JEREMIAH 23:13 - Edisana ñwed Abasi Ibom

¹³ Ŋkokut oburobut ŋkpɔ ke mme prophet Samaria; mmɔ eda Baal etiŋ prophecy, enyuŋ esin ikɔt mi Israel edue:

JEREMIAH 23:13 ပူးပေါင်းရင်းမြစ်များ

1 NDIDEM 18:40

Ndien Elijah ɔdɔhɔ ete, Mbufo emum mme prophet Baal; ekuyak baba owo mmɔ kiet ɔbɔhɔ. Ndien mmɔ emum mmɔ: Elijah onyuŋ ada mmɔ ɔsuhɔre ke akpa Kishon, onyuŋ owot mmɔ do.

2 CHRONICLES 33:9

Ntre ke Manasseh akanam Judah ye mme andiduŋ Jerusalem edue, enyuŋ enam idiɔk ekan mme idut oro Jehovah okosobode ke iso nditɔ Israel efep.

ISAIAH 9:16

Ndien mme mmɔ emi edade mbio emi usuŋ, esin mmɔ ediyo; ndien emesobo mmɔ emi mmɔ edade usuŋ.

JEREMIAH 2:8

Mme oku idɔhɔke ite, Enye Jehovah? Mmɔ eke ekamade ŋwed-mbet inyuŋ ifiɔkke mi: mme pastor enyuŋ edue mi, mme prophet enyuŋ eda Baal enam prophecy, enyuŋ ebine se midoroke udori.

JEREMIAH 23:32

Jehovah ɔdɔhɔ ete, Sese, mmɔŋ nnam ikɔ ye mmɔ eke etiŋde nsunsu ndap, enyuŋ ebukde mmɔ, enyuŋ enamde ikɔt mi edue ke nsu mmɔ ye ke use mmɔ; ndien ami ndɔŋke mmɔ, nnyuŋ ŋwukke mmɔ; ndien mmɔ ididoroke mbio emi baba udori. Ke edi Jehovah ɔdɔhɔ.

JEREMIAH 36:2

Da ikpa ŋwed ke idem fo, nyuŋ men kpukpru ikɔ oro ŋkɔdɔhɔde fi, mbaŋa Israel ye Judah ye kpukpru mme idut, ɔtɔŋɔde ke usen oro ŋkɔdɔhɔde ye afo, ɔtɔŋɔde ke eyo Josiah, tutu osim mfin emi, wet ke esit.

HOSEA 4:11

Use ye wine ye obufa wine eda (mmɔ) esit.

HOSEA 4:12

Ikɔt mi ke ebup eto mmɔ item, yak esaŋ mmɔ ndien ɔbɔrɔ mmɔ: koro spirit use esinde mmɔ ediyo, ndien mmɔ ekpɔŋ Abasi mmɔ enam use.

MICAH 1:5

Ofuri ŋkpɔ emi oto ke idiɔk ido Jacob, ye ke ndudue ufɔk Israel. Nsidi ndudue Jacob? Nte idige Samaria? Nsidi ŋkokoŋo ebiet Judah? Nte idige Jerusalem?