JEREMIAH 23:15 - Edisana ñwed Abasi Ibom

¹⁵ Mmɔdo ntem ke Jehovah mme udim ɔdɔhɔ abaŋa mme prophet, ete, Sese, mmɔŋ nnɔ mmɔ wormwood edia, nnyuŋ nnɔ mmɔ mmɔŋ etidot eŋwɔŋ: koro oburobut ido otode mme prophet Jerusalem osim ofuri isɔŋ.

JEREMIAH 23:15 ပူးပေါင်းရင်းမြစ်များ

ŊWED MME PSALM 69:21

Ndien mmɔ enɔ etidot ke udia mi; enyuŋ enɔ mi vinegar ŋŋwɔŋ ke nsatitɔŋ mi.

JEREMIAH 14:15

Mmɔdo ntem ke Jehovah ɔdɔhɔ abaŋa mme prophet emi etiŋde prophecy ke enyiŋ mi, ndien ami ndɔŋke mmɔ utom, mmɔ enyuŋ edɔhɔ ete, ke baba ofut ye akaŋ ididuhe ke isɔŋ emi; mme prophet oro eyetak ke ofut ye ke akaŋ.

JEREMIAH 8:14

“Nsinam nnyin itiede? Mbufo esop idem, ndien nnyin iyeduk ke obio ibibene, inyuŋ itie do suŋ: koro Jehovah Abasi nnyin esinde nnyin ke ndobo, onyuŋ ɔnɔde nnyin mmɔŋ etidot iŋwɔŋ: koro nnyin inamde idiɔk ye Jehovah.

JEREMIAH 9:14

edi mmɔ etiene itun esit mmɔ, ye Baalim eke mme ete mmɔ ekekpepde mmɔ;

JEREMIAH 9:15

mmɔdo ntem ke Jehovah mme udim, Abasi Israel ɔdɔhɔ, ete, Sese, ami nyenɔ mbio emi ndot-ndot ikɔŋ eta, nnyuŋ nnɔ mmɔ mmɔŋ etidot eŋwɔŋ.

ŊWED ESEME 3:15

Enye ɔnɔ mi ndot-ndot ŋkpɔ nyuhɔ, onyuŋ anam mi ŋŋwɔŋ etidot ŋkpa.

ŊWED ESEME 3:19

Ti ukut mi ye ndutuhɔ mi, ndot-ndot ikɔŋ ye etidot.

ŊWED ESEME 3:5

Enye ɔbɔp (ufɔk) man aŋwana ekɔŋ ye ami, onyuŋ ada etidot ye ndutuhɔ akan mi okuk.

ZECHARIAH 13:2

Jehovah mme udim onyuŋ ɔdɔhɔ, ete, Ama ekem ke usen oro, nyesibi enyiŋ ndem ke isɔŋ emi mfep, ndien iditihi aba mmɔ: nyenyuŋ nnam mme prophet ye spirit ndek edaŋa ke isɔŋ emi.

MATTHEW 27:34

enɔ Enye wine emi abuahade ye etidot, ɔŋwɔŋ; edi ke ini Enye atabide enye, iŋwɔŋke.

DEUTERONOMY 29:18

mbak eren-owo, mme ŋwan, mme ufɔk, mme esien edidu ke otu mbufo, emi esit esie akabarede mfin emi ɔkpɔŋ Jehovah Abasi nnyin, onyuŋ aka akanam ŋkpɔ mme abasi mme idut emi; mbak oruŋ eke oŋwumde ibɔk ubio ye ndot-ndot ŋkpɔ, edidu ke otu mbufo;

ERIYARARE 8:11

Enyiŋ ntantafiɔŋ oro ekere Etidot. Ndien ubak mmɔŋ kiet ke itie ita akabare etidot, ediwak owo enyuŋ ekpaŋa oto ke mmɔŋ oro, koro enamde enye odoro.