JEREMIAH 23:39 - Edisana ñwed Abasi Ibom

³⁹ ami nyefre mbufo tak-tak nnyuŋ nsio mbufo ye obio emi ŋkɔnɔde mbufo ye mme ete mbufo ke iso mi nduɔk:

JEREMIAH 23:39 ပူးပေါင်းရင်းမြစ်များ

GENESIS 4:16

Ndien Cain ɔwɔrɔ ɔkpɔŋ iso Jehovah, aka okoduŋ ke isɔŋ Nod, ke edem Eden emi utin asiahade.

GENESIS 6:17

Ndien, sese, ami mmɔn nnam ukwɔ mmɔn edi ke isɔŋ, edisobo kpukpru obuk owo emi ibifik uwem odude mmɔ ke esit, ke idak enyɔŋ efep; kpukpru se idude ke isɔŋ eyekpa.

2 NDIDEM 23:27

Jehovah onyuŋ ɔdɔhɔ, ete, Nyemen Judah ŋko ke iso mi mfep, kpa nte ŋkemende Israel mfep, nyenyuŋ mmen obio emi ŋkemekde, kpa Jerusalem, ye ufɔk emi ŋkɔdɔhɔde, nte ke enyiŋ mi edidu do, nduɔk.

ŊWED MME PSALM 51:11

Kumen mi ke iso fo uduɔk; kunyuŋ ubɔ mi edisana spirit fo.

MME ŊKE 13:13

Owo eke esede ikɔ (Abasi) ke ndek eyebiat idem esie: edi owo eke efehede mbet eyetie ke emem.

ISAIAH 48:15

Ami, kpa ami, ŋkɔdɔhɔ; ŋkot enye edi ŋko: nda enye ndi, ndien enye okut unen ke usuŋ esie.

ISAIAH 51:12

Ami, ami, ndi enye emi ndɔŋde mbufo esit: afo edi anie eke ekpefehede owo emi edikpade, efehe eyen owo emi edinimde enye nte mbiet;

JEREMIAH 12:7

Mmɔkpɔŋ ufɔk mi, mmemen udeme mi nduɔk; mmada enye emi ukpɔŋ mi amade nsin mme asua esie ke ubɔk.

JEREMIAH 23:33

Ndien ke ini mbio-obio emi edide prophet, onyuŋ edide oku, edibupde fi, ete, Nsidi uyo Jehovah? Dɔhɔ mmɔ, ndien, ete, Nso uyo? Ŋkɔm nyekpɔŋ mbufo: Jehovah ɔdɔhɔ.

JEREMIAH 23:38

Ndien edieke mbufo edidɔhɔde, ete, “Uyo Jehovah”: mmɔdo ntem ke Jehovah ɔdɔhɔ ete, Koro mbufo edɔhɔde ikɔ emi, ete, Uyo Jehovah; ndien ami ndɔŋ ekedɔhɔ mbufo, ete, Mbufo ekudɔhɔ ete, Uyo Jehovah; mmɔdo, sese,

JEREMIAH 35:17

mmɔdo ntem ke Jehovah Abasi mme udim Abasi Israel ɔdɔhɔ, ete, Sese, ami mmɔŋ nda ofuri idiɔk ŋkpɔ emi ŋkɔdɔhɔde mbaŋa mmɔ, ntiene Judah ye kpukpru mme andiduŋ Jerusalem: koro mma ndɔhɔ ye mmɔ, ndien mmɔ ikopke: mma nnyuŋ ŋkot mmɔ, ndien mmɔ iyereke.

JEREMIAH 36:31

Nyenyuŋ nnɔ enye ye ubon esie ye ikɔt esie ufen idiɔk ido mmɔ; nnyuŋ ntiene mme andiduŋ Jerusalem ye mbio Judah ndinam mmɔ ofuri idiɔk-ŋkpɔ emi ŋke-tiŋde nnɔ mmɔ, ndien mmɔ ikopke.

JEREMIAH 52:3

Koro osude ntre ye Jerusalem ye Judah abaŋa iyaresit Jehovah, tutu enye emen mmɔ ke iso esie ɔduɔk. Ndien Zedekiah ɔsɔŋ ibuot ye edidem Babylon.

