JEREMIAH 23:6 - Edisana ñwed Abasi Ibom

⁶ Ke eyo esie ke edinyaŋa Judah, Israel eyenyuŋ oduŋ ke ifure: ndien emi edi enyiŋ eke edisiode enye, JEHOVAH EDINEN IDO NNYIN.

JEREMIAH 23:6 ပူးပေါင်းရင်းမြစ်များ

1 NDIDEM 4:25

Ndien Judah ye Israel eduŋ ke ifure, kpukpru owo ke idak vine mmɔ ye eto fig mmɔ, ɔtɔŋɔde ke Dan tutu osim ke Beer-sheba, ke ofuri eyo Solomon.

ŊWED MME PSALM 45:5

Idaŋ fo emesɔbɔ, mme idut eduɔŋɔ fi ke idak; (idaŋ fo) emeduk mme asua edidem ke esit.

EXODUS 9:26

Edi edim itiat oro ikoduhe ke isɔŋ Goshen, emi nditɔ Israel edude do.

ISAIAH 2:4

Ndien enye eyekpe ikpe ke otu mme idut, onyuŋ ebiere ikɔ ɔnɔ ediwak obio: ndien mmɔ eyeda ofut mmɔ edom ŋkpɔ ufuŋ isɔŋ, eda eduat mmɔ edom ikwa udiɔŋ vine: idut idimenke ofut itiene idut, mmɔ idinyuŋ ikpepke aba ekɔŋ.

ISAIAH 32:1

SESE, edidem kiet eyekama obio nte enende; ama edi mbɔŋ, mmɔ ŋko eyeda ubɔŋ ke eti ido.

ISAIAH 32:18

Ndien ikɔt mi eyeduŋ ke ufɔk emem, ye ke iduŋ ifure, ye ke ebiet nduɔk-odudu eke edide suŋ-suŋ;

ISAIAH 33:22

Koro Jehovah edide ebierikpe nnyin, Jehovah edi owuk-ewuhɔ nnyin, Jehovah edi edidem nnyin, enye eyenyaŋa nnyin.

ISAIAH 33:5

Jehovah emenere ke enyɔŋ: koro enye oduŋde ke edikoŋ ebiet: enye amada ikpe ye edinen ido ɔyɔhɔ ke Zion.

ISAIAH 35:9

Lion ididuhe do, idiɔk unam idinyuŋ idɔkke ke esit, idikwe enye do; edi mmɔ eke efakde mmɔ eyesaŋa do:

ISAIAH 42:6

Ami Jehovah mmokot fi ke edinen ido, nyenyuŋ mmum fi ubɔk ŋkama, nnyuŋ ŋkpeme fi, nnyuŋ nnim fi ke ediomi mbio-obio, ye ke uŋwana mme idut;

ISAIAH 45:17

Jehovah anyaŋa Israel nsinsi erinyaŋa: but ye esuene idinamke mmɔ ke nsinsi-nsinsi.

ISAIAH 54:17

Baba ŋkpɔ ekɔŋ kiet eke ebotde ebaŋa fi idikwe unen; afo eyenyuŋ anam ikɔ otip kpukpru edeme eke edahade eda enam ikɔ ye afo. Jehovah ɔdɔhɔ ete, Emi edi udeme ikɔt Jehovah, edinen ido mmɔ onyuŋ oto ye ami.

ISAIAH 7:14

Mmɔdo Ɔbɔŋ ke idem esie ɔnɔde mbufo idiɔŋɔ: sese, eyenɔwɔŋ aŋwan oyomo, onyuŋ aman eyen eren, onyuŋ osio enye enyiŋ IMMANUEL.

ISAIAH 9:6

Koro eyen amanade ɔnɔ nnyin, enɔ nnyin eyen-eren: ubɔŋ onyuŋ odoro enye ke afara; enyuŋ esio enye enyiŋ, Utibe, Ɔnɔ-item, Ɔkpɔsɔŋ Abasi, Nsinsi Ete, Ɔbɔŋ Emem.

