JEREMIAH 23:11 - Edisana ñwed Abasi Ibom

¹¹ Koro mme prophet ŋko ye mme oku esuk enanam oburobut: kpa ke ufɔk mi ke ŋkut idiɔk ido mmɔ; Jehovah ɔdɔhɔ.

JEREMIAH 23:11 ပူးပေါင်းရင်းမြစ်များ

2 CHRONICLES 33:5

Enye onyuŋ anam itie-uwa ɔnɔ ofuri udim-enyɔŋ ke okure ufɔk Jehovah mbiba.

2 CHRONICLES 33:7

Enye onyuŋ ada edisɔi mbiet ŋkpɔ oro enye akanamde, eneŋere onim ke ufɔk Abasi oro Abasi ɔkɔdɔhɔde David ye Solomon eyen esie, ete, Ke ufɔk emi ye ke Jerusalem emi mmekde ke otu kpukpru esien Israel, ke ndisin enyiŋ mi ke nsinsi:

2 CHRONICLES 36:14

Ndien ŋko kpukpru mbɔŋ oku, ye mbio-obio, edue ediwak ŋkpɔ, esaŋa ye kpukpru mbubiam ido mme idut; mmɔ enyuŋ esabare ufɔk Jehovah, emi enye okonimde ke edisana ke Jerusalem.

EZRA 10:18

Ndien mmɔ ekut ete ke ndusuk nditɔ mme oku ema edɔ isen iban: ke otu nditɔ Jeshua eyen Jozadak, ye nditɔ-ete esie; Maa-seiah, ye Eliezer, ye Jarib, ye Gedaliah.

JEREMIAH 11:15

Edima ikɔt mi esaŋa nso ke ufɔk mi, eke mmɔ enamde oburobut ŋkpɔ emi ewakde ntem? Ndien edisana unam eyedaha ɔkpɔŋ fi: koro afo anamde idiɔk, ndien ebre mbre.

JEREMIAH 23:15

Mmɔdo ntem ke Jehovah mme udim ɔdɔhɔ abaŋa mme prophet, ete, Sese, mmɔŋ nnɔ mmɔ wormwood edia, nnyuŋ nnɔ mmɔ mmɔŋ etidot eŋwɔŋ: koro oburobut ido otode mme prophet Jerusalem osim ofuri isɔŋ.

JEREMIAH 32:34

Ndien mmɔ esin ŋkpɔ mbubiam mmɔ ke ufɔk emi ekerede enyiŋ mi, enyuŋ esabare enye.

JEREMIAH 5:31

mme prophet etiŋ prophecy nsunsu, mme oku enyuŋ eda ubɔk mmɔ ekan obio; ikɔt mi enyuŋ ema ntre: ndien mbufo edinam didie ke ukperedem esie?

JEREMIAH 50:6

Ikɔt mi edi ufene eke esopde: mme ɔbɔk mmɔ enam mmɔ ediyo, enam mmɔ efiak edem ke ikpɔ obot: mmɔ ekpɔŋ akamba obot eka ekpri, emefre ebiet nna mmɔ.

JEREMIAH 6:13

Koro kpukpru mmɔ, ɔtɔŋɔde ke ŋkpri, tutu osim ikpɔ, esin enyin; kpukpru mmɔ, ɔtɔŋɔde ke prophet, tutu osim oku,

JEREMIAH 7:30

Koro nditɔ Judah enamde idiɔk ke enyin mi, Jehovah ɔdɔhɔ: mmɔ emen ŋkpɔ mbubiam mmɔ esin ke ufɔk emi ekerede enyiŋ mi, enyuŋ esabare enye.

JEREMIAH 8:10

Mmɔdo nyeda iban mmɔ nnɔ owo eŋwen, nyemen iŋwaŋ mmɔ nnɔ owo eke edidade mmɔ enyene: koro ŋkpri ye ikpɔ kpukpru kiet kiet enyene isin-enyin, prophet ye oku kpukpru enam abiaŋa.

ŊWED ESEME 2:20

O Jehovah, se nyuŋ tiŋ enyin ke idem owo emi afo anamde ntem ye enye. Nte iban ekpeta mfri mmɔ, nsek nditɔ emi mmɔ ekamade ke ubɔk? Nte ekpewot oku ye prophet ke edisana ebiet Ɔbɔŋ?

EZEKIEL 23:39

Ndien ke ini mmɔ ema ekewot nditɔ-iren mmɔ enɔ ibɔk mmɔ, mmɔ edi ke edisana ufɔk mi ke kpasuk usen oro, edisabare enye; ndien, sese, ntem ke mmɔ enam ke ufɔt ufɔk mi.

EZEKIEL 44:10

Edi mme Levite emi ekekpɔŋde mi anyan usuŋ, ke adaŋemi nditɔ Israel emi ekpɔŋde mi ediyo, eyode ebine ibɔk mmɔ; ndien mmɔ eyebiom idiɔk ido mmɔ.

EZEKIEL 7:20

Enye onyuŋ onim ediye mbana esie ke iseri: mmɔ enyuŋ enam mbiet mbubiam ŋkpɔ mmɔ, ye ŋkpɔ ndek mmɔ ke esit: oro esin ami nnim enye ke ndek nnɔ mmɔ.

EZEKIEL 8:11

Owo ata ye duop emi etode ke mbiowo ufɔk Israel enyuŋ eda ke iso mmɔ, Jaazaniah eyen Shaphan onyuŋ ada ke otu mmɔ, kpukpru owo enyuŋ ekama censer mmɔ ke ubɔk mmɔ; ndien incense ɔdɔk nte akamba nsuŋikaŋ.

EZEKIEL 8:16

Ndien enye ada mi oduk ke esit esa okure ufɔk Jehovah, ndien, sese, ubɔk owo edip ye ition ke enyin-usuŋ temple Jehovah eda ke ufɔt etehe ye itie-uwa, ekpa edem enɔ temple Jehovah, iso mmɔ enyuŋ ese edem usiaha-utin: ndien mmɔ etuak ibuot enɔ utin ese edem usiaha-utin.

ZEPHANIAH 3:3

Mbɔŋ esie ke ufɔt esie edi lion mfriori: mme ebierikpe esie edi wolf mbubreyo; mmɔ isuhɔke baba ŋkpɔ kiet inɔ usenubɔk.

ZEPHANIAH 3:4

Mme prophet esie edi mbon ŋkimidem ye mbon mbubik; mme oku eise esabare edisana ŋkpɔ: mmɔ ebiat ibet.