JEREMIAH 24:10 - Edisana ñwed Abasi Ibom

¹⁰ Nyenyuŋ ndɔŋ ofut, ye biɔŋ, ye idiɔk udɔŋɔ etiene mmɔ, tutu mmɔ etaha ekure ke isɔŋ emi ŋkɔnɔde mmɔ ye mme ete mmɔ.

JEREMIAH 24:10 ပူးပေါင်းရင်းမြစ်များ

1 NDIDEM 14:15

Ndien Jehovah eyenuak Israel, kpa nte mmɔŋ enyeŋede nnyanyaŋa, enye eyenyuŋ edibere Israel efep ke eti isɔŋ emi enye ɔkɔnɔde mme ete mmɔ, onyuŋ asuan mmɔ ke edem akpa oko: koro mmɔ enamde eto-mkpe, ke eyat Jehovah esit.

ISAIAH 51:19

Ŋkpɔ iba oro emesim fi: anie editua fi mbɔm? nditaha ye nsobo, ye akaŋ ye ofut: nnam didie ndɔŋ fi esit?

JEREMIAH 14:12

Ke ini mmɔ etrede udia, ami ndikopke eseme mmɔ; ndien ke ini mmɔ ewade edifɔp uwa ye inuak-udia, ami ndibɔhɔ mmɔ: koro nyesobo mmɔ ke ofut, ye ke akaŋ, ye ke idiɔk udɔŋɔ.

JEREMIAH 15:2

Ndien ama ekem, ke mmɔ edidɔhɔde fi, ete, Nnyin idiwɔŋɔ ika mmɔŋ? Dɔhɔ mmɔ ndien, ete, Ntem ke Jehovah ɔdɔhɔ, ete, Mmɔ emi enimde mmɔ enɔ mkpa, ewɔŋɔ eka mkpa, ye mmɔ emi enimde mmɔ enɔ ofut, ewɔŋɔ eka ofut, ye mmɔ eke akaŋ eka akaŋ, ye mmɔ eke ntaŋ-mfep, yak etaŋ mmɔ efep.

JEREMIAH 16:4

mmɔ eyekpaŋa udɔŋɔ mkpa; idituaha mmɔ, idinyuŋ ibukke mmɔ; mmɔ eyekabare edi ifum ke iso isɔŋ: eyetak ke ofut, ye ke biɔŋ; mme okpo mmɔ eyenyuŋ edi udia inuen enyɔŋ, ye eke mme unam ikɔt.

JEREMIAH 19:7

Ndien nyesuan uduak Judah ye eke Jerusalem ke ebiet emi, nnyuŋ nnam mmɔ eduɔŋɔ ke ofut ke iso mme asua mmɔ, ye ke ubɔk mmɔ eke eyomde uwem mmɔ: nyenyuŋ nda mme okpo mmɔ nnɔ inuen enyɔŋ ye mme unam isɔŋ eta.

JEREMIAH 21:9

Owo eke editiede ke obio emi eyekpa ke ofut, ye ke biɔŋ, ye ke udɔŋɔ: edi owo eke ɔwɔrɔde akadian idem ye mme Chaldean emi ekande mbufo ekuk, eyedu uwem, onyuŋ ada uwem esiemɔ ke mbume.

JEREMIAH 27:8

Ndien ama edi idut ye obio eke midinyimeke ndinam ŋkpɔ nnɔ enye, kpa Nebuchadnezzar edidem Babylon, ye eke midinyimeke ndisin itɔŋ mmɔ ke ɔkpɔnɔ edidem Babylon, ami nyeda ofut, ye biɔŋ, ye idiɔk udɔŋɔ nnɔ idut oro ufen, tutu mma mmɔ ke ubɔk esie; emi edi uyo Jehovah.

JEREMIAH 29:17

ntem ke Jehovah mme udim ɔdɔhɔ, ete, Sese, ami mmɔŋ ndɔŋ ofut ye biɔŋ ye udɔŋɔ utom ke otu mmɔ, nnyuŋ nnim mmɔ ke mme idiɔk fig eke mikemeke ndidia, koro ediɔkde.

JEREMIAH 29:18

Nyenyuŋ nda ofut, ye biɔŋ, ye idiɔk udɔŋɔ mbine mmɔ, nnyuŋ nnim mmɔ ke ŋkpɔ ndutime nnɔ kpukpru mme idut ke ererimbot, ye ke isuŋi, ye ke nsobo, ye ke nsi, ye ke esuene ke otu kpukpru mme idut eke mbinde mmɔ nsin do:

JEREMIAH 32:24

Sese, mme ibombom emesim obio, man mmɔ eda enye: ndien emen obio esin ke ubɔk mme Chaldean, emi eŋwanade ekɔŋ ye enye ke ofut ye ke biɔŋ ye ke udɔŋɔ: ndien se afo ɔkɔdɔhɔde omosu: ndien, sese, afo omokut.