JEREMIAH 29:11

Koro ami mmɔfiɔk ekikere emi ŋkerede mbaŋa mbufo, Jehovah ɔdɔhɔ, ekikere emem, idige eke idiɔk, man nnɔ mbufo utit ye idorienyin.

JEREMIAH 30:10

Jehovah onyuŋ ɔdɔhɔ, ete, Afo owo mi Jacob, kufehe ndik; Israel, kunyuŋ ukpa idem: koro sese, ami nyenyaŋa fi nsio ke anyan idut, nnyuŋ nsio ubon fo ke isɔŋ oro etaŋde mmɔ eka; ndien Jacob eyefiak, onyuŋ etie suŋ ke ifure, baba owo kiet idinyuŋ inamke enye edikhe.

JEREMIAH 31:23

Ntem ke Jehovah mme udim Abasi Israel ɔdɔhɔ, ete, Mmɔ eyesuk edɔhɔ ikɔ emi ke isɔŋ Judah, ye ke mme obio esie, ke ini ndidade mmɔ ke itie-mbuot-ekɔŋ mfiak ndi, ete, Jehovah osuk ɔdiɔŋ fi, O iduŋ eti ido, O edisana obot.

JEREMIAH 32:37

sese, ami nyetaŋ mmɔ ke kpukpru mme idut emi ŋkebinde mmɔ nsin do, ke iyaresit mi, ye ke ifuresit mi, ye ke akwa ikpahesit, mbon; ndien nda mmɔ mfiak ke ɔtɔ emi, nnyuŋ nyak mmɔ eduŋ ke ifure.

JEREMIAH 33:15

Ke mme usen oro, ye ke ini oro, ke ndinam edinen nsehe otibe ɔnɔ David; ndien enye eyenam edinen ikpe ke ererimbot.

JEREMIAH 33:16

Ke mme usen oro ke edinyaŋa Judah, Jerusalem eyenyuŋ oduŋ ke ifure; ndien emi edi se edikotde enye, JEHOVAH ETI IDO NNYIN.

EZEKIEL 21:27

Nyeyut, nyeyut, nyeyut enye ŋkabare nnim: emi idinyuŋ iduhe, tutu enye emi edikpede ikpe edi; ndien nyeda nnɔ enye.

EZEKIEL 28:26

Ndien mmɔ eyeduŋ ke esit ke ifure, enyuŋ ebɔp ufɔk, enyuŋ etɔ iŋwaŋ-vine, enyuŋ eduŋ ke ifure, ke ini ndinamde ikpe ye kpukpru mmɔ eke etode ke ŋkan-ŋkuk ese mmɔ ke ndek; ndien mmɔ eyefiɔk ete ke ami ndi Jehovah Abasi mmɔ.

EZEKIEL 38:14

Enyen owo, tiŋ ndien prophecy, nyuŋ dɔhɔ Gog, ete, Ntem ke Ɔbɔŋ Jehovah ɔdɔhɔ, ete, Nte afo udufiɔkke ke usen eke ikɔt mi Israel ediduŋde ke ifure?

EZEKIEL 48:35

Enye edi tɔsin eto idomo-okuk efureta akan okuk. Ndien toto ke usen oro enyiŋ obio eyekere, ete, JEHOVAH-SHAMMAH (JEHOVAH ODU DO).

DANIEL 9:24

Edori urua ata ye duop ebaŋa oruk fo, ye edisana obio fo, eke edinamde ndudue okure, edinyuŋ emade idiɔk ido, enyuŋ esiode isop ukwaŋ-ŋkpɔ efep, eke enyuŋ edade nsinsi edinen iso eduk, enyuŋ enimde seal ke ŋkukut ye prophecy, enyuŋ eyetde Ata Edisana ke aran.

