JEREMIAH 24:9 - Edisana ñwed Abasi Ibom

⁹ nyeda mmɔ nnɔ ndutuhɔ ye idiɔk-ŋkpɔ ke kpukpru mme idut ererimbot, ke kpukpru ebiet eke ndibinde mmɔ nsin do.

JEREMIAH 24:9 ပူးပေါင်းရင်းမြစ်များ

1 NDIDEM 9:7

ndien nyesibe Israel mfep ke iso isɔŋ emi ŋkɔnɔde mmɔ; ndien ama edi ufɔk emi ŋkonimde nnɔ enyiŋ mi, nyemen enye ke iso mi mfep nduɔk; ndien Israel eyedi ŋkpɔ ikwɔ ye ufiet ke otu kpukpru owo;

2 CHRONICLES 7:20

ndien nyedibere mmɔ mfep ke isɔŋ emi ŋkɔnɔde mmɔ; nyenyuŋ mmen ufɔk emi nnamde nnɔ enyiŋ mi, ke iso mi mfep nduɔk, nnyuŋ nnam enye akabare edi ikwɔ ye ufiet ke otu kpukpru mme idut.

ŊWED MME PSALM 69:11

oro onyuŋ akabare edi se edade esuene mi. Nnyuŋ nda ɔfɔŋ-ikpo nsine ke idem mi; nnyuŋ ŋkabare ndi ufiet mmɔ.

ISAIAH 43:28

Ndien nyesabare ndisana mbɔŋ, nnyuŋ nda Jacob nnɔ nsobo, nda Israel nnɔ nduari.

ISAIAH 65:15

Ndien mbufo eyekpɔŋ enyiŋ mbufo enim ke ŋkpɔ isuŋi enɔ edimek ikɔt mi: ndien Ɔbɔŋ Jehovah eyewot fi, onyuŋ osio ikɔt esiemɔ enyiŋ efen:

JEREMIAH 15:4

Ndien nyeda mmɔ nnɔ kpukpru mme idut ke ererimbot ke se etuhɔde, ke ikɔ Manasseh eyen Hezekiah edidem Judah, mbaŋa se enye akanamde ke Jerusalem.

JEREMIAH 19:8

Ndien nyenim obio emi ke se esobode enyuŋ eside: kpukpru mmɔ eke esaŋade ebe enye eyekpa idem, enyuŋ esi ebaŋa kpukpru ufen esie.

JEREMIAH 25:18

nnɔ Jerusalem, ye mme obio Judah, ye ndidem mmɔ, ye mbɔŋ mmɔ, man nnim mmɔ ke ŋkpɔ ŋwure, ye nsobo, ye nsi, ye isuŋi; kpa nte mfin emi;

JEREMIAH 26:6

ndien nyenam ufɔk emi ebiet Shiloh, nyenyuŋ nnim obio emi ke ŋkpɔ isuŋi nnɔ kpukpru mme idut ererimbot.

JEREMIAH 29:18

Nyenyuŋ nda ofut, ye biɔŋ, ye idiɔk udɔŋɔ mbine mmɔ, nnyuŋ nnim mmɔ ke ŋkpɔ ndutime nnɔ kpukpru mme idut ke ererimbot, ye ke isuŋi, ye ke nsobo, ye ke nsi, ye ke esuene ke otu kpukpru mme idut eke mbinde mmɔ nsin do:

JEREMIAH 29:22

Ndien kpukpru nditɔ Judah oro eketaŋde efep emi edude ke Babylon, eyeda mmɔ ikɔ isuŋi ke idem, ete, “Yak Jehovah osuk onim fi nte Zedekiah, ye nte Ahab emi edidem Babylon ɔkɔfɔpde ke ikaŋ.”

JEREMIAH 34:17

Mmɔdo ntem ke Jehovah ɔdɔhɔ, ete, Mbufo ikopke uyo mi ndikwɔrɔ uwɔrɔ ufin nnɔ nditɔ-ete mbufo ye mbɔhiduŋ mbufo: sese, Jehovah ɔdɔhɔ, ete, Ami mmɔŋ ŋkwɔrɔ ufin nnɔ mbufo nnɔ ofut ye idiɔk udɔŋɔ ye biɔŋ; nyenyuŋ nda mbufo nnɔ man edi se etukde ke kprukpru mme idut ererimbot.

