JEREMIAH 23:17 - Edisana ñwed Abasi Ibom

¹⁷ Mmɔ esuk edɔhɔ ye mmɔ eke esinde mi ke ndek, ete, Jehovah ɔdɔhɔ, ete, Mbufo eyenyene emem; enyuŋ edɔhɔ kpukpru owo eke esaŋade ke itun esit mmɔ, ete, “Baba idiɔk-ŋkpɔ kiet idisimke mbufo.”

JEREMIAH 23:17 ပူးပေါင်းရင်းမြစ်များ

2 SAMUEL 12:10

Mmɔdo ofut midikpɔŋke ufɔk fo tutu amama; koro afo emesin mi ke ndek, omonyuŋ ada ŋwan Uriah Hittite ke idemfo ɔdɔ.

ISAIAH 30:10

Emi edɔhɔde mbon ŋkukut, ete, mbufo ekukut; edɔhɔ mmɔ eke esede, ete, Mbufo ekuse edinen ŋkukut enɔ nnyin; etiŋ inem ikɔ enɔ nnyin: ekut ŋkpɔ nsu:

ISAIAH 57:21

Abasi mi ɔdɔhɔ mme idiɔk owo, Emem iduhe.

JEREMIAH 13:10

Mme idiɔk mbio-obio emi minyimeke ndikop ikɔ mi, emi esaŋade ke itun esit mmɔ, enyuŋ ebinede abasi efen, enyuŋ enam ŋkpɔ mmɔ, enyuŋ etuak ibuot enɔ mmɔ, kpa mmɔ eyebiet ubɔp-isin emi mifɔnke ke baba nkpɔ kiet.

JEREMIAH 18:12

Ndien mmɔ edɔhɔ ete, Kukpa ndidɔhɔ: koro nnyin imɔŋ ibine uduak nnyin: kpukpru nnyin iyenyuŋ inam itun esit nnyin.

JEREMIAH 18:18

Ndien mmɔ edɔhɔ, ete, Mbufo edi, nnyin iduak uduak ibaŋa Jeremiah; koro mme ewuhɔ midikureke oku ke ubɔk, item midinyuŋ ikureke owo eti ibuot, idinyuŋ idige ikɔ edikure mme prophet; mbufo edi, nnyin imia enye ke edeme, ikunyuŋ ikpaŋ utɔŋ ke ikɔ esie baba kiet.

JEREMIAH 3:17

Ke ini oro mmɔ eyesio Jerusalem enyiŋ, ete, Ebekpo Jehovah; kpukpru mme idut eyenyuŋ ebono ke esit, ebaŋa enyiŋ Jehovah, ke Jerusalem: ndien mmɔ idisaŋake aba itiene idiɔk isɔŋesit mmɔ.

JEREMIAH 4:10

Ndien ami ndɔhɔ, nte, Ah, Ɔbɔŋ Jehovah! ŋkɔm afo ama abiaŋa mbio-obio emi ye Jerusalem eti-eti, ete, Mbufo eyenyene emem: ndien ofut omosim ukpɔŋ (nnyin).

JEREMIAH 5:12

Mmɔ emekaŋ Jehovah, enyuŋ edɔhɔ, ete; “Enye iduhe du; idiɔk-ŋkpɔ idinyuŋ isimke nnyin; nnyin idinyuŋ ikwe ofut ye akaŋ.

JEREMIAH 6:14

Mmɔ enyuŋ ekɔk unam adiaha ikɔt mi enyɔŋ-enyɔŋ, ete, “Emem, emem;” ndien baba emem iduhe.

JEREMIAH 7:24

Ndien mmɔ ikopke, inyuŋ ikpaŋke utɔŋ mmɔ, edi esaŋa ke uduak ye ke itun idiɔk esit mmɔ, enyuŋ efiak edem, ikaha iso.

JEREMIAH 8:11

Ndien mmɔ ekɔk unan adiaha ikɔt mi enyɔŋ-enyɔŋ, ete, Emem, emem; ndien baba emem iduhe.

JEREMIAH 9:14

edi mmɔ etiene itun esit mmɔ, ye Baalim eke mme ete mmɔ ekekpepde mmɔ;

ŊWED ESEME 2:14

Mme prophet fo ekut ikpikpu ye ndisime ŋkpɔ enɔ fi: inyuŋ iyarekede idiɔk ido fo, man eda fi ke itie ntaŋ mfep efiak edi; mmɔ ekut mbiomo nsu ye ŋkpɔ etabi enɔ fi.

EZEKIEL 13:10

Koro, kpa koro mmɔ eyutde ikɔt mi, ete, “Ifure,” ndien ifure miduhe; ndien owo ɔbɔp ibibene; ndien, sese, mmɔ eyet enye ndom.

EZEKIEL 13:19

Nte mbufo eyenyuŋ esabare mi enɔ ikɔt mi ke uyɔhɔ ubɔk barley ye ke ŋkeŋe uyo, man ewot ukpɔŋ eke midikpaha, enyuŋ eda ukpɔŋ eke mididuhe uwem enim ke uwem, ke erisu emi mbufo esude enɔ ikɔt mi emi ekopde nsu.

