JEREMIAH 23:25 - Edisana ñwed Abasi Ibom

²⁵ Mmokop uyo mme prophet emi etiŋde nsunsu o-prophecy ke enyiŋ mi, ete, “Mmadaba ndap, mmadaba ndap.”

JEREMIAH 23:25 ပူးပေါင်းရင်းမြစ်များ

GENESIS 37:5

Ekem, Joseph adaba ndap, emen etiŋ ɔnɔ nditɔ-ete esie: ndien mmɔ edediɔŋ esua enye.

GENESIS 37:9

Ndien enye ɔtɔŋɔ ntak adaba ndap efen, emen enye etiŋ ɔnɔ nditɔ-ete esie, ete, Sese, mma ndaba ndap efen; ndien, sese, utin ye ɔfiɔŋ, ye ntantafiɔŋ duop-

ŊWED MME PSALM 139:2

Afo ɔmɔfiɔk nte nsuhɔrede ntie, ye nte ndahade nda; afo omotim ɔfiɔk ekikere mi nsan-nsan.

ŊWED MME PSALM 139:4

Koro baba ikɔ kiet miduhe mi ke edeme; sese, Jehovah, afo ɔmɔfiɔk mmɔ kpukpru.

JEREMIAH 13:27

Mmokut efibe fo, ye uyo use fo, ye nte afo asaŋade akpara oburobut, ye mbubiam fo ke enyɔŋ ikpɔ obot ke iŋwaŋ. Osuk ɔdɔdiɔk ɔnɔ fi, Jerusalem; adaŋa didie ke afo edisuk esin ndisana?

JEREMIAH 14:14

Ndien Jehovah ɔdɔhɔ mi, ete, Mme prophet etiŋ nsunsu a-prophecy ke enyiŋ mi: ŋkɔdɔŋke mmɔ utom, nnyuŋ ntemeke mmɔ, nnyuŋ ndɔhɔke ye mmɔ; mmɔ emen ŋkukut nsu, ye idiɔŋ, ye ikpikpu ŋkpɔ, ye abiaŋa esit mmɔ etiŋ enɔ mbufo.

JEREMIAH 16:17

Koro enyin mi esuk ese kpukpru usuŋ mmɔ: mmɔ idikemeke ndidibe iso mi, idiɔk ido mmɔ idinyuŋ ikemeke ndidibe enyin mi.

JEREMIAH 23:28

Yak prophet eke ndap odude ye enye etiŋ ndap; ndien yak owo eke ikɔ mi odude ye enye, etiŋ ikɔ mi akpan-akpan. Ikpɔk ibokpot asaŋa nso ye idem ibokpot? Jehovah ɔdɔhɔ.

JEREMIAH 23:32

Jehovah ɔdɔhɔ ete, Sese, mmɔŋ nnam ikɔ ye mmɔ eke etiŋde nsunsu ndap, enyuŋ ebukde mmɔ, enyuŋ enamde ikɔt mi edue ke nsu mmɔ ye ke use mmɔ; ndien ami ndɔŋke mmɔ, nnyuŋ ŋwukke mmɔ; ndien mmɔ ididoroke mbio emi baba udori. Ke edi Jehovah ɔdɔhɔ.

JEREMIAH 27:10

koro mmɔ etiŋde nsu-nsu o-prophecy enɔ mbufo, man esin mbufo edaŋa ekpɔŋ mme obio mbufo anyan ebiet, man ami nnyuŋ mbin mbufo mfep, mbufo enyuŋ etak.

JEREMIAH 27:15

Koro midige ami ŋkɔdɔŋ mmɔ utom, Jehovah ɔdɔhɔ, ndien mmɔ etiŋ nsu-nsu o-prophecy esin ke enyiŋ mi; man mbin mbufo mfep, man mbufo enyuŋ etak ye mme prophet emi etiŋde prophecy enɔ mbufo.

JEREMIAH 29:23

Koro mmɔ ekenamde oburobut ido ke Israel, enyuŋ esinde efibe ye iban mbɔhiduŋ mmɔ, enyuŋ edɔhɔde ikɔ nsu esin ke enyiŋ mi, eke mme-ŋketemeke mmɔ; ami mmonyuŋ mfiɔk, nnyuŋ ndi ntiense: ke edi Jehovah ɔdɔhɔ.