JEREMIAH 7:14

mmɔdo nyenam ye ufɔk emi ekerede enyiŋ mi, emi mbufo ebuɔtde idem ke esit, nyenyuŋ nnam ye ebiet emi ŋkɔnɔde mbufo ye mme ete mbufo, kpa nte ŋkanamde ye Shiloh.

JEREMIAH 7:15

Nyenyuŋ mmen mbufo ke iso mi nduɔk, kpasuk nte ŋkɔduɔkde kpukpru nditɔ-ete mbufo, kpa ofuri ubon Ephraim.

ŊWED ESEME 5:20

Nsinam afo efrede nnyin ke nsinsi? Nsinyuŋ inam afo ɔkpɔŋde nnyin ke anyan ini?

EZEKIEL 34:11

Koro ntem ke Ɔbɔŋ Jehovah ɔdɔhɔ ete; Se mi, ami nyeyom ufene mi, nnyuŋ nduŋɔ mmɔ.

EZEKIEL 34:20

Mmɔdo ntem ke Ɔbɔŋ Jehovah ɔdɔhɔ mmɔ, ete, Se mi, ami nyekpe ikpe ke ufɔt erɔŋ eke esehede ye erɔŋ eke ɔdiɔkde idem.

EZEKIEL 5:8

mmɔdo ntem ke Ɔbɔŋ Jehovah ɔdɔhɔ, ete, Sese, ami, kpa ami, nnam ikɔ ye afo: nyenyuŋ ŋkpe ikpe ye mbufo ke iso mme idut.

EZEKIEL 6:3

Nyuŋ dɔhɔ ete, Mbufo ikpɔ obot Israel ekop uyo Ɔbɔŋ Jehovah, ete, Ntem ke Ɔbɔŋ Jehovah ɔdɔhɔ ikpɔ obot ye ŋkpri, ye mme idim mmɔŋ, ye mme itihere; ete, Sese, ami kpa ami, mmɔŋ nda ofut ntiene mbufo nnyuŋ nsobo ŋkokoŋo ebiet mbufo.

EZEKIEL 8:18

Ndien ami ŋko nyenam ke ifuresit: enyin mi idinyeneke mbɔm, ndinyuŋ nyakke: ndien mmɔ eyefiori mi ɔkpɔsɔŋ uyo ke utɔŋ, edi ndikopke uyo mmɔ.

EZEKIEL 9:6

Mbufo ewot ebiowo ye akparawa ye eyen-aŋwan ye iban, esobo; edi ekusaŋa ekpere baba owo kiet eke idiɔŋɔ oro odude enye ke idem; mbufo enyuŋ etɔŋɔ ke edisana ebiet mi.

HOSEA 4:6

Unana ifiɔk (Abasi) omosobo ikɔt mi: koro afo ɔduɔkde ifiɔk, ami ŋko nyeduɔk fi, nte okudi oku ɔnɔ mi: koro afo onyuŋ efrede mbet Abasi fo, ami ŋko nyefre nditɔ fo.

HOSEA 5:14

Koro ami ntiede nte lion ye Ephraim, ntie nte akparawa lion ye ufɔk Judah: ami kpa ami nyewai ndien nnyɔŋ; nyemen mfep, ndien baba owo kiet eke anyaŋade ididuhe.

LEVITICUS 26:28

ndien ami nyesaŋa ke ifuresit ye mbufo; ami ŋko nyemia mbufo utim ikatiaba mbaŋa mme idiɔk ido mbufo.

MATTHEW 25:41

Ekem Enye eyedɔhɔ mmɔ emi edude ke ubɔk ufien, ete, Edianare Mi, mbufo emi edide mbon nsobo, ekoduk ke nsinsi ikaŋ, emi ekonimde enɔ Satan ye mme angel esie.

DEUTERONOMY 32:39

Mbufo ese, ndien, ete ke ami, ami, ndi enye, abasi inyuŋ iduhe idian ye ami: ami ŋwot, nnyuŋ nnim owo uwem; ami nnɔ unan, nnyuŋ nsiri: baba owo kiet eke osiode ke ubɔk mi, inyuŋ iduhe.

2 ŊWED THESSALONICA 1:9

emi edidianarede ke iso Ɔbɔŋ ye ke iso ubɔŋ odudu Esie,