JEREMIAH 23:22 - Edisana ñwed Abasi Ibom

²² Ekpedi nte, mmɔ ekedade ke odu mi, enyuŋ enamde ikɔt mi ekop ikɔ mi, mmɔ ekpekabare mmɔ ndien esio ke idiɔk usuŋ mmɔ, ye ke idiɔk ido mmɔ.

JEREMIAH 23:22 ပူးပေါင်းရင်းမြစ်များ

JEREMIAH 23:14

ndien ŋkut ata ŋkpɔ ndidien ke mme prophet Jerusalem; ke esin efibe, ke esaŋa ke nsu; mmɔ enyuŋ esɔŋɔ mme idiɔk owo ubɔk, ndien owo ndomo kiet ikabakede ikpɔŋ idiɔk ido esie; kpukpru mmɔ etie ye ami nte Sodom, mme andiduŋ enye enyuŋ ebiet Gomorrah.

JEREMIAH 23:18

Koro anie akada ke odu Jehovah, onyuŋ okut, onyuŋ okop uyo esie? Anie akakpaŋ utɔŋ ke ikɔ esie, onyuŋ okop?

JEREMIAH 25:5

Mbɔk mbufo kiet kiet ekabare ekpɔŋ mme idiɔk usuŋ mbufo, ye mme idiɔk ido mbufo, enyuŋ eduŋ ke isɔŋ emi Jehovah ɔkɔnɔde mbufo ye mme ete mbufo ke nsinsi:

JEREMIAH 35:15

Ami ŋko nnyuŋ ndɔŋ kpukpru ikɔt mi mme prophet utom ke ɔtɔ mbufo, mbabak ndɔŋ, nte, Mbɔk, mbufo kpukpru ekabare ekpɔŋ idiɔk usuŋ mbufo, enyuŋ ekabare ido mbufo enam ɔfɔn, ekunyuŋ ebine mme abasi efen ndinam ŋkpɔ nnɔ mmɔ, ndien mbufo eyeduŋ ke isɔŋ emi ŋkɔnɔde mbufo ye mme ete mbufo: ndien mbufo ikpaŋke utɔŋ mbufo, inyuŋ ikopke inɔ mi.

JEREMIAH 36:3

Mme ufɔk Judah eyekop ofuri idiɔk emi ami ŋkerede ndinam mmɔ, man kpukpru mmɔ ekabare ekpɔŋ mme idiɔk usuŋ mmɔ; man ami ndahado ke idiɔk ido mmɔ ye ukwaŋ-ŋkpɔ mmɔ.

JEREMIAH 9:12

Anie owo enyene ibuot, ndien enye eyetim okut ŋkpɔ emi? Ndien anie edi owo emi inua Jehovah ɔdɔhɔde ye enye, ndien enye eyebuk enye? Isɔŋ anam didie atak, abiara nte wilderness eke baba owo keit misaŋake ibe?

EZEKIEL 13:22

Koro mbufo edade nsu eyat edinen owo esit, emi ami mmenyatke; enyuŋ esɔŋde mme idiɔk owo ubɔk, man enye okukpɔŋ idiɔk ido esie afiak, man enim enye uwem:

EZEKIEL 13:5

Mbufo ikɔdɔkke ke ŋwure, inyuŋ ibokpe ɔkɔ inɔ ufɔk Israel, man mmɔ eda ke ekɔŋ usen Jehovah.

EZEKIEL 18:30

Mmɔdo Ɔbɔŋ Jehovah ɔdɔhɔde ete, Nyekpe ikpe ye mbufo, O ufɔk Israel, ye kpukpru owo nte ekemde ke usuŋ mmɔ. Mbufo ekabare enyuŋ esioŋo idem mbufo efep ke kpukpru mme oburobut ido mbufo, man ukwaŋ-ŋkpɔ okunam mbufo etak.

EZEKIEL 2:7

Nyuŋ tiŋ ikɔ emi nɔ mmɔ, ke mmɔ ekopde, ye ke etrede ndikop: koro mmɔ edide mbon nsɔŋ-ibuot.

EZEKIEL 3:17

kop ndien ikɔ emi otode mi ke inua, nyuŋ da uyo mi teme mmɔ.

AMOS 3:7

Koro Ɔbɔŋ Jehovah midinamke baba ŋkpɔ kiet, ke mibɔhɔke ini enye ayarade uduak esie ɔnɔ ikɔt esie mme prophet.

ZECHARIAH 1:4

Mbufo ekubiet mme ete mbufo emi akpa prophet ekekotde mmɔ, ete, Ntem ke Jehovah mme udim ɔdɔhɔ, ete, Mbɔk, mbufo ekabare ekpɔŋ mme idiɔk usuŋ mbufo, ye mme idiɔk ido mbufo: edi mmɔ ikopke, inyuŋ ikpaŋke utɔŋ inɔ mi: ke edi uyo Jehovah.

MALACHI 2:6

Ewuhɔ akpanikɔ okodu enye ke inua, ndien ikwe ukwaŋ-ŋkpɔ ke mkpɔk-inua esie enye asaŋa ye ami ke emem ye ke edinen ido, onyuŋ akabare ediwak owo ke idiɔk ido efep.

UTOM MME APOSTLE 20:27

Koro mmeŋkefeheke ndikwɔrɔ ofuri uduak Abasi nnɔ mbufo.

1 ŊWED THESSALONICA 5:6

Mmɔdo ndien, eyak nnyin ikude idap, nte mmɔ eken, edi eyak nnyin itaba idap ikpeme, imum idem ikama.