JEREMIAH 24:7 - Edisana ñwed Abasi Ibom

⁷ Ndien nyenɔ mmɔ esit eke ɔfiɔkde mi, ete ke ami ndi Jehovah: ndien mmɔ eyedi ikɔt mi, ami nyenyuŋ ndi Abasi mmɔ: koro mmɔ eyefiak etiene mi ke ofuri esit mmɔ.

JEREMIAH 24:7 ပူးပေါင်းရင်းမြစ်များ

2 CHRONICLES 6:38

ndien edieke mmɔ efiakde etiene fi ke ofuri esit mmɔ, ye ke ofuri ukpɔŋ mmɔ, ke isɔŋ ntaŋ-mfep mmɔ emi eketaŋde mmɔ enyɔŋ, enyuŋ ebɔŋ akam ese isɔŋ mmɔ emi afo ɔkɔnɔde mme ete mmɔ, ye obio emi afo emekde, ye ufɔk emi mbɔpde nnɔ enyiŋ fo:

ŊWED MME PSALM 119:2

Ɔfɔfɔn ɔnɔ mmɔ eke enimde uyo esie, eke eyomde enye ke ofuri esit.

ISAIAH 51:16

Ŋkonyuŋ nsin fi ikɔ mi ke inua, nnyuŋ mfuk fi ke mfut ubɔk mi, man afo eneŋere ikpa-enyɔŋ, onyuŋ owuk isɔŋ ke itie esie, onyuŋ ɔdɔhɔ Zion, ete, Afo edi ikɔt mi.

JEREMIAH 11:4

Kpa se ŋkowukde mme ete mbufo ke usen oro ŋkosiode mmɔ ke isɔŋ Egypt, ke akwa ikaŋ ukwak, nte, Mbufo ekop uyo mi, enyuŋ enam mmɔ, kpa nte asaŋade ye kpukpru se ŋkowukde mbufo: ndien mbufo eyedi ikɔt mi, ndien ami nyedi Abasi mbufo:

JEREMIAH 29:10

Koro ntem ke Jehovah ɔdɔhɔ, ete, Ke adaŋemi ekemde ke isua ata ye duop ke Babylon, nyedi ndise mbufo, nnyuŋ nnam eti ikɔ mi ɔsɔŋɔ ada ye mbufo, nnyuŋ nda mbufo mfiak ndi ke ebiet emi.

JEREMIAH 3:10

Ndien idem ofuri ŋkpɔ emi isinke Judah ama-nsu eyen eka esie aŋwan afiak etiene mi ke ofuri esit esie, edi ke abiaŋa. Emi edi uyo Jehovah.

JEREMIAH 30:22

Emi edi uyo Jehovah. Ndien mbufo eyedi ikɔt mi, ami nyenyuŋ ndi Abasi mbufo.

JEREMIAH 7:23

ibɔhɔke ikɔ emi ke ŋkowuk mmɔ, nte, Mbufo ekop uyo mi, ndien nyedi Abasi mbufo, mbufo eyenyuŋ edi ikɔt mi: ndien mbufo eyesaŋa ke ofuri usuŋ oro ŋkowukde mbufo, man ɔfɔn ye mbufo.

EZEKIEL 11:17

Dɔhɔ, ndien, ete, Ntem ke Ɔbɔŋ Jehovah ɔdɔhɔ, ete, Nditreke nditaŋ mbufo ke otu mme idut, nnyuŋ nsioŋo mbufo ke mme obio emi mbufo esuanade ke otu mmɔ, mbon; nnyuŋ nnɔ mbufo isɔŋ Israel.

EZEKIEL 14:11

Man ufɔk Israel ekukpɔŋ aba mi ediyo, ekunyuŋ eda kpukpru mme idiɔk ido mmɔ esabare idem mmɔ, edi edi ikɔt mi, ami nnyuŋ ndi Abasi mmɔ: emi edi uyo Ɔbɔŋ Jehovah.

EZEKIEL 16:62

Ndien ami nyewuk ediomi mi ye afo; ndien afo eyefiɔk ete ke ami ndi Jehovah:

EZEKIEL 37:23

Idinyuŋ idaha aba ibɔk mmɔ ye ŋkpɔ ndek mmɔ, ye baba mme idiɔk ido mmɔ kiet isabare idem mmɔ: ndien ami nyenyaŋa mmɔ nsio ke kpukpru ebiet iduŋ mmɔ emi mmɔ ekenamde idiɔk ke esit; nnyuŋ nnam mmɔ edi edisana: ndien mmɔ eyedi ikɔt mi, ami nyenyuŋ ndi Abasi mmɔ.

EZEKIEL 37:27

Iduŋ mi eyenyuŋ odu ye mmɔ: ndien ami nyedi Abasi mmɔ, mmɔ eyenyuŋ edi ikɔt mi.

EZEKIEL 39:22

Ndien ufɔk Israel eyefiɔk ete ke ami Jehovah ndi Abasi mmimɔ, ɔtɔŋɔde ke usen oro ye ke nsinsi.

HOSEA 2:22

isɔŋ eyenyuŋ eyere ibokpot ye obufa wine ye aran; ndien mmɔ eyeyere Jezreel.

ZECHARIAH 13:9

Ndien nyeda ɔyɔhɔ ubak ita nsin ke ikaŋ, nnyuŋ nduk mmɔ nte edukde silver, nnyuŋ ndomo mmɔ nte edomode gold: mmɔ eyekot mi enyiŋ, ndien ami nyeyere mmɔ: nyenyuŋ ndɔhɔ mmɔ nte, Mmɔ edi ikɔt mi: ndien mmɔ eyedɔhɔ, ete, Jehovah edi Abasi mi.

ZECHARIAH 8:8

ndien mmɔ eyeduŋ ke ufɔt Jerusalem: ndien mmɔ eyedi ikɔt mi, ami nyenyuŋ ndi Abasi mmɔ ke akpanikɔ ye ke edinen ido.

ŊWED MBON ROME 6:17

Edi ekɔm enyene Abasi, koro mbufo, emi ekedide ifin idiɔk-ŋkpɔ, emada ofuri esit esuk ibuot enɔ oruk erikpep emi ekeyakde mbufo esin ke esit;

MME HEBREW 11:16

Edi ke emi mmɔ eyom isɔŋ eke ɔfɔnde akan, oro edi, isɔŋ eke odude ke heaven. Mmɔdo inamke Abasi but ndikere Abasi mmɔ; koro Enye ama ebeŋe Obio ɔnɔ mmɔ.

MME HEBREW 8:10

Koro Jehovah ɔdɔhɔ ete, Emi edi ediomi eke ndinamde ye Ufɔk Israel, Ke mme usen oro ema ebe. Nyesin mbet Mi ke esit mmɔ, Nyenyuŋ ŋwet Mmɔ ke ɔwɔŋesit mmɔ ŋko; Ndien nyedi Abasi mmɔ, Mmɔ eyenyuŋ edi ikɔt Mi:

1 SAMUEL 7:3

Ndien Samuel ɔdɔhɔ ofuri ufɔk Israel, ete, Edieke mbufo ekabarede etiene Jehovah ke ofuri esit mbufo, esioŋe ndien isen abasi mme Ashtaroth ke otu mbufo efep, enyuŋ ewuk esit mbufo etiene Jehovah, enyuŋ enam ŋkpɔ enɔ enye ikpɔŋ-ikpɔŋ: ndien enye eyenyaŋa mbufo osio mme Philistine ke ubɔk.