JEREMIAH 32:25

Edi, O Ɔbɔŋ Jehovah, afo ɔkɔdɔhɔ mi, ete, Dep iŋwaŋ ke idem fo ke okuk, nyuŋ kot ntiense edi, ndien emeda obio emi esin mme Chaldean ke ubɔk.

JEREMIAH 34:17

Mmɔdo ntem ke Jehovah ɔdɔhɔ, ete, Mbufo ikopke uyo mi ndikwɔrɔ uwɔrɔ ufin nnɔ nditɔ-ete mbufo ye mbɔhiduŋ mbufo: sese, Jehovah ɔdɔhɔ, ete, Ami mmɔŋ ŋkwɔrɔ ufin nnɔ mbufo nnɔ ofut ye idiɔk udɔŋɔ ye biɔŋ; nyenyuŋ nda mbufo nnɔ man edi se etukde ke kprukpru mme idut ererimbot.

JEREMIAH 42:17

Ndien ama ekem, kpukpru owo eke ekewukde iso mmɔ, ete ika Egypt ndiduŋ do, eyekpaŋa ke ofut, ye ke biɔŋ, ye ke udɔŋɔ; ndien baba owo mmɔ kiet idisuhɔke, idinyuŋ ibɔhɔke idiɔk-ŋkpɔ eke ami ndidade ntiene mmɔ.

JEREMIAH 42:22

Mbufo efiɔk, ndien, ete ke mbufo eyekpa ke ofut, ye ke biɔŋ, ye ke udɔŋɔ, ke ebiet emi mbufo eyomde ndika ŋkoduŋ do.

JEREMIAH 5:12

Mmɔ emekaŋ Jehovah, enyuŋ edɔhɔ, ete; “Enye iduhe du; idiɔk-ŋkpɔ idinyuŋ isimke nnyin; nnyin idinyuŋ ikwe ofut ye akaŋ.

JEREMIAH 9:15

mmɔdo ntem ke Jehovah mme udim, Abasi Israel ɔdɔhɔ, ete, Sese, ami nyenɔ mbio emi ndot-ndot ikɔŋ eta, nnyuŋ nnɔ mmɔ mmɔŋ etidot eŋwɔŋ.

JEREMIAH 9:16

Ndien nyesuan mmɔ ke otu mme idut, eke mmɔ ye mme ete mmɔ mikɔfiɔkke, nyenyuŋ ndɔŋ ofut utom, nte ebine mmɔ, tutu nsobo mmɔ mma.

EZEKIEL 33:27

Dɔhɔ mmɔ ntem, ete, Ntem ke Ɔbɔŋ Jehovah ɔdɔhɔ ete, Ma uwem mi, mme mmɔ emi edude ke ndon eyeduɔŋɔ ke ofut, ndien nyeda mmɔ eke edude ke iso isɔŋ nnɔ mme unam ikɔt eta, ndien mmɔ eke edude ke mkpɔsɔŋ ebiet ye ke aba itiat eyekpaŋa ke idiɔk udɔŋɔ.

EZEKIEL 6:11

Ntem ke Ɔbɔŋ Jehovah ɔdɔhɔ ete, Da ubɔk fo tuak, nyuŋ digi ke ukot fo, nyuŋ dɔhɔ, ete, Ah, baŋa kpukpru mme idiɔk mbubiam ufɔk Israel, emi ediduɔŋɔde ke ofut ye ke biɔŋ, ye ke idiɔk udɔŋɔ;

EZEKIEL 7:15

Ofut odu ke esien, udɔŋɔ ye biɔŋ enyuŋ edu ke esit ufɔk: owo eke odude ke iŋwaŋ eyekpa ke ofut; biɔŋ ye idiɔk udɔŋɔ eyenyuŋ eta mmɔ eke edude ke obio.

DEUTERONOMY 28:21

Jehovah eyenam idiɔk udɔŋɔ eyire fi, tutu enye osobo fi efep ke isɔŋ emi afo akade do ndida enye nnyene.

ERIYARARE 6:8

Ndien ŋkut, ndien sese, ntɔŋ-ntɔŋ enaŋ-mbakara, ye andidoro enye ke edem, emi enyiŋ esie ekerede Mkpa; obio ekpo onyuŋ etiene enye ke edem. Ndien enɔ mmɔ odudu ke ubak isɔŋ kiet ke itie inaŋ, ete, eda ofut, ye akaŋ, ye idiɔk udɔŋɔ, ye mme unam ikɔt, ewot mmɔ.