DANIEL 9:7

O Ɔbɔŋ, edinen ido enyene fi, edi but iso enyene nnyin kpa nte mfin emi, enyene mbio Judah, ye mme andiduŋ Jerusalem, ye ofuri Israel mkpet-mkpet ye nsan-nsan, ke kpukpru mme idut eke afo ekebinde mmɔ eka do, ebaŋa mme idiɔk ido emi ekenamde ye afo.

HOSEA 1:11

Ndien nditɔ Judah ye nditɔ Israel eyesop idem ɔtɔ kiet, enyuŋ enim etubom kiet ke idem mmɔ, ndien eto ke isɔŋ edɔk: koro usen Jezreel eyekpon.

HOSEA 1:7

Edi nyetua ufɔk Judah mbɔm, nyenyuŋ nda Jehovah Abasi mmɔ nnyaŋa mmɔ, edi ndidaha utiga, ye ofut, ye ekɔŋ, ye horse, ye mbon horse nnyaŋa mmɔ.

HOSEA 2:18

Ndien ke usen oro ke ndidiomi ediomi ye unam-ikɔt, ye inuen enyɔŋ, ye ɔnyɔni isɔŋ, nnɔ mmɔ; nyenyuŋ mbuŋ utiga ye ofut ye ekɔŋ ke isɔŋ mfep, nnyuŋ nyak mmɔ ena ke isɔŋ ke ifure.

OBADIAH 1:17

Edi ubɔhɔ eyedu ke obot Zion, enye eyenyuŋ edi edisana; ufɔk Jacob eyenyuŋ eda udeme mmɔ.

OBADIAH 1:21

Ndien mbon eke enyaŋade eyedɔk ke obot Zion, edikpe ikpe obot Esau, ndien Jehovah eyeda ubɔŋ.

ZEPHANIAH 3:13

Ubak Israel emi ɔsuhɔde idinamke ukwaŋ-ŋkpɔ, idinyuŋ isuhe nsu: owo idinyuŋ ikwe edeme abiaŋa ke inua mmɔ: koro mmɔ eyedia ŋkpɔ enyuŋ esuhɔre ena, ndien baba owo kiet eke anamde mmɔ ndik ididuhe.

ZECHARIAH 10:6

Nyenyuŋ nnam ufɔk Judah ɔsɔŋ, nnyuŋ nyaŋa ufɔk Joseph, nnyuŋ nyak mmɔ eduŋ: koro mmatua mmɔ mbɔm: ndien mmɔ eyetie kpa nte ŋkpɔ eke mmeŋkemenke mmɔ nduɔk: koro ami ndide Jehovah Abasi mmɔ, ami nyenyuŋ nyere mmɔ.

ZECHARIAH 3:10

Jehovah mme udim ɔdɔhɔ, ete, Ke usen oro mbufo kpukpru eyekot mbɔhiduŋ mbufo ke idak vine ye ke idak eto fig.

ŊWED MBON ROME 3:22

edi edinen ido eke Abasi, emi otode ke mbuɔtidem ke Jesus Christ, osim kpukpru owo emi enimde ke akpanikɔ. Koro ubahare iduhe ke otu owo:

1 ŊWED CORINTH 1:30

Edi mbufo edi ubon emi Enye okobonde ke Christ Jesus, emi Abasi akanamde akabare edi ifiɔk ɔnɔ nnyin, kpa edinen-ido, ye erikabare-ndi-edisana, ye uwɔrɔ-ufin;

2 ŊWED CORINTH 5:21

Abasi akanam Enye emi mikɔfiɔkke idiɔk-ŋkpɔ akabare edi idiɔk-ŋkpɔ ke ntak nnyin; man nnyin ikabare idi edinen ido Abasi ke Enye.

ŊWED MBON PHILIPPI 3:9

man mbɔ Christ nda nnyene, enyuŋ ekut ete ndu ke Enye, ke mmenyeneke edinen ido idem mi eke otode ke erinim ibet, edi edinen ido eke otode ke eribuɔt idem ye Christ, kpa edinen ido emi Abasi ɔnɔde kabaŋa mbuɔtidem;