JEREMIAH 23:20 - Edisana ñwed Abasi Ibom

²⁰ Iyaresit Jehovah idikabakede, tutu enye anam, onyuŋ ama uduak esit esie: mbufo eyetim efiɔk enye ke utit mme usen oro.

JEREMIAH 23:20 ပူးပေါင်းရင်းမြစ်များ

GENESIS 49:1

EKEM Jacob okot nditɔ esie, ete, Mbufo ebono, ndien nyemen se idiwɔrɔde mbufo

1 NDIDEM 8:47

edi mmɔ ema ekere ke esit mmɔ ke isɔŋ eke etaŋde mmɔ efep eka do, enyuŋ ekabarede, ekpe fi ubɔk ke isɔŋ mmɔ eke etaŋde mmɔ efep, ete, Nnyin imedue, imonyuŋ inam ukwaŋ - ŋkpɔ, imonyuŋ idiɔk;

2 NDIDEM 23:26

Edi Jehovah ikabakede ikpɔŋ ikaŋ akwa iyaresit esie, emi enye ayatde esit ye Judah, abaŋa kpukpru eriyat oro Manasseh akadade ayat enye.

2 NDIDEM 23:27

Jehovah onyuŋ ɔdɔhɔ, ete, Nyemen Judah ŋko ke iso mi mfep, kpa nte ŋkemende Israel mfep, nyenyuŋ mmen obio emi ŋkemekde, kpa Jerusalem, ye ufɔk emi ŋkɔdɔhɔde, nte ke enyiŋ mi edidu do, nduɔk.

MME ŊKE 21:30

Baba eti ibuot, baba mbufiɔk, baba item eke ekemde ye Jehovah iduhe.

ISAIAH 14:24

Jehovah mme udim ɔmɔŋwɔŋɔ, ete, Iditreke ndiwɔrɔ kpa nte ŋkekerede; onyuŋ osu kpa nte ŋkaduakde:

ISAIAH 55:11

kpa ntre ke ikɔ mi emi ɔwɔrɔde mi ke inua editie: idifiakke itiene mi ubɔk-ubɔk, tutu enye anam se mmade, onyuŋ okut unen ke utom emi ndɔŋde enye.

JEREMIAH 30:24

Ikaŋ iyaresit Jehovah idikabakede, tutu enye anam, tutu enye onyuŋ ama uduak esit esie; mbufo eyekere enye ke utit usen.

JEREMIAH 4:28

Emi eyesin isɔŋ atua, esin ikpa-enyɔŋ ke enyɔŋ ebire: koro mmɔdɔhɔ, mmaduak, ndien ndituaha mkpɔfiɔk, ndinyuŋ ŋkabakede ŋkpɔŋ enye.

JEREMIAH 51:12

Mbufo emenere banner ke ibibene Babylon, enam mme itie-ukpeme esɔŋ, enim owo eke ekpemede, etim mbon-udibe: koro Jehovah amaduak omonyuŋ anam se enye ɔkɔdɔhɔde abaŋa, mme andiduŋ Babylon.

EZEKIEL 21:10

emeban enye, man ewot ediwak owo; emetuk enye man ebiet obuma: mme mmɔnyɔ eyen mi adat esit; enye (ofut) ese kpukpru (oruk) eto ke ndek.

EZEKIEL 21:5

ndien kpukpru obukidem eyefiɔk, ete ke ami Jehovah nsio ofut mi ke efɔk esie: enye idifiakke aba.

ZECHARIAH 1:6

Edi ama edi uyo mi ye mme ewuhɔ mi emi ŋkowukde ikɔt mi mme prophet, nte mmɔ ikesimke mme ete mbufo? Ndien mmɔ ekabare, enyuŋ edɔhɔ ete, Kpa nte Jehovah mme udim akaduakde ndinam nnyin, kpa nte ekemde ye usuŋ nnyin ye ido nnyin, kpa ntre ke enye akanam nnyin.

DEUTERONOMY 4:30

Ke adaŋemi afo etiede ke itie ukut, kpukpru ŋkpɔ emi enyuŋ etienede fi, ke ini iso, ndien afo ama afiak etiene Jehovah Abasi fo, onyuŋ okop uyo;