JEREMIAH 23:29 - Edisana ñwed Abasi Ibom

²⁹ Jehovah ɔdɔhɔ, ete, Nte ikɔ mi ibietke ikaŋ? nte ibietke hammer eke obomde akamba itiat?

JEREMIAH 23:29 ပူးပေါင်းရင်းမြစ်များ

JEREMIAH 20:9

Ndien ndɔhɔ nte, Ndisiakke aba enye, ndinyuŋ ndɔhɔke aba ke enyiŋ esie. Ndien ŋkpɔ odu mi ke esit nte ikaŋ eke asakde, esine mi ke ɔkpɔ, ndien ŋŋwana ndimum idem mi ŋkama, tutu akak:

JEREMIAH 5:14

Mmɔdo ntem ke Jehovah Abasi mme udim ɔdɔhɔ, ete, Koro mbufo edɔhɔde ikɔ emi, sese, ami mmɔŋ nnam ikɔ mi ke inua fo akabare edi ikaŋ, nnyuŋ nnim mbio emi ke ifia, ndien enye eyeta mmɔ.

HOSEA 6:5

Oro esin ŋkada prophet ŋkpeŋe mmɔ, nnyuŋ ŋwot mmɔ ke ikɔ inua mi: ndien ikpe fo ɔwɔrɔ nte uŋwana.

LUKE 24:32

Ndien mmɔ edɔhɔ kiet eken ete, Nte esit ikofiopke nnyin, ke ini Enye enemede nneme ye nnyin ke usuŋ, onyuŋ asiakde ikɔ Abasi ɔnɔ nnyin?

JOHN 6:63

Edi spirit anam owo odu uwem: obukidem inɔŋɔ owo baba udori kiet: mme ikɔ oro ŋketiŋde nnɔ mbufo edi spirit enyuŋ edi uwem.

UTOM MME APOSTLE 2:3

Mmɔ enyuŋ ekut mme edeme eke esakde ikaŋ, nte edemede idem edoro mmɔ ke ibuot, edeme kiet ke owo kiet, edeme kiet ke owo kiet.

UTOM MME APOSTLE 2:37

Kadaŋemi mmɔ ekopde ikɔ emi, esit amia mmɔ, mmɔ enyuŋ edɔhɔ Peter ye mme apostle eken ete, Nditɔ-ete, inam didie?

2 ŊWED CORINTH 2:16

ye mmɔ emi, nte ufik eke ɔkɔrɔde mkpa ke mkpa, ye ye mmɔ eken, nte ufik eke ɔkɔrɔde uwem ke uwem.

MME HEBREW 4:12

Koro ikɔ Abasi enyene uwem, onyuŋ ananam ŋkpɔ, onyuŋ ɔsɔp akan kpukpru ofut iso iba, okim abahare ukpɔŋ ye spirit, ye ikek ye ndia; onyuŋ enyene ukeme ndiduŋɔre ekikere ye uduak esit owo.

ERIYARARE 11:5

Ndien edieke owo ekededi oyomde ndinam mmɔ ibak, ikaŋ oto mmɔ ke inua ɔwɔrɔ edita mme asua mmɔ; edieke owo ekededi oyomde ndinam mmɔ ibak, edi ke ido emi ke owo oro enyene ndikpa.