mmonyuŋ nnɔ enye mme unam ikɔt.

JEREMIAH 29:10

Koro ntem ke Jehovah ɔdɔhɔ, ete, Ke adaŋemi ekemde ke isua ata ye duop ke Babylon, nyedi ndise mbufo, nnyuŋ nnam eti ikɔ mi ɔsɔŋɔ ada ye mbufo, nnyuŋ nda mbufo mfiak ndi ke ebiet emi.

JEREMIAH 4:26

Nse, ndien, sese, eti iŋwaŋ amakabare edi wilderness, kpukpru obio esie enyuŋ ewure ke iso Jehovah, ye ke iso ata ifiopesit esie.

JEREMIAH 4:27

Koro ntem ke Jehovah ɔdɔhɔ ete, Ofuri isɔŋ eyebiara; edi ndinamke mma.

JEREMIAH 43:10

Ntem ke Jehovah mme udim Abasi Israel ɔdɔhɔ, ete, Sese, ami nyedɔŋ ekeda Nebuchadrezzar edidem Babylon owo mi edi, nyenyuŋ ndori ebekpo esie ke enyɔŋ mme itiat emi ndipde; ndien enye eyetat ediye ɔfɔŋ ebekpo esie ke enyɔŋ mmɔ.

JEREMIAH 44:22

Ndien Jehovah ikemeke aba ndiyɔ idiɔk ido mbufo, ye ŋkpɔ mbubiam emi mbufo enamde; ndien isɔŋ mbufo amakabare edi nsobo, ye ndobo, ye isuŋi, ndien owo eke oduŋde iduhe du, kpa nte edide mfin emi.

EZEKIEL 12:19

nyuŋ dɔhɔ mbio edem emi, ete, Ntem ke Ɔbɔŋ Jehovah ɔdɔhɔ mme andiduŋ Jerusalem, ye eke isɔŋ Israel, ete, Mmɔ eyeta uyo mmɔ ke ndik, enyuŋ eŋwɔŋ mmɔŋ mmɔ ke mkpa-idem, man ebɔ enye isɔŋ uyuhɔ esie ebiat, ebaŋa afai kpukpru mmɔ emi eduŋde ke esit.

EZEKIEL 29:11

Ndien ukot owo idisaŋake ke esit ibe, ukot enaŋ idinyuŋ isaŋake ke esit ibe, owo idinyuŋ iduŋke enye ke ofuri isua aba.

EZEKIEL 6:14

Ndien ami nyenyanare ubɔk mi ntuk mmɔ, nnyuŋ nnim isɔŋ ke nsobo, ye ke ndon ŋkan wilderness emi esede Diblah, ke kpukpru ebiet-iduŋ mmɔ; ndien mmɔ eyefiɔk ete ke ami ndi Jehovah.

DANIEL 9:2

Ke akpa isua ubɔŋ esie, ami Daniel nda ŋwed ntim mfiɔk ibat isua emi uyo Jehovah okosimde Jeremiah prophet abaŋa, ete ke ŋwure Jerusalem eyeyɔhɔ isua ata ye duop.

LEVITICUS 26:32

Ami nyenyuŋ nnam isɔŋ odobo; ndien oro eyesin idem akpa mme asua mbufo eke eduŋde ke esit.

MICAH 7:13

Ndien isɔŋ emi eyena ikpikpu abaŋa mme andiduŋ enye, oto ke mfri ido mmɔ.

ZECHARIAH 1:12

Ndien angel ɔbɔrɔ, ete, O Jehovah mme udim, adaŋa didie ke afo udutuaha Jerusalem mbɔm, ye mme obio Judah emi afo ayatde esit ye mmɔ ke ofuri isua ata ye duop emi?

ZECHARIAH 7:5

Dɔhɔ ofuri mbon isɔŋ ye mme oku, ete, Ke ini mbufo etrede udia, enyuŋ etuade ke ɔyɔhɔ ɔfiɔŋ ition, ye ke ɔyɔhɔ ɔfiɔŋ itiaba, ke ofuri isua ata ye duop emi, nte mbufo eketre udia enɔ mi, kpa mi?