JEREMIAH 22:8 - Edisana ñwed Abasi Ibom

⁸ Ndien ediwak mme idut eyesaŋa ebe obio emi, enyuŋ edɔhɔ kiet ye kiet, ete, Nsinam Jehovah akanamde ntem ye akwa obio emi?

JEREMIAH 22:8 ပူးပေါင်းရင်းမြစ်များ

JEREMIAH 16:10

Ndien ama ekem ke ini afo editiŋde kpukpru ikɔ emi ɔnɔ mbio-obio emi, ndien mmɔ eyedɔhɔ fi, ete, Ke didie ke Jehovah ɔdɔhɔ ofuri akwa idiɔk-ŋkpɔ emi abaŋa nnyin? Nsinyuŋ idi idiɔk ido nnyin, ye oburobut ido nnyin, eke nnyin iduede ye Jehovah Abasi nnyin?

JEREMIAH 40:2

Ndien etubom mbon ukpeme edidem ada Jeremiah edi, onyuŋ ɔdɔhɔ enye, ete, Jehovah Abasi fo ɔkɔdɔhɔ idiɔk-ŋkpɔ emi abaŋa ebiet emi.

JEREMIAH 40:3

Jehovah ama onyuŋ ada edi, onyuŋ anam kpa nte enye ɔkɔdɔhɔde: koro mbufo ekenamde idiɔk ido ye Jehovah, mikonyuŋ ikopke uyo esie, mmɔdo ŋkpɔ emi osimde mbufo.

ŊWED ESEME 4:12

Ndidem ererimbot ye kpukpru mme andiduŋ ekondo baba kiet ikpenimke ke akpanikɔ, ite ke owo usua ye owo utɔk ekpeduk ke inua-otop Jerusalem.

EZEKIEL 12:16

Ndien nyesio owo mmɔ esisit mfep ke ofut, ye biɔŋ, ye idiɔk udɔŋɔ, nsuhɔ; man mmɔ ebuk kpukpru mbubiam ŋkpɔ mmɔ ke otu mme idut eke edisimde do; ndien mmɔ eyefiɔk ete ke ami ndi Jehovah.

EZEKIEL 14:23

Ndien mmɔ eyedɔŋ mbufo esit ke ini mbufo edikutde usuŋ mmɔ ye ido mmɔ: ndien mbufo eyefiɔk ete ke idige ke ikpikpu ke ŋkanam kpukpru se ŋkanamde ke esit. Uyo Ɔbɔŋ Jehovah edi emi.

EZEKIEL 39:23

Mme idut eyenyuŋ efiɔk ete ke eketaŋ ufɔk Israel efep ebaŋa mme idiɔk ido mmɔ, koro mmɔ ekeduede mi, ndien ami ndip mmɔ iso mi, nnyuŋ nda mmɔ nsin mme asua mmɔ ke ubɔk: ndien kpukpru mmɔ eduɔŋɔ ke ofut.

EZEKIEL 5:15

Ndien enye eyekabare edi ŋkpɔ but ye esuene, ŋkpɔ item ye ŋkpɔ ndyɔ ɔnɔ mme idut emi ekande fi ekuk, ke ini ŋkpede ikpe ye afo ke iyaresit, ye ke ifuresit, ye ke ikaŋ nduari; edi ami Jehovah ndɔhɔ;

DANIEL 9:7

O Ɔbɔŋ, edinen ido enyene fi, edi but iso enyene nnyin kpa nte mfin emi, enyene mbio Judah, ye mme andiduŋ Jerusalem, ye ofuri Israel mkpet-mkpet ye nsan-nsan, ke kpukpru mme idut eke afo ekebinde mmɔ eka do, ebaŋa mme idiɔk ido emi ekenamde ye afo.