JEREMIAH 23:1 - Edisana ñwed Abasi Ibom

¹ JEHOVAH ɔdɔhɔ ete, Osuk ɔdɔdiɔk ɔnɔ mme ɔbɔk erɔŋ eke esobode enyuŋ esuande ufene emi ami mbɔkde.

JEREMIAH 23:1 ပူးပေါင်းရင်းမြစ်များ

JEREMIAH 10:21

Koro mme ekpemerɔŋ emekabare ebiet unam, minyuŋ ibineke Jehovah: oro esin mmɔ ikwe unen, ofuri ufene mmɔ enyuŋ esuana.

JEREMIAH 12:10

Ediwak mme ekpemerɔŋ emebiat iŋwaŋ-vine mi, emedigi udeme mi ke ukot, emenim edinem udeme mi ke desert nditaha.

JEREMIAH 13:17

Edi mbufo minyimeke ndikop enye, ukpɔŋ mi eyetua eyet ke ndibe abaŋa ntaŋidem mbufo; eyenyuŋ eseme eti-eti, mmɔŋeyet eyenyuŋ oto mi ke enyin ɔsuhɔre: koro etaŋde otu ufene Jehovah efep.

JEREMIAH 2:26

Kpa nte but anamde inɔ, koro emumde enye, kpa ntre ke but edinam ufɔk Israel, mmɔ, ye ndidem mmɔ, ye mbɔŋ mmɔ, ye mme oku mmɔ, ye mme prophet mmɔ.

JEREMIAH 2:8

Mme oku idɔhɔke ite, Enye Jehovah? Mmɔ eke ekamade ŋwed-mbet inyuŋ ifiɔkke mi: mme pastor enyuŋ edue mi, mme prophet enyuŋ eda Baal enam prophecy, enyuŋ ebine se midoroke udori.

JEREMIAH 22:22

Ofum eyebɔk kpukpru mmɔ eke ebɔkde fi, mmɔ eke emade fi eyenyuŋ eka ke otu mbon ntaŋ-mfep: koro but ye esuene eyenam fi ke ini oro ebaŋa kpukpru mme idiɔk ido fo.

JEREMIAH 23:2

Mmɔdo ntem ke Jehovah Abasi Israel ɔdɔhɔ abaŋa mme ɔbɔk erɔŋ emi ebɔkde ikɔt mi, ete: Mbufo emesuan ufene mi, enyuŋ ebin mmɔ efep, inyuŋ itiŋke mmɔ enyin ise: sese, ami nyenɔ mbufo ufen mbaŋa idiɔk ido mbufo: emi edi uyo Jehovah.

JEREMIAH 50:6

Ikɔt mi edi ufene eke esopde: mme ɔbɔk mmɔ enam mmɔ ediyo, enam mmɔ efiak edem ke ikpɔ obot: mmɔ ekpɔŋ akamba obot eka ekpri, emefre ebiet nna mmɔ.

EZEKIEL 13:3

ntem ke Ɔbɔŋ Jehovah ɔdɔhɔ, ete, Osuk ɔdɔdiɔk ɔnɔ mme ndisime prophet emi etienede spirit idem mmɔ, minyuŋ ikwe baba ŋkpɔ kiet!

EZEKIEL 34:1

NDIEN uyo Jehovah osim mi, ete, Eyen owo, tiŋ prophecy baŋa mme ɔbɔk-erɔŋ Israel;

EZEKIEL 34:21

Koro mbufo edade ŋkaŋ ye afara enuk, enyuŋ edade nduk mbufo ekim kpukpru mmɔ emi idem ememde mmɔ, tutu mbufo esuan mmɔ esin ke esien.

EZEKIEL 34:31

Ndien mbufo ufene mi, ufene emi mbɔkde, edi owo; ami nnyuŋ ndi Abasi mbufo. Uyo Ɔbɔŋ Jehovah edi emi.

EZEKIEL 36:38

Nte otu edisana ufene, kpa nte otu ufene Jerusalem ke mme usɔrɔ esie; kpasuk ntre ke mme obio emi ekewurede editie, otu owo eyeyɔhɔ ke esit, Ndien mmɔ eyefiɔk ete ke ami ndi Jehovah.

ZECHARIAH 10:3

Iyaresit mi ofiop ye mme andibɔk oro: ami nnyuŋ nnɔ okpo ebot ufen: koro Jehovah mme udim ekerede otu erɔŋ esie kpa ufɔk Judah, onyuŋ onimde mmɔ ke ediye horse esie ke ekɔŋ.

MATTHEW 15:14

Ndien nnan ama ada nnan usuŋ, mmɔ mbiba eyeduɔŋɔ ke ukpe.

MATTHEW 9:36

Edi ke adaŋemi Enye okutde mme otu owo, atua mmɔ mbɔm, koro mmɔ edude ke nnanenyin enyuŋ esuanade, nte erɔŋ eke minyeneke andikpeme.

JOHN 10:10

Inɔ idige, ke mibɔhɔke man oyip, onyuŋ owot, onyuŋ osobo: Ami ŋkedi man mmɔ enyene uwem, enyuŋ edɔdiɔŋ enyene ekan.

JOHN 10:12

Owo emi anamde utom ke okuk, emi midige ekpeme-erɔŋ, mme erɔŋ minyuŋ inyeneke enye, okut nte ekpe edide, ɔkpɔŋ mme erɔŋ, efehe esiemɔ, ekpe onyuŋ omum mmɔ asuan:

JOHN 10:8

Kpukpru owo eke ekebemde Mi iso edi edi inɔ ye mbon ŋwo: edi mme erɔŋ ikopke mmɔ uyo.