EZEKIEL 13:22

Koro mbufo edade nsu eyat edinen owo esit, emi ami mmenyatke; enyuŋ esɔŋde mme idiɔk owo ubɔk, man enye okukpɔŋ idiɔk ido esie afiak, man enim enye uwem:

AMOS 9:10

Kpukpru mme anam-idiɔk ke otu ikɔt mi eyekpaŋa ke ofut, mme mmɔ emi edɔhɔde, ete, Idiɔk-ŋkpɔ emi idisimke nnyin, idinyuŋ isoboke ye nnyin.

MICAH 2:11

Edieke owo asaŋade ke spirit ye ke abiaŋa, edisu nsu, ete, Ami nyetiŋ nnɔ fi mbaŋa wine ye mmin; edi enye edidi etiŋ-ikɔ ɔnɔ mbio-obio emi.

MICAH 3:11

Mme etubom esie ebiere ikɔ ke okuk, mme oku esie enyuŋ eteme owo ke inyene, mme prophet esie enyuŋ ebre mfa ke silver: ndien mmɔ ebere edem ye Jehovah, ete, Nte Jehovah iduhe ke otu nnyin? Idiɔk-ŋkpɔ idisimke nnyin.

MICAH 3:5

Ntem ke Jehovah ɔdɔhɔ abaŋa mme prophet eke esinde ikɔt mi edue, eke edade edet mmɔ edom owo, ndien ekwɔrɔ, ete, Emem; ndien ama edi owo eke misinke mmɔ ŋkpɔ ke inua, mmɔ etim ŋkpɔ ekɔŋ etiene enye;

ZEPHANIAH 1:12

Ndien ama ekem ke ini oro, nyeda utuenikaŋ nduŋɔre Jerusalem, nnyuŋ nda ufen nnɔ mmɔ eke esɔrɔde ke ntak mmɔ: eke edɔhɔde ke esit mmɔ, ete, Jehovah idinamke eti ŋkpɔ, idinyuŋ inamke idiɔk.

ZECHARIAH 10:2

Koro teraphim etiŋde idiɔk-ŋkpɔ, mbia-idiɔŋ enyuŋ ekut nsu, enyuŋ etiŋ nsu-nsu ndap; mmɔ edɔŋ owo esit ikpikpu: oro esin mmɔ edaŋa nte otu ufene, enyin anam mmɔ, koro baba owo kiet eke ɔbɔkde mmɔ miduhe.

MALACHI 1:6

Eyen okpono ete, ofin onyuŋ okpono andinyene enye: edi edieke ami ndide ete, ukpono mi odu mmɔŋ? Edieke ami nnyuŋ ndide andinyene, uteŋe mi odu mmɔŋ? Ntem ke Jehovah mme udim ɔdɔhɔ mbufo mme oku emi esede enyiŋ mi ke ndek. Ndien mbufo ebup ete, Ke didie ke nnyin ise enyiŋ fo ke ndek?

NUMBERS 11:20

edi ke ofuri ɔfiɔŋ, tutu eyewɔrɔ mbufo ke odudu ibuo, onyuŋ anam mbufo ntek-esit: koro mbufo esuenede Jehovah emi odude ke otu mbufo, enyuŋ etuade eyet ke iso esie, ete, Nsinam nnyin ikɔwɔrɔde ke Egypt?

LUKE 10:16

Owo eke okopde uyo mbufo okop uyo Mi; owo eke onyuŋ esinde mbufo esin Mi; owo eke esinde mi onyuŋ esin Enye emi ɔkɔdɔŋde Mi.

DEUTERONOMY 29:18

mbak eren-owo, mme ŋwan, mme ufɔk, mme esien edidu ke otu mbufo, emi esit esie akabarede mfin emi ɔkpɔŋ Jehovah Abasi nnyin, onyuŋ aka akanam ŋkpɔ mme abasi mme idut emi; mbak oruŋ eke oŋwumde ibɔk ubio ye ndot-ndot ŋkpɔ, edidu ke otu mbufo;

DEUTERONOMY 29:19

ndien ama ekem ke ini enye okopde uyo uŋwɔŋɔ emi, enye ɔkɔm idem esie ke esit esiemɔ, ete, Ke eyefɔn imɔ, okposuk edi eke imɔ isaŋade ke itun esit imɔ, inyuŋ idiande uyuhɔ mmin ye nsat-itɔŋ:

1 ŊWED THESSALONICA 4:8

Mmɔdo owo emi esinde ndibɔ item emi isinke item owo, edi esin item Abasi, emi ɔnɔde mbufo Edisana Spirit Esie.

1 SAMUEL 2:30

Mmɔdo Jehovah Abasi Israel ɔdɔhɔde ete, Kakpan ke ŋkɔdɔhɔ, nte ke ufɔk fo,ye ufɔk usɔ eyesaŋa ke iso mi ke nsinsi: edi ke emi Jehovah ɔdɔhɔ ete, Nsa mi O! koro nyekpono mmɔ eke ekponode mi, edi nyesin mme andisuene mi ke ndek.