JEREMIAH 42:18

Koro ntem ke Jehovah mme udim Abasi Israel ɔdɔhɔ, ete, Kpa nte ŋkaŋwaŋade iyaresit mi ye ifuresit mi ke idem mme andiduŋ Jerusalem, kpa ntre ŋko ke ndiŋwaŋa mbufo iyaresit mi ke idem, ke mbufo ekade Egypt; ndien mbufo eyekabare edi ŋkpɔ isuŋi, ye nsobo, ye itɔk, ye esuene; idinyuŋ ikwe aba ebiet emi.

JEREMIAH 44:12

nyenyuŋ nda Judah emi esuhɔde, emi ewukde iso mmɔ, ete ika isɔŋ Egypt ikoduŋ do, ndien kpukpru mmɔ eyesobo; ke isɔŋ Egypt ke mmɔ ediduɔŋɔ; eyesobo mmɔ ke ofut ye ke biɔŋ; ŋkpri ye ikpɔ eyekpaŋa ke ofut ye ke biɔŋ; enyuŋ ekabare edi ŋkpɔ isuŋi ye nsobo ye itɔk ye esuene.

JEREMIAH 44:13

Ndien nyeda ufen ntiene mme andiduŋ isɔŋ Egypt, kpa nte ŋkadade ntiene Jerusalem, ke ofut, ye ke biɔŋ, ye ke udɔŋɔ:

JEREMIAH 44:22

Ndien Jehovah ikemeke aba ndiyɔ idiɔk ido mbufo, ye ŋkpɔ mbubiam emi mbufo enamde; ndien isɔŋ mbufo amakabare edi nsobo, ye ndobo, ye isuŋi, ndien owo eke oduŋde iduhe du, kpa nte edide mfin emi.

EZEKIEL 23:46

Koro ntem ke Ɔbɔŋ Jehovah ɔdɔhɔ, ete, Nyeda akwa otu owo ndɔk ntiene mmɔ; nnyuŋ nnɔ mmɔ nte etuk mmɔ, enyuŋ enam mmɔ ŋkpɔ but.

EZEKIEL 25:3

nyuŋ dɔhɔ nditɔ Ammon, ete, Mbufo ekop uyo Ɔbɔŋ Jehovah: ntem ke Ɔbɔŋ Jehovah ɔdɔhɔ ete, Koro afo ɔkɔdɔhɔde Aha, abaŋa edisana ebiet mi, koro esabarede enye; onyuŋ abaŋa isɔŋ Israel, koro amabiara; onyuŋ abaŋa ufɔk Judah, koro eketaŋde mmɔ enyɔŋɔ;

EZEKIEL 26:2

Eyen owo, koro Tyre ɔdɔhɔde abaŋa Jerusalem, ete, Aha! enyin-usuŋ mme idut ɔmɔbuŋɔ enye amakabare etiene mi: ami nyeyuhɔ, enye omosobo.

EZEKIEL 5:8

mmɔdo ntem ke Ɔbɔŋ Jehovah ɔdɔhɔ, ete, Sese, ami, kpa ami, nnam ikɔ ye afo: nyenyuŋ ŋkpe ikpe ye mbufo ke iso mme idut.

DEUTERONOMY 28:25

Jehovah eyenim fi ke iso mme usua fo, ete esuan fi: afo eyewɔrɔ aka ekɔŋ ye mmɔ ke usuŋ kierakiet, ndien eyefehe ke iso mmɔ ke usuŋ itiaba: ndien afo eyedi se kpukpru mme idut ererimbot enukde.

DEUTERONOMY 28:37

Ndien afo eyedi ŋkpɔ mkpa-idem, ye ikwɔ, ye ufiet ke otu kpukpru mme idut eke Jehovah adade fi aka do.