JEREMIAH 23:2 - Edisana ñwed Abasi Ibom

² Mmɔdo ntem ke Jehovah Abasi Israel ɔdɔhɔ abaŋa mme ɔbɔk erɔŋ emi ebɔkde ikɔt mi, ete: Mbufo emesuan ufene mi, enyuŋ ebin mmɔ efep, inyuŋ itiŋke mmɔ enyin ise: sese, ami nyenɔ mbufo ufen mbaŋa idiɔk ido mbufo: emi edi uyo Jehovah.

JEREMIAH 23:2 ပူးပေါင်းရင်းမြစ်များ

EXODUS 32:34

Ka, ndien, kada mbon oro, ka ebiet emi ŋkɔdɔhɔde fi: sese, angel mi ɔmɔŋ ebem fi iso: ndien ke usen emi ndinɔde ufen, nyenɔ mmɔ ufen idiɔk ido mmɔ.

JEREMIAH 10:21

Koro mme ekpemerɔŋ emekabare ebiet unam, minyuŋ ibineke Jehovah: oro esin mmɔ ikwe unen, ofuri ufene mmɔ enyuŋ esuana.

JEREMIAH 11:22

mmɔdo ntem ke Jehovah mme udim ɔdɔhɔ, ete, Sese, ami nyenɔ mmɔ ufen; mkparawa mmɔ eyekpaŋa ke ofut: nditɔ-iren mmɔ ye nditɔ-iban mmɔ eyekpaŋa ke akaŋ:

JEREMIAH 13:17

Edi mbufo minyimeke ndikop enye, ukpɔŋ mi eyetua eyet ke ndibe abaŋa ntaŋidem mbufo; eyenyuŋ eseme eti-eti, mmɔŋeyet eyenyuŋ oto mi ke enyin ɔsuhɔre: koro etaŋde otu ufene Jehovah efep.

JEREMIAH 13:20

Mbufo emenere enyin mbufo enyuŋ ese, mmɔ ke eto ke edem edere edi: enye otu ufene oro ekenɔde fi, kpa ediye otu ufene fo?

JEREMIAH 13:21

Afo edidɔhɔ didie ke ini eke enye edinɔde fi ufen? (Ŋkɔm afo amayak mmɔ emehe ndida ata ubɔŋ fo:) nte ubiak idimumke fi nte omumde ŋwan uman?

JEREMIAH 17:10

Ami Jehovah nduŋɔre esit, ndomo ŋkpɔ esit idem, man nnɔ kpukpru owo nte ekemde ke usuŋ mmɔ, ye nte ekemde ke mfri utom mmɔ.

JEREMIAH 21:12

O ufɔk David, ntem ke Jehovah ɔdɔhɔ ete, Mbufo ebiere ikpe ke usenubɔk, enyuŋ esio owo eke ebumede ke ubɔk andituk, mbak ifuresit mi ediwɔrɔ nte ikaŋ onyuŋ asak, baba owo kiet eke onimede idinyuŋ iduhe, kabaŋa mme idiɔk ido mbufo.

JEREMIAH 23:34

Ndien ama edi prophet, ye oku, ye mbio-obio emi, edidɔhɔde, ete, “Uyo Jehovah,” nyenɔ owo oro ufen, kpa owo ye ufɔk esie.

JEREMIAH 44:22

Ndien Jehovah ikemeke aba ndiyɔ idiɔk ido mbufo, ye ŋkpɔ mbubiam emi mbufo enamde; ndien isɔŋ mbufo amakabare edi nsobo, ye ndobo, ye isuŋi, ndien owo eke oduŋde iduhe du, kpa nte edide mfin emi.

JEREMIAH 5:29

Jehovah ɔdɔhɔ ete, Nte ndinɔŋɔ ufen mbaŋa ŋkpɔ emi? Nte ukpɔŋ mi idisioho usiene ye oruk idut emi?

JEREMIAH 5:9

Jehovah ɔdɔhɔ, ete, Nte ndinɔŋɔ ufen mbaŋa ŋkpɔ emi? Nte ukpɔŋ mi idinyuŋ isioho usiene ye oruk idut emi?

JEREMIAH 8:12

But akpanam mmɔ koro mmɔ enamde ŋkpɔ mbubiam: edi but inamke mmɔ baba ŋko, mmɔ inyuŋ ifiɔkke but iso: mmɔdo mmɔ eyeduɔŋɔ ke otu mmɔ eke ediduɔŋɔde; ke ini eke edade ufen mmɔ eyeduɔŋɔ.

EZEKIEL 34:5

Ndien mmɔ emesuana, koro owo eke ɔbɔkde miduhe: mmɔ enyuŋ ekabare edi udia kpukpru mme unam ikɔt, ndien mmɔ emesuana.

HOSEA 2:13

Nyenyuŋ nnɔ enye ufen, mbaŋa mme usen Baal emi enye ɔkɔfɔpde ŋkpɔ ɔnɔ mmɔ, okonyuŋ abanade idem esie ke mkpanuen ibuo esie, ye ŋkwa itɔŋ esie, ndien ebine mmɔ eke emade enye, onyuŋ efre mi. Uyo Jehovah edi emi.

MICAH 7:4

Mmɔ eke efɔnde ke otu mmɔ ebiet ŋkukim: mmɔ eke enede ediɔk ekan ɔkɔ akpap: usen mbon ukpeme fo ye eke ufen fo ke edi: ke emi ke ndutime mmɔ edidi.

ZECHARIAH 10:3

Iyaresit mi ofiop ye mme andibɔk oro: ami nnyuŋ nnɔ okpo ebot ufen: koro Jehovah mme udim ekerede otu erɔŋ esie kpa ufɔk Judah, onyuŋ onimde mmɔ ke ediye horse esie ke ekɔŋ.

ZECHARIAH 11:16

Koro, sese, ami mmɔŋ ndemere ekpem-erɔŋ ke isɔŋ emi, enye idisehe se ibiarade, idiyomke se ebinde efep, inyuŋ ikɔkke se idade unan, inyuŋ ibɔkke mmɔ eke esɔŋɔde; edi eyeta unam mmɔ eke ekponide, onyuŋ osio mmɔ mbara ukot.

MATTHEW 25:36

ŋkedi iferi, ndien mbufo esine Mi ɔfɔŋ; ŋkɔdɔdɔŋɔ, ndien mbufo edi edise Mi; ŋkodu ke ufɔk-ŋkpɔkɔbi, ndien mbufo edi ke ɔtɔ Mi.

MATTHEW 25:43

itɔŋ akasat Mi, ndien mbufo inɔŋɔ Mi mmɔŋ: ŋkedi esen, ndien mbufo idaha Mi ika ufɔk; ŋkedi iferi, ndien mbufo isineke Mi ɔfɔŋ; ŋkɔdɔdɔŋɔ, nnyuŋ ntie ke ufɔk-ŋkpɔkɔbi, ndien mbufo idige idise Mi.

JAMES 1:27

Ido Abasi eke asanade, minyuŋ ideheke ke iso Abasi Ete nnyin edi, ndisaŋa nse nditɔ-akpa ye mme ebe-akpa ke ukut mmɔ, ndinyuŋ ŋkpeme idem ke idiɔk-ŋkpɔ emi odude ke ererimbot.