JEREMIAH 23:26 - Edisana ñwed Abasi Ibom

²⁶ Adaŋa didie ke ŋkpɔ emi edidu ke esit mme prophet emi etiŋde nsu-nsu o-prophecy? enyuŋ etiŋde abiaŋa esit mmɔ ke prophecy?

JEREMIAH 23:26 ပူးပေါင်းရင်းမြစ်များ

ŊWED MME PSALM 4:2

Nditɔ owo, adaŋa didie ke ubɔŋ mi editie nte ŋkpɔ but? Adaŋa didie ke mbufo edima ikpikpu ŋkpɔ, enyuŋ ebine nsu? [Selah.]

ISAIAH 30:10

Emi edɔhɔde mbon ŋkukut, ete, mbufo ekukut; edɔhɔ mmɔ eke esede, ete, Mbufo ekuse edinen ŋkukut enɔ nnyin; etiŋ inem ikɔ enɔ nnyin: ekut ŋkpɔ nsu:

JEREMIAH 13:27

Mmokut efibe fo, ye uyo use fo, ye nte afo asaŋade akpara oburobut, ye mbubiam fo ke enyɔŋ ikpɔ obot ke iŋwaŋ. Osuk ɔdɔdiɔk ɔnɔ fi, Jerusalem; adaŋa didie ke afo edisuk esin ndisana?

JEREMIAH 14:14

Ndien Jehovah ɔdɔhɔ mi, ete, Mme prophet etiŋ nsunsu a-prophecy ke enyiŋ mi: ŋkɔdɔŋke mmɔ utom, nnyuŋ ntemeke mmɔ, nnyuŋ ndɔhɔke ye mmɔ; mmɔ emen ŋkukut nsu, ye idiɔŋ, ye ikpikpu ŋkpɔ, ye abiaŋa esit mmɔ etiŋ enɔ mbufo.

JEREMIAH 17:9

Esit abiaŋa kpukpru ŋkpɔ, onyuŋ abiara fap; anie edikeme ndifiɔk enye?

JEREMIAH 4:14

Ɔdɔdiɔk ye nnyin koro emesobo nnyin. O Jerusalem, yet esit fo idiɔk-ŋkpɔ fep, man enyaŋa fi. Adaŋa didie ke mme idiɔk ekikere fo ediduŋ fi ke esit?

HOSEA 8:5

Samaria, Enye afiari eyen enaŋ fo ɔduɔk; iyaresit mi asak ye mmɔ: adaŋa didie ke mmɔ midikemeke ndisana?

UTOM MME APOSTLE 13:10

O afo, emi kpukpru abiaŋa ye idiɔk-ŋkpɔ ɔyɔhɔde fi ke idem, afo eyen Satan, afo usua kpukpru nti ido, nte afo udutreke ndikwaŋa edinen usuŋ Ɔbɔŋ?

2 ŊWED TIMOTHY 4:3

Koro ini ɔmɔŋ edi eke mme owo midibɔhɔ eti ukpep-ŋkpɔ; ndien sia utɔŋ edebede mmɔ ndikop isio ikɔ, mmɔ eyekɔ mme andikpep enɔ idem nte ekemde ye mme idiɔk udɔŋ mmɔ,

2 PETER 1:21

Koro akanam baba ikɔ prophet itoho ke uduak owo: edi mme owo etiŋ ikɔ eke otode Abasi, nte Edisana Spirit esinde mmɔ etiŋ.