JEREMIAH 29:8

Koro ntem ke Jehovah mme udim Abasi Israel ɔdɔhɔ, ete, Mbufo ekuyak mme prophet mbufo emi edude ke otu mbufo, ye mbia-idiɔŋ mbufo, ebiaŋa mbufo, ekunyuŋ ekop ndap mbufo emi mbufo esinde mmɔ edaba.

JEREMIAH 8:6

Ŋkakpaŋ utɔŋ ŋkop, mmɔ idɔhɔke se inende: baba owo kiet ituaha mkpɔfiɔk ke idiɔk ido esie, ete, Ŋkanam nso? Kpukpru mmɔ ekabare eduk ke mbuba mmɔ, kpa nte horse obumerede oduk ke ekɔŋ.

ŊWED ESEME 2:14

Mme prophet fo ekut ikpikpu ye ndisime ŋkpɔ enɔ fi: inyuŋ iyarekede idiɔk ido fo, man eda fi ke itie ntaŋ mfep efiak edi; mmɔ ekut mbiomo nsu ye ŋkpɔ etabi enɔ fi.

EZEKIEL 22:28

Mme prophet esie enyuŋ eyet mmɔ ndom, ekut nsu, enyuŋ ebre idiɔŋ abiaŋa enɔ mmɔ, edɔhɔ ete, Ntem ke Ɔbɔŋ Jehovah ɔdɔhɔ, ndien Jehovah idɔhɔke.

JOEL 2:28

Ndien ama ekem ke ini ŋkpɔ emi ebede, nyeŋwaŋa spirit mi nnɔ ofuri obukidem; ndien nditɔiren mbufo, ye nditɔ mbufo iban eyetiŋ prophecy, mbiowo mbufo eyedaba ndap, mkparawa mbufo eyekut ŋkukut.

ZECHARIAH 13:3

Ndien ama ekem, edieke owo osuk etiŋde prophecy, ndien ete esie ye eka esie emi akamande enye eyedɔhɔ enye, ete, Afo ududuhe uwem, koro afo osude nsu ke enyiŋ Jehovah: ndien ete esie ye eka esie emi akamande enye, eyekim enye ewot, koro enye etiŋde prophecy.

NUMBERS 12:6

Ndien enye ɔdɔhɔ ete, Mbufo ekop ndien ikɔ mi: edieke prophet ediduŋde ke otu mbufo, ami Jehovah nyeyarare idem mi nnɔ enye ke ŋkukut, nnyuŋ ndɔhɔ ye enye ke ndap.

MATTHEW 1:20

Edi ke adaŋemi enye ekerede mme ŋkpɔ emi, sese, angel Jehovah ɔbiɔŋɔre enye ke iso ke ndap, ete enye, Joseph, eyen David, kufehe ndida Mary ŋwan fo nnyɔŋ ufɔk: koro idibi oro enye oyomode oto ke Edisana Spirit.

LUKE 12:3

Mmɔdo ikɔ ekededi eke mbufo etiŋde ke ekim ke eyekop ke uŋwana, odu eke mbufo edɔŋde ke utɔŋ owo ke ndibe ubet, ke eyekwɔrɔ ke enyɔŋ ɔkɔm.

1 ŊWED CORINTH 4:5

Andidomo mi edi Ɔbɔŋ. Mmɔdo ekuben ini iso ebiere ikɔ, tutu Ɔbɔŋ edi: Enye eyeda se idibede ke ekim ɔwɔrɔ edi ke uŋwana, onyuŋ ayarare uduak eke esinede owo ke esit. Adaŋoro ndien ke kpukpru owo kiet kiet edibɔ itoro ke ubɔk Abasi.

MME HEBREW 4:13

Baba ŋkpɔ kiet eke odibede Enye ke enyin inyuŋ iduhe; edi kpukpru ŋkpɔ ena iferi ye ata iŋwaŋ-iŋwaŋ ke enyin Abasi, emi nnyin isaŋade ŋkpɔ ye Enye.

ERIYARARE 2:23

nyenyuŋ nda mkpa ŋwot nditɔ esie; ndien kpukpru mme ufɔk Abasi eyefiɔk ete ke Ami ndi Andiduŋɔre ekput ye esit; nyenyuŋ nnɔ kpukpru mbufo kiet kiet nte ekemde ye utom mbufo.