JEREMIAH 23:8 - Edisana ñwed Abasi Ibom

⁸ edi eyedɔhɔ ete, Ma uwem Jehovah emi okosiode ubon ufɔk Israel efep ke isɔŋ edere, ye ke kpukpru mme idut eke ŋkebinde mmɔ nsin do, ada ɔdɔk; ndien mmɔ eyeduŋ ke isɔŋ mmɔ.

JEREMIAH 23:8 ပူးပေါင်းရင်းမြစ်များ

ISAIAH 11:11

Ndien ama ekem ke usen oro, Ɔbɔŋ eyetɔŋɔ ntak esin ubɔk afak nsuhɔ ikɔt esie, emi Asshur, ye Egypt, ye Pathros, ye Cush, ye Elam, ye Shinar, ye Hamath, ye mme isuo inyaŋ esuhɔde.

ISAIAH 14:1

KORO Jehovah eyedɔŋ Jacob esit, onyuŋ ɔtɔŋɔ ntak emek Israel, onyuŋ onim mmɔ ke isɔŋ mmɔ: ndien isen owo eyedian idem ye mmɔ, enyuŋ esop idem mmɔ ye ufɔk Jacob.

JEREMIAH 16:14

Jehovah ɔdɔhɔ, ete, Sese, oro esin usen edi eke mididɔhɔke aba, ite “Ma uwem Jehovah emi akadade nditɔ Israel ke isɔŋ Egypt ɔdɔk”;

JEREMIAH 16:15

Edi, “ma uwem Jehovah emi akadade nditɔ Israel ke edem edere, ye ke kpukpru mme idut eke enye ekebinde mmɔ, ɔdɔk”: ndien nyeda mmɔ mfiak ke isɔŋ mmɔ emi ŋkɔnɔde mme ete mmɔ.

JEREMIAH 23:3

Ndien ami nyetaŋ ufene mi emi esuhɔde ke kpukpru mme idut eke mbinde mmɔ nsin do, mbon, nyenyuŋ nda mmɔ mfiak ke ebiet nna mmɔ; ndien mmɔ eyetɔt enyuŋ ewak.

JEREMIAH 29:14

Jehovah ɔdɔhɔ, ete, Mbufo eyenyuŋ ekut mi; ndien ami nyeyak mbufo eto ke itie mbuot-ekɔŋ enyɔŋ edi, nnyuŋ ntaŋ mbufo ke kpukpru mme idut, ye ke kpukpru ebiet eke mbinde mbufo nsin do, ndibon, Jehovah ɔdɔhɔ; nyenyuŋ nda mbufo mfiak ndi ke ebiet eke ŋkayakde mmɔ etaŋ mbufo ke esit efep.

JEREMIAH 30:10

Jehovah onyuŋ ɔdɔhɔ, ete, Afo owo mi Jacob, kufehe ndik; Israel, kunyuŋ ukpa idem: koro sese, ami nyenyaŋa fi nsio ke anyan idut, nnyuŋ nsio ubon fo ke isɔŋ oro etaŋde mmɔ eka; ndien Jacob eyefiak, onyuŋ etie suŋ ke ifure, baba owo kiet idinyuŋ inamke enye edikhe.

JEREMIAH 30:3

Koro, sese, ini ke edi, Jehovah ɔdɔhɔ, ndien nyeda ikɔt mi Israel ye Judah emi eketaŋde efep mfiak ndi, Jehovah ɔdɔhɔ: nyenyuŋ nda mmɔ nnyɔŋ ndi ke isɔŋ emi ŋkɔnɔde mme ete mmɔ, ndien mmɔ eyeda enye enyene.

JEREMIAH 31:8

Sese, ami nyeda mmɔ ke edem edere ndi, nnyuŋ ntaŋ mmɔ ke ŋkaŋ ererimbot mbon, nnan, ye mbuŋɔ, ye oyomo idibi, ye aŋwan uman ɔtɔ kiet: akwa udim eyefiak edi ken.

JEREMIAH 32:37

sese, ami nyetaŋ mmɔ ke kpukpru mme idut emi ŋkebinde mmɔ nsin do, ke iyaresit mi, ye ke ifuresit mi, ye ke akwa ikpahesit, mbon; ndien nda mmɔ mfiak ke ɔtɔ emi, nnyuŋ nyak mmɔ eduŋ ke ifure.

JEREMIAH 8:3

Ndien kpukpru mmɔ efen eke edisuhɔde ke idiɔk ubon emi, eyemek mkpa ekan uwem ke kpukpru ebiet eke ndibinde mmɔ eke esuhɔde nsin do: uyo Jehovah mme udim edi emi.

EZEKIEL 28:25

Ntem ke Ɔbɔŋ Jehovah ɔdɔhɔ ete; Ke ini emi ntaŋde ufɔk Israel mfep ke mme idut emi mmɔ ekesuanade ke otu mmɔ, ke mmɔ enyuŋ enimde mi ke edisana ke enyin mme idut, ndien mmɔ eyeduŋ ke isɔŋ mmɔ emi ŋkadade nnɔ owo mi Jacob.

EZEKIEL 34:13

Ndien nyesio mmɔ ke otu mme idut nnyuŋ ntaŋ mmɔ ke obio mbon, nnyuŋ nda mmɔ ndi ke isɔŋ mmɔ, ndien nyebɔk mmɔ ke ikpɔ obot Israel, ke mben udiɔŋ mmɔŋ, ye ke kpukpru ebiet iduŋ isɔŋ.

EZEKIEL 36:24

Nyenyuŋ mmen mbufo mfep ke mme idut, nnyuŋ ntaŋ mbufo ke kpukpru mme obio; ndien nda mbufo ndi ke isɔŋ mbufo

EZEKIEL 36:35

Ndien mmɔ eyedɔhɔ, ete, Isɔŋ emi akabiarade akabare ebiet iŋwaŋ Eden; ndien mme obio ŋko emi ekesobode enyuŋ ebiarade, enyuŋ ewurede, emekabare enyene ibibene, owo enyuŋ eduŋ mmɔ.

EZEKIEL 37:25

Ndien mmɔ eyeduŋ ke isɔŋ emi ŋkɔnɔde owo mi Jacob, emi mme ete mbufo ekeduŋde ke esit; ndien mmɔ eyeduŋ ke esit, kpa mmɔ ye nditɔ mmɔ ye nditɔ nditɔ mmɔ ke nsinsi:

EZEKIEL 39:28

Ndien mmɔ eyefiɔk ete ke ami ndi Jehovah Abasi mmɔ, koro ŋkayakde etaŋ mmɔ efep enɔ mme idut: ndien mmataŋ mbon ke isɔŋ mmɔ, nnyuŋ ŋkpɔŋke aba owo mmɔ ndomo kiet do.

JOEL 3:7

Sese, nyedemere mmɔ ke ebiet emi mbufo ekenyamde mmɔ do mfep, nnyuŋ nda usiene mbufo ndori mbufo ke ibuot:

MICAH 7:15

Kpa nte usen emi afo okotode ke Egypt ke ndiwut enye mme utibe ŋkpɔ.

ZEPHANIAH 3:20

Ke ini oro nyeda mbufo nduk, kpa ke ini emi nditaŋde mbufo mbon; koro nyenim fi ke etop ye ke itoro ke otu kpukpru mme idut ke ererimbot, ke ini emi ndidade mbufo emi edide mbuot-ekɔŋ mfiak ndi, ke enyin mbufo; Jehovah ɔdɔhɔ.